(نوفيلا) أحببت حياؤها

البارت الاول

اللهم صلِّ وسلم وبارك على سيدنا محمد وعلى آله وصحبه اجمعين
يا حي يا قيوم برحمتك أستغيث أصلح لي شأني كله ولا تكلني الى نفسي طرفة عين
                                                                         
صدق اللي قال إن "المقامات بتتغيّر"، أنا گان في ناس في حياتي عُمري ما تَخيَّلت إنّي أقدر أعيش من غيرها.. وأديني عايشه عادي من غيرهُم، وفي ناس ما گُنتش ببطل گلام معاهُم ووجودهم گان مسيّطر على أغلب فترات يومي ودلوقتي ما بقوش موّجودين ولا نعرف حاجة عن بعض؛ الغريب إن مش فارقه معايا ولا بحن ولا حتى حاسه بأي تأنيب ضمير ودا لإنّي ما قصرّتش في حق حد وعارفه إن عملت اللي عليّا وزيادة گمان💖💖💖💖💖💖💖🪴" "" ____
                                                                        
في الصباح الباكر استيقظت بتأفف
هي بنوم: يا ماما يا ست الكل انا صحيت خلاص
والدتها: هتقومي ولا اجيب مايه سقعة اكبها فوقك
هي: استغفر الله العظيم حاضر قومت اهوو
والدتها: انجزي نفسك شوية عشان تلحقي تفطري
قامت وقبلت والدتها: حاضر يا جميل
دخلت لتأخذ شاور وتتوضئ لكي تصلي صلاة الضحي وترتدي ملابسها لكي تذهب الى الكلية
نزلت وجدت والدتها ووالدها واخوها يجلسون على المائدة
هي: الله الله بتفطروا من غيري بقت كدا يعني
والدها بضحك: اقعدي يا غلابوية عشان تلحقي جامعتك
هي بضحك: لو مكنتش تحلف بس يا حاج
ضحكوا عليها وجلسوا يفطرون في جو عائلي جميل
هي الى اخوها: يالا يا ريس
اخوها: نعم انتي بتكلميني
هي بسخرية: لا بكلم الاخ اللي جمبك انجز نفسك عشان توصلني في طريقك
اخوها: هو انا السواق بتاعك ما تروحي زي ما بقيت خلق الله بتروح
هي بتذمر: شايف يا بابا
والدها بضحك مكتوم: ولد وصل اختك هو احنا عندنا كام مودة يعني
سعيد: حااضر حاضر يا بابا قومي يختي
قامت بابتسامة وقبل ان يخرجوا
سعيد: استني كدا
مودة: نعم في حاجة
سعيد: لفي كدا وريني الخمار مظبوط ولا اي
مودة بابتسامة: حاضر
وقفت امامه وظلت تدور حول نفسها وهي تضحك
سعيد بابتسامة: تمام يالا بينا
ودعوا والديهم ونزلوا ركبوا سيارة سعيد
مودة بابتسامة جميلة: سعيد
سعيد بشك: يا نعم
مودة: ممكن نعدي على سوسو ناخدها معانا
سعيد برفعة حاجب: سوسو مين دي كمان
مودة: سهى صحبتي
سعيد: امممم سهى وهنجبها منين
مودة: من البيت
سعيد بغضب مصطنع: ما هو اصل انا خلاص بقيت خدام عندك انتي وست سهى انتوا لو مأجرني مش هتعملوا فيا كدا
مودة بردح نوعا ما: يعني نتمرمط في المواصلات يعني ولا اي يرضيك اننا نتمرمط
سعيد: لا ياختي تقوموا تمرمطوني انا صح
مودة: ولو احنا ما منتمرطكش مين هيعمل كدا غيرنا
سعيد بضحك: اسمها اي يا مودة انتي شوهتي اللغة يبنتي
مودة: سيب الموضوع الاساسي وامسك في كلمة بقى
قاطعهم صوت هاتفها فردت
مودة: السلام عليكم
سهي: وعليكم السلام يا استاذة انتي فين كل دا
مودة: سيد باشا اهدي علينا احنا لسه بنقول يا صبح ماشي انتي اللي فين واوعي تتاخري عشان لو اتاخرتي سعيد هيعملني شاورما لما اروح
سهى: هو اي اللي دخل سعيد في الموضوع دلوقتي انا عاوزة افهم انا متنيلة في الشارع اهو انجزي
مودة: طب حلو ما تتحركيش بقى عشان انا وسعيد قربنا نوصلك سلام
اغلقت قبل ان تستمع ردها: عيلة رغاية بشكل
سعيد بسخرية: الطيور على اشكالها تقع يا اختي
