(نوفيلا) أحببت حياؤها

البارت التاسع

اللهم صلِّ وسلم وبارك على سيدنا محمد وعلى آله وصحبه أجمعين
يا حي يا قيوم برحمتك استغيث أصلح لي شأني كله ولا تكلني إلى نفسي طرفة عين
مثّل أنك تعيش الحياة التي تتمناها، والشخصية التي تود أن تُصبح عليها، مثّل أنك تعشق عملك ودراستك، وأنك تثق بنفسك وتحبها وتقدرها، مثّل أنك محظوظ، سعيد، ممتن، ناجح، منضبط، نشيط..وستصبح هكذا حقًا بإذن الله.
                                                                                  
بعد مرور اسبوع لم تظهر ياسمين ولا يعرفون شيء عنها
سلمى:يالا يا كوكي تعالي بقى
كنوز بحزن:انا عاوزة ياسمين
سلمى بحزن:بابا مسبش حتة الا ودور فيها ومش عارفين راحت فين
كنوز بحزن:خلاص انا مش هاكل غير لما اشوف اختى
احمد وهو يدخل من الباب:طب عشان خاطر بابا يا كوكي
كنوز بحزن:يا بابا انا عاوزة اختي
احمد بحب:حاضر كلي واحنا هنروح نشوفها سوا
كنوز بعصبية:قولت مش عاوزة حاجة غير اختي
تركتهم وذهبت إلى غرفتها بغضب نظر احمد إلى سلمى بقلة حيلة
سلمي:هنعمل اي يا احمد
احمد:والله دورت عليها ف كل مكان معرفش هي راحت فين بس
سلمى وهي تربت على كتفه:خير ياحبيبي هنلاقيها
احمد بتنهيدة:يارب يا سلمى
في فيلة هشام كانوا يجلسون على السفرة ما عدا معاذ
هشام:اخوك فين
مروان:خرج
هشام:راح فين يعني
مروان:قال رايح الكلية
سارة:معاذ مش عاجبني خالص ولا بقى مهتم بنفسه ولا بصحته ولا بيعمل اي حاجة غير انه يروح الجامعة ويرجع يقعد في اوضته
مريهان بحزن:ان..انا..انا اسفة انا السبب في اللي معاذ وصله وبسببي مش عارفين ياسمين فين
سارة:انتي بتعتذري ليه دلوقتي اللي حصل حصل خلاص
مروان:بعد اذنكم
خرج هو الاخر وخلفه مريهان ذهب هو إلى فيلة زين ومريهان إلى الجامعة
مودة بابتسامه:اتفضل يا مروان
مروان:لو جهزتي كنت هاخدك معايا بس طبعا بعد اذن عمي زين
زين بابتسامه:ولا يهمك ياحبيبي
مودة:بس سهى هتكون معانا
نظر لها باستغراب
زين بضحك:اصل سهى متفقة مع مودي انهم يمشوا سوا فأنت كدا هتروح تاخد سهى معاكوا
مروان بهدوء:خلاص مفيش مشكلة
خرج هو ومودة متجهين إلى فيلة رحيم
مودة بخجل:احم انت كويس يا مروان
مروان بتنهيدة:لا مش كويس خالص
مودة بخوف:طب مالك اي اللي حصل
أوقف السيارة ثم تنهد تنهيدة طويلة:اخويا اخويا مش عاجبني خالص بقى مهمل في صحته وفي نفسه وانا انا خايف عليه انا اول مرة اشوفه بالحالة دي
مودة :إن شاء الله كلو هيتحل
مروان:انا مش عارف هي استفادت اي لما عملت كل دا قولنا ان مريهان اختنا وهي مش بتفهم دلوقتي مريهان محملة نفسها كل حاجة ومعاذ مبقاش هو معاذ اللي نعرفه بجد مش عارف
وضع يده على وجهه فنظرت له بحزن ثم مدت يدها بتوتر لتمسك يده
مودة:كلو هيتحل صدقني متقلقش
نظر إلى يدها التى تمسك بيده بابتسامه :بإذن الله ذاكرتي ولا لا
مودة بتوتر:اه يعني شوية
مروان:مش عاوز مستواكي يقل يا مودة عاوزك زي ما انتي
مودة بخجل:ح..حاضر
على الجانب الاخر كان معاذ يدور بسيارته لا يعرف أين يذهب ف وقف أمام احد الكافيهات وكان يتنهد بحزن ثم لفت نظره شخص ما ظل يدقق النظر ثم نظر بصدمه
معاذ بصدمة:معقول
ثم نزل من السيارة بسرعة ودخل الكافيه ومسكها من يدها نظرت بغضب وكانت ستشتم ولكن تحولت نظرتها إلى الصدمة
معاذ بصدمة:ي..ياسمين
ياسمين بصدمة:م..معاذ
معاذ:بتعملي اي هنا
ياسمين:تحت امرك يافندم اقدر اساعد حضرتك ازاي
معاذ باستغراب:ياسمين بتقولي اي امشي معايا يالا
ياسمين:لو سمحت اتفضل اقعد وهجيب لحضرتك إللى تعوزه
معاذ بغضب:بقولك امشي معايا
كان الجميع ينظر لهم بصدمة وجاء صاحب الكافيه على الصوت
صاحب الكافيه:خير حضرتك ماسكها ليه كدا عملت اي
معاذ بغضب:بقولك يالا يا ياسمين
صاحب الكافيه:خلي كلامك معايا يا استاذ
معاذ:نعم
صاحب الكافيه:في اي ماسكها ليه كدا وعاوزها تروح فين
معاذ:ميخصكش
صاحب الكافيه بغضب:انت ازاي تتكلم معايا كدا
نفخ معاذ بضيق ثم اخرج له بطاقته واراه اياها
صاحب الكافيه بخوف:اتفضل يا فندم انا اسف تقدر تقولي هي غلطت في اي
معاذ:مغلطتش في حاجة انا هاخدها وامشي
صاحب الكافيه باستغراب:حضرتك فهمني طيب
معاذ بضيق:ياسيدي هي خطيبتي وعاوزها
صاحب الكافيه باستغراب:خطيبتك
معاذ بنرفزة: يووه انا مش هبرر لحد
ثم سحب ياسمين من يدها
ياسمين:معاذ سبني معاذ مش عاوزة اروح سبني يا معاذ
معاذ:اسكتي يا ياسمين خالص اسكتي
نزعت يدها بغضب:قولتلك مش همشي
معاذ بغضب:فييي ايييي يا ياسمين بصيلي كويس بصيلي يا ياسمين انتي شايفة انا عامل ازاي انتي شايفة اني معاذ اللي كنتي تعرفيه شوفتي حصلي اي من بعدك ولا شوفتي مريهان ولا طنط سلمى وخالو ولا كنوز اختك انتي بتعملي فينا ليه كدا
ياسمين ببكاء:امك يا معاذ طنط سارة اهانتني وشتمتني وقالت اني يتيمة واني ولا حاجة واديني بعيش العيشة اللي اهلي سابوني فيها ولو على اختي انا هجبها تعيش معايا مش هسيبها لحد يعايرها بعد كدا انها يتيمة
معاذ بصدمة:يعايرها امي عايرتك انتي مش عارفة امي قالتلك كدا لي مش انتي اللي قولتي لمريهان الاول وانا قايلك انها اختي واول ما فتحت لقيت امي وابويا هما اللي شايلينها وبعدين امي معايرتكيش امي قالتلك انتي مش احسن من مريهان في حاجة انك تبهدليها كدا وبعدين هتقدري تكسري قلب خالتو سلمي هي وخالو وتاخدي اختك اه صح نسيت تقدري ما انتي كسرتي قلبي قبلهم
ياسمين ببكاء:عاوزني اعمل اي لما اعرف انها كانت بايتة معاكوا انا بغير عليم انت ليه مش قادر تفهم وبعدين مين اللي كسر التاني انت اللي كسرتني لما قولت لماما سلمى انا خلاص مش هخطب ياسمين
معاذ بغضب:انتي برضو مش قادرة تفهمي انها اختنا ليي انا عاوز افهم يبنتي بقولك اختنا وهي ليها اوضتها بتنام فيها مودة مبتعملش زيك لي مع ان مروان جوزها يا ياسمين
كانت تبكي فقط والجميع يشاهدهم
معاذ:ردي عليااا
ياسمين ببكاء:سبوني في حالي
معاذ:انتي هتمشي معايا دلوقتي وكمان سايبة جامعتك ومبتروحيش انتي عبيطة يبنتي
ياسمين:مش هروح معاك في حتة
معاذ:انا هستني في العربية تغير وتجيلي ولو مجتيش او فكرتي تمشي من هنا صدقيني هندمك يا ياسمين
ذهب من أمامها بغضب وهي كانت تبكي فقط اقترب منها اثنين وربتت الفتاة على كتفها
الفتاة:على فكرة بيحبك اووي
ياسمين :اه بيحبني وفسخ الخطوبة قبل ما تتم
الشاب:بس انتي عملتي حاجة ضايقته
ياسمين:عشان بغير عليه دا يضايقه
الفتاة:البنت اللي انتي بتغيري عليه منها كانت حبيبته
ياسمين:لا
الفتاة:طيب قريبته مثلا وعينها منه
ياسمين:لا
الفتاة:اممم طيب هل هو كان بيحبها وهي مش بتحبه وانتي مفكرة انها عاوزة تخليه يحبها تاني
ياسمين:لا برضو
الفتاة:امال اي غلبتيني
ياسمين:اخته
الفتاة والشاب معا:نعم يختي
ياسمين:اي
الفتاة:بتغيري من اخته
ياسمين:هي يعني أهلها متوفيين والدتها اتوفت وهي بتولدها ووالده اخدها رباها معاهم هي مولودة في نفس اليوم معاهم
الشاب:طيب يعني اخته برضو مش والدته اللي ربتها واكلتها معاه
ياسمين:ايوا هو وأخوه التؤام
الفتاة:بصي ياقمر واضح انهم بيخافوا عليها اوي وانتي بتقولي من وهي صغيرة معاهم وكانوا هما صغيرين برضو يعني هما معتبرينها تؤامهم التالت بلاش تضيعيه من ايدك هو بيحبك ولو كان قال حاجة ضايقتك فدا اكيد عشانها محدش بيتحمل ان حد يقول عن اخته حاجة
ياسمين بدموع:بس امه قالت اني يتيمة
الفتاة:بصي انتي شكلك عملتي حاجة كبيرة ليها بس بجد هو باين عليه الحب اوي فدا لو ضاع من ايدك صدقيني مش هتلاقي حد يحبك زيه
الشاب:بصي انتي دلوقتي اخرجي له وامشي معاه وفكري مع نفسك ولو طلعتي غلطانة جامد لازم تعتذري طبعا عشان ميزعلش منك
الفتاة:اسمعي الكلام وروحي يالا واعتذري وحاولي تشيلي فكرة انها مش اختهم دي من دماغك ماشي ياقمر
ياسمين بابتسامه:ماشي شكرا
الفتاة:العفو لو حبيتي نتكلم معنديش مشكلة خدي رقمي وكلميني
ياسمين بابتسامه:ماشي انا ياسمين
الفتاة بابتسامه:وانا لمار
ذهبت ياسمين إلى صاحب الكافيه واعتذرت منه ثم خرجت وجدت معاذ يأتي إليها
ياسمين بهدوء:يالا بينا
معاذ:عين العقل يالا هوديكي البيت تغيري ونمشي على الجامعة
عند سهى كانت تنتظر مودة بفارغ الصبر
سحر:ما تقعدي يبت الله
سهى:مودة اتأخرت يا ماما
سحر:يمكن مش هتروح
سهى:لا هي مأكدة عليا الصبح
سمعوا صوت سيارة بالخارج فخرجت بسرعة
سهى:سلام يا سحورة
خرجت وكانت سوف تشتم مودة ولكنها رأت مروان معها
سهى:اه عشان كدا اتاخرتي كنتي خليكي شوية كمان
مروان:اصلا كنت هاخدها وامشي بس صعبتي عليا
سهى بغيظ:مودة لمي جوزك عشان ما اضربهوش
مودة بضحك:تضربيه قدامي ازاي يعني
مروان:يعني تضربني مز وراكي عادي في اي يا م مودي
مودة:لا ولا من قدامي ولا ورايا متضربكش خالص
سهى:انجزوني من الفيلم الهندي دا ويالا
ضحك مروان عليها واخذهم وذهبوا إلى الجامعة
في فيلة احمد وصل معاذ وياسمين ودق معاذ الجرس وكانت تقف خلفه فتحت لهم سلمى
سلمى:اهلا يا معاذ اتفضل
معاذ:كنوز فين يا خالتو
سلمى بحزن:كنوز غلبتني يا معاذ مش راضية تخرج من اوضتها ولا رضيت تاكل واتعصبت عليا انا واحمد الصبح لو اعرف فين ياسمين بس
خرجت ياسمين من خلف معاذ بابتسامه:انا اهوو
سلمى بصدمة:يا.. ياسمين
ضمتها ياسمين بحب وبكت داخل احضانها:حقك عليا يا ماما
سلمي:ياسمين انتي
قاطعها معاذ:اتفضلي غيري وشوفي كنوز ويالا عشان الجامعة
هزت راسها وقبلت سلمى من راسها وصعدت
سلمى:انا مش فاهمة حاجة
معاذ:تعالي احكيلك
حكى لها معاذ كل شئ
سلمى:معقول بقى كدا يا ياسمين
معاذ:اهم حاجه انها رجعت يا خالتو
كانت ستتكلم ولكن منعها نزول كنوز بفرحة وجرت إلى معاذ تحضنه
كنوز:شكرا يا ابيه معاذ أنك رجعت اختي
معاذ بابتسامه:عيب كدا يا كوكي مفيش شكر بينا
ياسمين بتوتر:انا خلصت