مودة وهي تغمض عينيها بسيط: قصدك اني رغاية يعني ولا اي
سعيد بضحك: لا سمح الله 😂
مودة: بس اركن على جنب يا اسطى وادي واحد كلاكس
سعيد: ياربي ياربي هيجرالي حاجة بسببها
اتت اليهم سهى
سهى بغضب طفولي: ما لسة بدري يا بشوات كنتوا اتاخروا شوية كمان
سعيد: هو انتي ولا عجبك كدا ولا عجبك كدا
سهى بعد ان جلست بالخلف: تعرف تسوق وانت ساكت وتسرع شوية عشان هنتاخر
سعيد بغيظ: والله انا غلطان اني بوصلكم اصلا انا هسيبكم بعد كدا تتمرمطوا في المواصلات
مودة بتهدئة وهي تنظر الى سهى بغضب: امسحها فيا يا بيه إن شاء الله يحفظك للغلابة دي عيلة هتاخد على كلامها معلش
سهى بغضب: مو
مودة بمقاطعة: ششش اسكتي اسكتي ربنا يسامحك مين اللي هيوصلنا بعد كدا اسكتي هاا خلاص يا باشا
سعيد بابتسامة: ماشي خلاص
اوصلهم الجامعة وبعد ان نزلوا
سعيد: خلوا بالكم من نفسكم واما تخلصوا كلموني عشان اجيلكم
سهى: مستغنيين عن خدماتك متتعبش نفسك
مودة وهي تضع يدها على فمها: هش هش اسكتي حاضر يا سعود هرن عليك في حفظ الله
سعيد: في حفظ الله
ذهب الى عمله ودخلوا الجامعة
مودة:انتي مش بتريحي مع سعيد في مكان معرفش ليه
سهى: اخوكي رخم وبيتبارد عليا
مودة بسخرية: اسم الله عليكي ياختي وانتي بتسكتي اووي
اصتدم شخص بها
مودة وهي لا تنظر له: انا اسفة
الشخص: مش تفتحي انتي عامية
سهى: مين اللي يفتح يا اعمى انت يعني انت اللي خبتطها وهي اللي اعتذرت لا وبتقل ادبك كمان دا انت بجح
مودة بهدوء: حصل خير يالا نمشي
سهى: انتي هتسكتي له ولا اي دا عديم الزوق
الولد بغضب: احترمي نفسك
سهى بردح: احترم انت نفسك الاول يبتاع انت
مودة بسرعة: خلاص اسكتي معلش يا استاذ
وسحبت سهى من يدها ومشوا من امامه
سهى: اوعي كدا سيبي ايدي ازاي تسكتي للحيوان دا هو اللي غلطان وانتي اللي اعتذرتي
مودة: سهى احنا هنعمل مشاكل في الجامعة ولا اي احنا في الجامعة حاجه وبرا الجامعة حاجه
سهى: اوووف منك يبنتي هو اللي غلط
مودة: عديها يا سوسو بقى خلاص
سهى: ماااااشي يبنت سمر ماااااشي
مودة بضحك: هروح اقولها هااا
سهى: روحي ولا يهمني
مودة: المهم ذاكرتي حاجة
سهى: ايوا ذاكرت عشان في كويز الاسبوع الجاي
مودة: طب حلو تعالي معايا بعد الجامعة نراجع سوا عندي
سهى: وماما
مودة: انا هقولها
في مكان بعيد عنهم كان يجلس مع رفاقه
بنت بمياعة: مالك يا مارو
مروان: مفيش يا رندا
رندا: لا بجد مالك are you okay
مروان: ايوا كويس
صاحبه: اوعي تكون اضايقت من البنات دي هما اصلهم معقدين شوية
التفت له مروان باستفهام
صاحبه: البنتين اللي شوفتهم وانت داخل اللي لابسين هدوم واسعة وخمار دول
مروان بتلقائية: هما عشان لابسين واسع يبقى معقدين
رندا: متشغلش بالك يا بيبي الجامعة ياما بتلم
مروان بضيق: ممكن تسكتوا بقى
كان يفكر بها كيف لها بأن تعتذر منه وهو من اخطأ وما زاد استغرابه انها لم تنظر له حتى انها فتاة غريبة حقا
مروان بضيق الى نفسه: انا لازم اعتذر منها انا اللي غلطان ثم تذكر سهى وبان عليه الغضب مرة واحدة: بس صاحبتها دي اي دااااا
مراد: مروان انت كويس مالك وشك عمال يقلب ليه كدا
مروان بضيق: اووف انا ماشي
رندا: هو مارو مالو
مراد: مش عارف
دخل المدرج وجدهم يجلسون ويأكلون كان سوف يتكلم ولكن مانعه دخول بقية الطلاب ف جلس في مكانه اما هم لموا اغراضهم بسرعة قبل دخول الدكتور ونظروا الى بعضهم وابتسموا