قام معاذ وودع سلمى وكنوز وياسمين ودعتهم أيضا وذهبوا إلى الجامعة
وصلوا ودخلت ياسمين إلى محاضرتها وكان معاذ يجلس يبحث عن مريهان ثم سمع شخص ما ينادي عليه التفت بابتسامه
معاذ بابتسامه:سليم شكراا على وقفتك معايا
سليم بابتسامه:مفيش بينا الكلام دا يا معاذ وبعدين لمار هي اللي اقنعتها
لمار من خلفه:طب اوعي يا حلو مش عارفة من غيري كنتوا هتعملوا اي
معاذ بضحك:شكراا جدا يا لمار
لمار:هو معاذ شكلو عاوز يضرب صح يا سليم
سليم بضحك:خلاص اهدي يا لولو الراجل كان هيتجنن عليها برضو
لمار:عد الجمايل هاا يالا انا داخلة المحاضرة
معاذ:ابقى هاتي لياسمين المحاضرات اللي فاتتها
لمار بغمزة:متقلقش يا ريس كلو تمام
سليم:يالا يا دكتور ولا اي
معاذ:مريهان مش عارف فين
سليم:تعالى انا كنت شايفها قريبة من هنا
ذهبوا إلى مريهان واخبرها معاذ كل شئ وفرحت لهذا
عند لمار دخلت وكان الدكتور دخل
لمار بهمس:يلي منك لله يا معاذ ثم قالت بصوت عالي نسبيا ممكن ادخل يا دكتور
الدكتور:اتفضلي واخر مرة تدخلي بعدي
لمار:حاضر
دخلت وكانت ياسمين تنظر لها بصدمة فذهبت وجلست بجانبها وهمست لها:ايوا معاكى متتنحيش كدا
بعد مرور ساعتين خرجت لمار وياسمين من المحاضرة
ياسمين:هو انتي معايا بجد
لمار:لا كنت داخلة اشم هوا ايوا يبنتي معاكي
ياسمين:طب شكل كدا الباقي لسه مخلصوش هقعد استناهم بقى
لمار:اشطا هقعد معاكي استني ابن عمي
ياسمين:اللي كان معاكي
لمار:ايوا وهبقى اجبلك المحاضرات اللي فاتتك
ياسمين:شكرا يا لمار
لمار:العفو
ظلوا جالسين إلى أن خرج مروان ومودة ورندا وسهى
مودة:الحقوا ياسمين اهي
ذهبوا لها سريعا وقامت هي على الفور
سهى:ياسمين كنتي فين كل دا خوفتينا عليكي
ياسمين:احم اهدي يا سهى وهحكيلك
مروان وهو ينظر للمار:انتي انتي لمار
لمار بتوتر:احم ايوا
مروان بدهشة:Omg مش فاكراني
لمار بتوتر:احم اكيد فكراك يا مارو
ياسمين باستغراب:انتي تعرفي مروان
لمار بتوتر:احم ايوا
ياسمين:يعني تعرفي معاذ كمان
نفخت لمار بضيق وهي تنظر لمروان بغضب:بصي انا ايوا اعرفهم انا..انا اخت مراد صاحب مروان
كان الجميع ينظر لها باستغراب ما عدا رندا فهي تعرفها حق المعرفة
ياسمين:يعني كنتوا مخططين سوا بقى
لمار:لا لا صدقيني احنا مكناش نعرف حاجة غير لما شوفنا معاذ في الكافيه صدقيني
جاء مراد فهو كان يشتري شئ ما
مراد بابتسامه:اووه لمورش
لمار بغيظ:بطل بقى الاسم دا
مراد بضحك:غريبة اول مرة من ساعة لما جيتي تقفي مع مروان
لمار:انا صاحبة ياسمين هما اللي جم علينا
مروان:طيب خلاص تعالو نقعد سوا يالا
لمار بغرور:sorryانا اقعد معاك انت مستحيل
مروان بضحك:اصلا مش بقولك انتي انا بقول لياسمين وراند
رندا:مارو ليمو خلاص بليز انتو الاتنين
مروان:هو انا عملت حاجه
رندا:ليمو يالا تعالي هنقعد سوا لحد لما معاذ يخرج يالا يا ياسمين عشان تحكيلنا كنتي فين واي اللي حصل معاكي
هزت ياسمين رأسها بإيجاب ونفخت لمار بضيق وجلسوا ينتظرون معاذ وحكت لهم ياسمين كل شئ
مودة بهمس لمروان:هي البنت دي بتتكلم معاك كدا ليه
مروان بابتسامه :هحكيلك اكيد
دقائق وخرجت مريهان لهم وبعدها معاذ وسليم
مريهان:لمو وحشاااني موووت
قامت لمار واحتضنتها بحب :وانتي كمان جدا
سليم:طيب هنمشي ولا اي
لمار:ياسمين هاتي عنوانك عشان ابقى اجيلك بالمحاضرات
معاذ:احم لمار ياسمين عايشة عند خالو احمد تقدري تروحيلها هناك
لمار:اوكي بااي
مراد:مش هتمشي معايا
سليم:هاخدها معايا
لمار:اقولكم ولا انت ولا هو يالا باي
تركتهم ينظروا لها بصدمة ومشت إلى منزلهم
سليم:طيب انا كمان همشي باي
ذهب هو الاخر وخلفه مراد
معاذ:يالا يا ياسمين عشان اوصلك
قامت معه بدون ولا حرف وذهبت مودة مع مروان ورندا وسهى مع بعضهم
ياسمين بهدوء:انت كنت مخطط مع لمار
معاذ بهدوء:لا انا اصلا مش شوفتهم لما روحت الكافيه
هزت راسها بصمت ولم يتحدثوا في شئ اخر
معاذ في نفسه:انا اسف بس انتي لو عرفتي هتضايقي وانا مش عاوز اضايقك
ظلوا صامتين إلى أن وصلوا فيلة احمد وجدوا سيارة احمد بالداخل فابتسمت ياسمين عندما رأته يقف لها أمام البوابة الداخلية نزلت بسرعة واتجهت له وضمته بحب
ياسمين بأسف:انا اسفة جدا يا بابا سامحنى
احمد بحنية:حبيبتى اهم حاجه انك رجعتيلنا
معاذ بابتسامه:بعد اذنك يا خالو انا كدا مهمتي خلصت
احمد بابتسامه:متشكر جدا يا معاذ انت رديت ليا روحي من تاني
سعدت ياسمين بهذا الكلام
معاذ:انا معملتش حاجه يا خالو
ذهب معاذ إلى فيلتهم ودخل احمد وهو مازال يضم ياسمين تحت ذراعه
احمد بابتسامه:عاوز اقولك على خبر
ياسمين بابتسامه:خير ياحبيبي
احمد:انا روحت البلد عشان اشوف اراضي سليم زي ما سلمى طلبت عشان قدرنا نرجعهم تاني وكان معايا مروان ومعاذ ووروني بيت عمك
انقبض قلب ياسمين بخوف
احمد:اهدي ياحبيبتي انا بس عاوز اقولك ان باباكي بيكون اخويا من الاب
ياسمين بصدمة:اي ازاي
احمد بحزن:زي ما بقولك كدا بس هو مكنش عاوز يفضل في البلد وسابها ومشي ابويا اللي كان حكيلي عشان لما امي اتجوزت ابويا قالتله انها مش عاوزة تقعد في البيت دا خوفا عليا من اخويا محمود وبابا خاف يخسر ولاده الاتنين وفعلا خد لينا بيت جمب بيت رحيم ابن خالتي بحيث امي تكون جمب خالتي على طول
ضمته ياسمين ببكاء:انا بجد مش مصدقة يعني يعني انت عمي اخو ابويا
احمد بحنية:ششش اهدي ايوا انا عمك هما لما وروني البيت مبقتش مصدق لان ابويا لما كنا نمشي من عنده يعرفني انو دا بيت العيلة واحنا بعدنا عشان اخويا دا مش كويس وبابا كان خايف عليا لأبعد زي اشرف
ياسمين:الحمدلله طلع عندنا عيلة بتحبنا بجد
احمد:حقكوا عليا على كل اللي مريتوا بيه وانا مش موجود معاكوا فيه
ياسمين:متقولش كدا يابابا كفايا انك موجود معانا دلوقتي
احمد:طب يالا بقى ندخل لماما وكوكي
بعد مرور يومين لم يحدث فيهم اي شئ ف ياسمين كان احمد يوصلها ويرجع ياخذها وعلمت سهى ومودة وفرحوا انها واختها لم يتربوا عند أحد غريب بل انه عمهم
كان احمد ياخذ ياسمين من الجامعة وهم في طريقهم إلى المنزل
ياسمين:احم بابا ممكن تكلم مريهان تخليها تيجي
احمد باستغراب:اشمعنا
ياسمين:انا عارفة اني غلطت في حقها وعاوزة اعتذر لها
احمد بخبث:مريهان بس
ياسمين بتوتر وخجل:تقصد اي
احمد:عمتا حاضر هكلمها بس هجبها ازاي
ياسمين بتفكير:اممم ممكن تقولها ان ماما تعبانة مثلا دا بعد الشر عليها طبعا
احمد:حاضر
اخرج هاتفه ودق إلى مريهان واخبرها
مريهان بخوف:اي تعبانة ازاي وفين ياسمين
احمد بقلق مزيف:ياسمين منهارة هنا ومش عارفة تتصرف وانا مش عارف أعملهم اي وكل اللي هي بتقولوا عاوزة اشوف ميري
مريهان بخوف:ط.. طب انا هلف وهرجع انا لسة مروحتش
احمد:ماشي ياحبيبتي
أغلق معها ونظر لياسمين بابتسامه عند مريهان دقت إلى معاذ تخبره لكي لا يقلقوا عليها فمروان عند مودة
معاذ بخوف:اي انا كمان جاي
مريهان:اوكي هستناك هناك
اغلقت معه وذهبت سريعا إلى فيلة احمد ومعاذ أيضا وكان احمد وياسمين قد وصلوا دخلوا سريعا إلى سلمى واخبروها
سلمى:كدا تخوفوها هتيجي قلقانة دلوقتي
ياسمين:يا سلومة ياقمر انا عاوزة اصالحها
كانت ستتكلم ولكن مانعها دق الباب فذهب احمد وفتح وجد مريهان ومعاذ معها
مريهان بخوف:فين ماما سلمى
احمد:جوا ادخلوا
دخلت مريهان بسرعة وكان معاذ سوف يدخل ولكن مسكه احمد
معاذ:اي يا خالو عاوز اطمن على خالتو
احمد بهمس:سلمى كويسة تعالى بس عاوزك تسمع حاجة
ذهب معه حيث أشار له كانت مريهان دخلت ووجدت سلمى تقف وبجانبها ياسمين وكنوز
مريهان بخوف:انتي كويسة يا ماما
سلمى بحب:اهدي ياروحي انا بخير
مريهان:ب..بس بابا قال انك
قاطعتها ياسمين:انا اللي قولتله يا ميري
مريهان باستغراب:قولتيلو اي
ياسمين:ميري انا اسفة جدا على كل اللي حصل معرفش انا اي اللي حصلي وقتها صدقيني انا معرفش قولتلك كدا ازاي انا والله مقصدش حاجة من اللي قولتها انتي عارفة انك اكتر من اختي حتى قبل ما اعرف انك اخت معاذ او تعرفي بابا احمد انتي..انتي عرفاني كويس وعارفة انو غصب عني صح
مريهان:انتي جرحتيني يا ياسمين جرحتيني جامد وقولتيلي اني يتيمة وحسستيني قد اي انا وحيدة ومليش حد حتى وهما كلهم موجودين حوليا انتي متعرفيش شعوري كان اي وقتها متعرفيش انا حسيت بأي
ياسمين ببكاء:صدقيني مقصدش اللي قولتو انا انا والله معرفش كان حصلي اي وقتها مريهان انا كمان زيك يتيمة يعني حسيت بنفس احساسك بس والله ما كان قصدي مريهان متبعديش عني انتي عارفه انتي بالنسبالي اي انتي اكتر من اختي ارجوكي يا ميري
اقتربت منها مريهان وضمتها لها بحب:شش اهدي طيب عشان خاطري خلاص اهدي انا معاكي اهو
ياسمين:مش زعلانة مني صح
مريهان:تؤتؤ خلاص مفيش حاجة
ياسمين وهي تحضنها اكثر:انا بحبك اوي اوي يا ميري
سلمى بحب:ربنا يحفظكم ويسعدكم ياولادي يارب
دخل احمد وبعده معاذ وهو يبتسم
احمد بغضب مصطنع:يتيمة يا أستاذة انتي وهي هااا
ياسمين:اهدي بس يا حاج ميري عندي ليكي خبر
مريهان:خير ياروحي
ياسمين بفرحة:مش بابا احمد طلع اخو بابايا الله يرحمه
مريهان:بجد
احمد:ايوا لما روحت البلد انا ومعاذ ومروان ووروني بيت عمها عرفت وقتها انها بنت اشرف اخويا
مريهان:الحمدلله ياحبيبتي
سلمى:يالا الاكل جاهز عشان نتغدا سوا
معاذ:معلش يا خالتو احنا لازم نمشي
مريهان:معاذ انا هقعد معاهم
سلمى:وهو هيقعد عشان ناكل سوا
مريهان:وانا هقعد معاكم على طول
سلمى بغمزة:طب تعالي معايا
ذهبت معها وكنوز سحبت احمد من يده وخرجوا هم أيضا وهما يبتسمان اقترب معاذ من ياسمين بهدوء:كويس انك عرفتي غلطك
ياسمين بتوتر:انا..انا عارفة اني غلطت ومريهان فعلا اكتر من اختي ومن بدري اووي حتى قبل ما اعرف انها اختك وانا مش مستعدة اخسرها
معاذ بابتسامه:كويس انكم رجعتوا زي الاول
ياسمين:ايوا الحمدلله
كان ينظر لها بعشق كبير وهي متوترة للغاية ولم تنظر له
ياسمين بتوتر:ا.احم ا.ان.انا هروح اشوف ماما
جرت من أمامه وهو ما زال مبتسم خرج هو الاخر وجلسوا يتناولون الغداء
معاذ:طب يا ميري تعالي عشان تعرفي ماما وبابا انك هتفضلي هنا
مريهان:اوكي
كنوز:هاجي معاكي
مريهان بابتسامه:ماشي ياروحي
ذهب معاذ ومريهان وكنوز إلى فيلة هشام وجدوا مروان يصف سيارته واستغرب عندما رأى كنوز وهي جرت اليه تحضنه
كنوز بفرحة:ماارو وحشتني جدا
مروان بابتسامه:وانتي كمان يا كوكي وحشتيني اووي
معاذ:يالا ادخلوا
دخلوا جميعهم وفرحت سارة عندما رأت كنوز وضمتها لها بحب
سارة:ياسمين مجتش معاكوا ليه
مريهان:احم ماما انا هروح اقعد عند بابا احمد مع ياسمين وكنوز
سارة :لحد امتى
مريهان بتوتر:احم على طول
سارة:طيب خلاص باتي معانا النهاردة وامشي الصبح
مريهان بفرحة:اوكي
كنوز بعبوس:وانا يا عمتو
سارة بحب:ياقلب عمتو خليكي مع مريهان وامشي الصبح
كنوز:خلاص ماشي
صعدت مريهان إلى غرفتها بصحبة كنوز وصعد معاذ إلى غرفته أيضا
سارة:كنت عند مودة
مروان بتوتر:احم ايوا كنت بوصلها
سارة:نخف شوية بقى ولا اي مش معنى انها مراتك تنط ليها كل شوية سامع والجامعة بعد كدا هى تروح زي ما كانت بتروح سامعني يا مروان
مروان بضيق:حاضر
ذهب إلى غرفته بتافف وهي ذهبت إلى المطبخ قابله معاذ أمام الغرفة
معاذ باستغراب:مالك عمال تبرطم ليه كدا
مروان بضيق:امك دي زهقتني
معاذ بصدمة:امك انت بقيت تتكلم ليه كدا من مامي بقت امك
مروان:يعم بتقولي مروحش لمودة تاني
معاذ بضحك:عندها حق انت كل شوية تنط ليها اقعد شوية في البيت
مروان بضيق:امشي يا معاذ وبكرا نشوف انت هتعمل اي
دخل غرفته وأغلق الباب في وجه أخيه وظل يضحك عليه معاذ
انتهى اليوم بكل ما فيه ولم يحدث اي شئ جديد وها هو اليوم الثاني استيقظت كنوز وجدت نفسها بغرفة غريبة ظلت تتذكر ما حدث وبعدها نزلت إلى الاسفل وجدت سارة وهشام يجلسون في الصالون
كنوز بابتسامه:صباح الخير يعمتو صباح الخير يعمو هشام
سارة/هشام:صباح النور ياحبيبتي
جلست بجانب سارة ينتظرون نزول البقية
سارة:عاملة ايه في دراستك يا كوكي
كنوز:الحمدلله ياعمتو ماما سلمى بتساعدني كتير
سارة:هايل شدي حيلك بقى عاوزينك حاجة كبيرة
كنوز بابتسامه:بإذن الله ياحبيبتي
دقائق ونزل معاذ ومروان ومريهان وقبلوا يد والدهم ووالدتهم وجلسوا يفطرون
كنوز:ها يا ميري هنمشي النهاردة
مريهان:إن شاء الله
هشام:متأكدة من قرارك دا
مريهان:ايوا يا بابا
هشام:اوكي هوصلكم معايا وعربيتك هبعتهالك
مريهان:اوكي بابا
معاذ:احم بابا ماما انا هسافر England
سارة باستغراب:ليه
معاذ:احم هقابل انطوان لان عاوز يشوفني
سارة باستغراب:مش غريبة دي وبعدين الكلية بتاعتك اي نظامها مش هتروح
معاذ بتوتر:احم انا مش هقعد هو هشوفه وهنزل على طول
هشام:سيبيه يا سارة هو عارف مصلحته كويس
مريهان:بعد اذنكم عاوزاك يا معاذ
قام معها ودخلوا مكتب هشام واغلقت الباب خلفها
مريهان:هتسافر ليه ومش عاوزة اسمع الكلام اللي قولته برا لاني ما اقتنعتش
معاذ بتنهيدة:جوليا عاوزة تشوفني وانطوان كمان واحتمال جوليا تنزل معايا
مريهان:ممكن اعرف ليه
معاذ:انتي عارفة انهم اكتر اتنين مقربين مني وعارفين كل حاجه وجوليا مصممة انها تنزل
مريهان:اوكي اللي تشوفه
معاذ:مش عاوز حد يعرف بجوليا
مريهان:متقلقش
خرجوا وجدوا الجميع ينتظرهم ذهب هشام ومريهان وكنوز إلى فيلة احمد ومعاذ ومروان إلى الكلية
هشام:خلي بالك من نفسك كويس ولو حصل اي حاجة يا ميري ارجعي البيت
مريهان:متقلقش يا بابي
ذهب هشام إلى عمله وهي دخلت هي وكنوز وجدو سلمى وياسمين يجلسون أمام التلفاز
مريهان:اي دا مفيش كلية ولا اي
ياسمين:لا قولت اريح النهاردة كدا كدا لمار هتيجي بالمحاضرات
مريهان:طيب انا هضطر امشي عشان الكلية ماما سلمى ممكن مفاتيح عربيتك لان عربيتي عند بابا وقال هيبعتها
سلمى:اكيد ياروحي المفاتيح انتي عارفة مكانها كويس خديهم وطلعي العربية
قبلتها مريهان وودعتهم وذهبت إلى الجامعة
في الجامعة كانوا يجلسون جميعهم ومعاذ ينتظر مريهان
لمار:هي ياسمين تعبانة ولا حاجة
سهى:ليه بتقولي كدا
لمار:أصلها قالت إنها مش جاية النهاردة
سهى:مش عارفة هنبقى نروح نشوفها
لمار:اوكي وخدوني معاكوا بقى
سهى:اوكي ماشي
مودة بهمس لمروان:في اي مالك
مروان بضيق:مليش
مودة:مروان في ايي
مروان:يوووه
نظرتهم الجميع وخجلت مودة وحزنت من تصرفه هذا
مودة بحزن:بعد اذنكم
سهى بغضب:انت عملتلها اي وازاي تزعقلها كدا
قام مروان بضيق وذهب خلفها
مروان:مودة استني
مسك يدها اوقفها :استني
مودة:نعم
مروان:مودة بليز متزعليش منى
مودة:انت معملتش حاجة عشان ازعل
مروان:لا انتي زعلتي انا بس مضايق عشان ماما منعتني اني اجي عندك كل شوية وكمان دا اللي خلاني مجيش اخدك النهاردة انا مضايق عشان مش هبقى معاكي على طول
مودة بابتسامه:كفاية اني بشوفك بس حتى لو شوية قليلة
مروان:اووه الكلام دا كبير اووي ودا مش مكانه خالص
ضحكت مودة بخجل :اسكت بقى انت بقيت قليل الادب ليه
مروان بضحك:هو كدا قلة أدب انتي هتجنيني على الآخر
مودة:هضربك بجد اسكت بقى
مروان بضحك:طيب ماشي بس برضو مضايق
مودة:اممم بص انا هروح اشوف ياسمين تعالى وصلني وبكدا تكون فضلت وقت اكتر معايا
مروان بضحك:فكرة واقعد معاكي هناك واقول لماما اني كنت عند خالو
ضحكوا هم الاثنين وذهبوا لهم مرة أخرى وكانت مريهان أتت لهم
رندا بابتسامه:خلاص صافيين
مريهان باستغراب:في اي
رندا بضحك:اصل مارو كان مزعل مودة وشكلهم اتصالحوا
مريهان:يالا يا معاذ
قام معها وذهبوا هم وسليم إلى محاضراتهم وذهب الجميع إلى محاضرته
في فيلة احمد ذهبت سارة لترى سلمى وجدت ياسمين لم تذهب إلى الكلية
سارة بقلق:انتي تعبانة ياحبيبتي
ياسمين بابتسامه:لا ياعمتو انا كويسة بس قولت اريح النهاردة وصحبتي هتجيب المحاضرات
سارة:طب كويس
سلمى:تعالى يا سارة حاسة انك في حاجة
سارة بتهنيدة:معاذ غلبني يا سلمى
سلمى :ليه بس اي اللي حصل
سارة:هيسافر إنجلترا قال اي انطوان عاوز يشوفه انا مش مستريحه
سلمى باستغراب:يسافر دلوقتي وانطوان يشوفه غريبة دي
سارة:انا قولتله نفس كلامك دا
سلمى:طب والجامعة
سارة:بيقول مش هيقعد هيرجع على طول
سلمى:سارة سيبيه براحته انتي عارفة انه مش واخد على الجو هنا برضو يمكن عاوز يغير جو وانتي عارفة ان انطوان اقرب حد له
سارة:عارفة يا سلمى مهو من فترة كان في باريس وعرفت انه كان عند فيكتور وقضى شهر معاه هو وجيسيكا كان انطوان ممكن يروحله باريس
سلمى:سارة معاذ مش زي مروان متضغطيش عليه سيبيه براحته
تنهد سارة بضيق وكانت ياسمين تستمع لهم وذهلت مما قيل ف السفر عنده امر سهل تنهد هي الأخرى وعلمت انها لم تعرف معاذ جيدا ظنت انها تعرفه حق المعرفة ولكنها بكل مرة تكتشف شئ جديد يكشف لها انها لم تعرفه بعد
بعد مرور عدة ساعات جاء جميع الفتيات إلى ياسمين وأتى مروان مع مودة وصدم عندما رأى والدته
مروان بصدمة:يا حلاوة ماما هنا
سارة:انت بتعمل اي هنا
مروان:كنت جايب مودة يا ماما
سارة:انا قولت اي
مروان:خلاص يا ماما محصلش حاجه لكل دا
سارة:فين اخوك
مروان:روح تقريبا هيسافر
سارة:اتفضل عشان توصله المطار يالا
ذهب بضيق من تحكمت والدته كانت مودة تقف بخجل اقتربت منها سارة وضمتها بحب
سارة بضحك:معلش ابني وانا عارفاه هيفضل لازقلك كدا عشان كدا بتصرف معاه بالاسلوب دا وعارفة ومتأكدة انه عاوز تخلصوا الترم دا وتتجوزوا صح
مودة بخجل:ايوا
سارة بضحك:مش قولتلك عارفاه
ضحكت مودة ودخلوا هم أيضا وجدوا لمار تتشاجر مع ياسمين
لمار بضيق:انتي اصلا عيلة فاشلة انا غلطانة اني جتلك كنت سيبتك وكنتي شوفي هتجيبي المحاضرات ازاي
ياسمين:يبنتي مكنش يوم دا
لمار:ولا دقيقة واحدة تغيبي ليه وانتي زي القردة مفكيش حاجة
سهى:ايوا كدا اديها يا لمار
رندا:اسكتي يا سهى لمار محدش هيقدر يسكتها خلاص يا ليمو
لمار بغضب:اسكتي انتي دلوقتي عارفة يا زفته انتي انا هسالك بكرا في كل دا ويا ويلك لو معرفتيش ويا ويلك لو غبتي تاني
ياسمين بخوف:حاضر هذاكر ومش هغيب
لمار:ايوا كدا يالا يا طنط سلمى ياقمر حاجة نظبط بيها دماغنا عشان اشرح لها الحاجات دي
سلمى بضحك:حاضر يا لمورش
لمار بغيظ:ماشي يا مارتين الكلب لما اشوفك عشان هي السبب ان كلكو تقولو الاسم دا
ضحكوا عليها
سارة:روحي مع معاذ رايح عند انطوان
لمار:بجد بس الكلية مش هينفع اغيب في الاجازة ابقى اروح
ياسمين:هو السفر حاجة عادية بالنسبه ليكم شايفة انكم بتقولوا كأنكم رايحين محافظة جمبنا مش بلد غير البلد
لمار بضحك:ايوا يبنتي حاجة سهلة اووي عادي
رندا: ليمو هي مش متعودة بس بابا احمد هيعملهم كل حاجة
سهى:كلنا مش متعودين والله يا اوختشي
ضحكوا على طريقة سهى
رندا:نخلص السنة واعملك كل اللي انتي عاوزاه
نظرت لها سهى بابتسامه وقامت ياسمين ولمار وصعدوا إلى غرفة ياسمين ليذاكروا
مريهان:راند تعالي عاوزاكي
قامت معها رندا وذهبوا إلى الخارج
رندا:في حاجة يا ميري
مريهان:عاوزاكي تسافري مع معاذ
رندا بخوف:في حاجة ولا اي
مريهان:اهدي متخافيش معاذ رايح عشان يشوف جوليا وجوليا هتنزل معاه بس متقوليش اني عرفتك حاجة انتي هتقولي ان ماما قالت انو مسافر وانتي هتسافري معاه
رندا باستغراب:جوليا ربنا يستر هي عرفت حاجة
مريهان:اه عارفين كل حاجه هي وانطوان
رندا:خلاص متقلقيش طب وجيسيكا
مريهان:انا هكلمها وهشوف تعرف حاجة ولا لا بس اكيد عارفين برضو مهو راح قعد شهر هناك
رندا:خلاص متقلقيش انا هاخد سهى وامشي اروحله
مريهان:اوكي بس محدش يعرف ابدا عن جوليا اي حاجة
رندا:don't worry يا بيبي
مريهان بضحك:لا بليز ارجعي راند اخت سهى خلي دي لما تسافري
رندا بضحك:اوكي يالا ندخل
دخلوا واستأذنت رندا منهم
سارة:في اي يا راند
رندا:اهدي ياعمتو مفيش حاجة
سارة:طب هتمشوا ليه
رندا:عشان ماما متعرفش اننا هنا
لم تقتنع سارة وتأكدت سلمى بأن رندا سوف تفعل شئ ما فهي ومريهان عندما يجتمعون سويا تعلم انهم يخططون لشئ وسوف ينفذوه لو ماذا حدث
خرجت هي وسهى واستغربت سهى نن رندا كثيرا وايضا هذا ليس طريق بيتهم
سهى:بت في اي مش مرتاحالك
رندا بضحك: سوسو انا هسافر
سهى بصدمة:نعم يختي
رندا:ايوا هسافر مع معاذ مش هقدر اسيبه يسافر لوحده معاذ تعبان وعاوز يبعد شوية واكيد انطوان قاله يروحله ف انا هروح معاه عشان اكون مطمنة عليه
سهى بخوف:طب ما انتي كدا بتخوفيني انا طب وبابا وماما هتعملي معاهم اي
رندا:خايفة من اي احنا مش هنتاخر هناك هنرجع على طول بالنسبه لبابا وماما دي مهمتك تقنعيهم
سهى:انتي عبيطة اذا كان انا مش مقتنعة اقنعهم ازاي
رندا:يا سوسو بقى بالله توافقي
سهى بضيق:اووف أمري لله يستي
وصلوا فيلة هشام وجدوا مروان يجلس في الصالون
رندا:هاي مارو
مروان:هاي راند
رندا:فين معاذ
مروان:بيجهز حاجته فوق
رندا:طب بعد اذنكم
صعدت له وكانت سهى تقف
مروان:ما تقعدي هتفضلي واقفة
جلست بجانبه بضيق فمد لها يده
سهى :اي دا
مروان:شايفة اي يعني لب قاعد بتسلي
سهى:جتلي في ملعبي انا بحبه اووي هات فيلم حلو بقى
مروان وهو يسحب يده بتذمر:اوعي تخلصيه
سهى:يعم متخافش انا مش طفسة
احضر فيلم اكشن وكانوا يستمعون له بتركيز ثم قاطعهم صوت معاذ العالي
قبل قليل في غرفة معاذ
رندا:قولتلك هاجي معاك
معاذ:عاوز اعرف ليه
رندا:كدا عاوزة اغير جو وممكن جيسيكا تيجي
معاذ بصوت عالي:قولتلك لا انا مش صغير هتضحكي عليا بالكلام دا
سهى:هو فيه اي
مروان:مش عارف تعالي نشوف
رندا بغضب:بتعلي صوتك ليه وقولتلك هسافر يعني هسافر
مروان:اهدوا في اي صوتكم جايب اخر الدنيا
معاذ: انا قولت اللي عندي وسفر مش هتسافري
رندا بعند:وانا قولتلك هسافر
مروان:ممكن تفهموني في اي
معاذ:الهانم عاوزة تسافر معايا
مروان:طب وفيها اي
معاذ:وهي تيجي ليه هتعمل اي هي
رندا:انا قولت اللي عندي باي
تركتهم ونزلت بسرعة وتركت سهى أيضا
سهى:بنت المجانين سبتني ومشيت
مروان بضحك:معلش يا سوسو تعالي انا اروحك
معاذ بغضب:اعاااااااا ماااشي يا راند
خرج مروان من أمامه وسحب سهى معه
سهى:بالراحة يعم انت ساحب حمارة وراك
مروان بضحك:انتي لو كنتي فضلتي قدامه بهزارك دا كان خبطك بحاجة عشان كدا شديتك
سهى:هما مالهم
مروان:والله مش عارف هعرف من راند
اخذها وذهبوا إلى فيلة رحيم
سحر:اختك مالها يا سهي
سهى:والله ياسحورة مش عارفة انا زيك ادينا هنعرف
مروان:بعد اذنك يا خالتو هشوفها
صعد هو وسهى إلى غرفة رندا وجدوها تلم أغراضها
مروان بهدوء:ممكن اعرف في اي انتي ومعاذ
رندا بغضب:البيه مسافر عشان يشوف جوليا وجوليا هتنزل وجوليا لو نزلت مش هيحصل كويس اخوك اتجنن على الآخر
مروان بصدمة:ايييي جوليا وهتنزل ليه
رندا:هما عارفين كل حاجه واكيد جوليا في دماغها حاجة
سهى:مين جوليا دي
مروان:دي صحبة معاذ
رندا:انا كلمت جيسيكا وقالت هتستناني هناك زمانها اتحركت هي وفيكتور وفيكتور قال ان انطوان هيكون معاهم انا لازم اسافر عشان اعرف جوليا ناوية على اي جوليا مش بتسكت
مروان:اوكي اوكي هحجزلك بسرعة ويالا مفيش وقت عشان تتحركي
رندا:انا حجزت خلاص كويس اني كلمتهم وحجزت ولحقت مكان ع الطيارة دي
مروان:طب اوكي وطمنيني اول بأول وهكون معاكي ع تواصل ديما
سهى:ما تفهموني في اي
مروان:هفهمك بس لازم نتحرك دلوقتي
رندا:مارو بليز مش عاوزة اي حد يعرف انا سافرت ليه ماشي
مروان:متقلقيش
رندا:مريهان عارفة كل حاجه هي اللي عرفتني اصلا ف خليك معاها دايما
مروان:اوكي خلي بالك من نفسك ولو معاذ عملك حاجة او اتعصب عليكي روحي شقتي اللي هناك خدي دي مفاتيحها اوكي
رندا بابتسامه:متقلقش عليا هبقى اروح بيت بابا احمد
مروان:اسمعي الكلام ولا اقولك خلاص روحي بيت بابا احمد انتي وجيسيكا وخلي فيكتور يقعد عندي في الشقة
ضمته رندا بحب ونزلوا جميعهم واستغربت سحر
سحر:اي الشنطة دي
رندا:احم ماما انا لازم اسافر إنجلترا
سحر بخضة:اي تسافري ليه
مروان:اهدي يا خالتو هي هتخلص حاجات هناك هي ومعاذ مش هتسافر لوحدها
رندا:متقلقيش عليا وكمان ناس صحابي هيستنوني في المطار
سحر:يا رندا
قاطعتها قائلة:بليز يا ماما
سحر:روحي يابنتي ربنا يستر طريقك
قبلتها رندا وخرجت هي ومروان وسهى متجهين إلى المطار
سهى:انا عاوزة افهم
مروان:بصي ياستي جوليا دي تبقى Girlfriend لمعاذ ومش بتحب تشوفه زعلان وعارفة كل حاجه عن معاذ واكيد عارفة بموضوع ياسمين عشان كدا خليتوا يسافر وجوليا لو حد كلم معاذ ممكن تقتله عادي بس معاذ يكون مبسوط
سهى بخوف:اي طب وهي مالها ومال ياسمين ومعاذ هيسيبها تأذيها واختي هتروح لا مش هتروح في حتة
رندا:اهدي انتي خوفتي ليه احنا كلنا صحاب مستحيل هي تعملي حاجه ومش هتعمل لياسمين انا رايحة عشان اشوف اي اللي في دماغها بس محدش هيأذي ياسمين
مروان: متقلقيش يا سوسو كلهم صحاب ومحدش هيعمل حاجة لياسمين
وصلوا إلى المطار وكانوا يجلسون وسهى لم تترك رندا دق هاتف رندا اخرجته وجدتها جيسيكا
رندا:Salut Jessica(مرحبا جيسيكا)
جيسيكا:Salut Randa(مرحبا رندا)
رندا:Quoi d'autre(ماذا بعد)
جيسيكا:Où es-tu maintenant ?(أين انتي الان)
رندا:je suis à l'aéroport(انا في المطار )
جيسيكا:Eh bien, je t'attends, Victor et moi(حسنا انتظرك انا وفيكتور)
رندا:Bien(حسنا)
اغلقت معها ونظرت لمروان ثم قامت وودعتهم عندما حان موعد انطلاق طائرتها
مروان:متقلقيش عليها يا سهى معاذ معاها
سهى بحزن:بس هما متخانقين
مروان:معاذ اخويا انا عارفه كويس اول لما يوصلوا مش هيسبها ابدا الا راند عند معاذ
سهى:تعالى وصلني يالا عشان اذاكر
عادت سهى إلى منزلهم برفقة مروان
بعد مرور خمس ساعات كانت رندا في مطار لندن ولفت نظرها معاذ لم تعيره اي اهتمام ورات جيسيكا تأتي اليها مهرولة
جيسيكا:Randa tu me manques tellement(رندا افتقدك كثيرا)
رندا بابتسامه:Tu me manque aussi(انا افتقدك ايضا)
جيسيكا:C'est parti, Victor nous attend dehors(لنذهب فيكتور ينتظرنا بالخارج)
رندا:Okay allons-y(حسنا لنذهب)
جيسيكا:Alors, où est Moaz ?(اذن اين هو معاذ)
رندا:Je ne sais pas, je suis venu seul(لا أعرف أتيت بمفردي
جيسيكا:Eh bien, allons-y d'abord (حسنا لنذهب اولا)
رندا:Bien (حسنا)
خرجوا إلى فيكتور وسلمت عليه رندا وبعدها ذهبوا إلى الاوتيل المقيم به جيسيكا وفيكتور
رندا باستغراب:Pourquoi restes-tu dans un hôtel ?(لماذا تبقون في اوتيل)
جيسيكا بلا مبالاة:Cela n'a pas beaucoup d'importance(لا يهم كثيرا)
رندا:Eh bien, allons voir Julia alors (حسنا لنذهب إلى جوليا اذن )
خرجوا متجهين إلى منزل جوليا وجدوها بالخارج وتاكدوا بانها تنتظر معاذ
رندا بابتسامه:Hello Julia(مرحبا جوليا)
جوليا بصدمة:Oh Randa, hello, I missed you(اووه رندا مرحبا افتقدتك)
اقتربت منها رندا وسلمت عليها وبعدها فيكتور وجيسيكا
جوليا باستغراب:what are you doing here today:(ماذا تفعلون هنا اليوم)
جيسيكا:We came to see you and met Randa at the airport.(اتينا لرؤيتك وقابلنا رندا في المطار)
رندا:No Jessica, let's tell the truth. I came here to see what you and Moaz are planning. I knew you wanted him today.(لا جيسيكا لنقول الحقيقة أتيت الى هنا لأرى الى ماذا تخططين انتي ومعاذ عرفت انك تريديه اليوم)
جوليا بضحك:So you know why I want it Randa(اذن انتي تعرفي لماذا اريده رندا)
رندا:So what I'm thinking is true, you know everything about him and Yasmine, so you want to play a little(اذن ان ما افكر فيه صحيح انتي تعرفي كل شئ عنه هو وياسمين لذلك تريدي ان تلعبي قليلا)
جوليا بضحك:I always say you are very intelligent Randa (دائما ما اقول عنك ذكية كثيرا رندا)
جيسيكا:Tell us what you will do then(اخبرينا ماذا ستفعلي اذن)
جوليا:Wait a little, Moaz will come soon(انتظري قليلا سياتي معاذ قريبا)
انتظروا قليلا واتي معاذ كما قالت
معاذ:Hello my friends(مرحبا اصدقائي)
الجميع:Hello
معاذ:Where is Antoine?(اين هو انطوان)
انطوان بضحك:I'm here man(انا هنا يا رجل)
التفتوا على صوته سلم على الجميع وجلسوا مع بعضهم يتحدثون في أمور كثيرا وأكثرها عن الدراسة
جوليا:Since you are in my house, I will bring you something.(
بما انكم في منزلي سأحضر لكم شئ ما)
جيسيكا:Don't come with anything we will leave(لا تأتي بشئ نحن سوف نغادر)
جوليا بصدمة:What! are you kidding me you will all stay here(ماذا!سوف تبقوا هنا معي جميعكم)قالت الأخيرة وهي تنظر إلى معاذ ورندا
رندا بابتسامه:ok i have no problem(حسنا ليس لدي مشكلة)
جيسيكا بزهق:Oh then I will stay too(اهه اذن سأظل انا ايضا)
قضوا وقت ممتع مع بعضهم وبعدها ذهبوا إلى النوم الفتيات بغرفة مع بعضهم والشباب مع بعضهم
رندا:Didn't you tell me what you were going to do?(الم تخبريني ماذا ستفعلين)
جوليا بضحك:Randa my love wait and you will see what I will do(رندا حبيبتي انتظري وسوف تري ماذا سافعل)
رندا:I just don't want anything to hurt Yasmine. (فقط لا اريد شئ يأذي ياسمين)
جوليا:Don't worry, my love(لا تقلقي حبيبتي )
                                                                        
استوووووووووووووب انتهى البارت دا وممكن يكون فاضل بارتين كمان بس او تلاتة لسه مش عارفة😂
قولولي رايكم اي
تفتكروا جوليا ناوية على اي