السمراء والعاشق

البارت. 2

بسم الله الرحمن الرحيم

صوتو للبارت

انستا//طبعا ما انشر بيها بس اي استفسار ع القصه انستا: n_s_r56

ــــــــــــــــــــــــــــــــــــــــــــــــــــــــــــــــــــــــــــ

ايلين:كعدت الصبح كمت غسلت وتوضيت وصليت صلاة الصبح كملت رحت للمطبخ اسوي ريوك  خليت الجاي ع النار بين ميجهز الجاي اروح اكعدهم رحت ع نور... نور نور اكعدي يلا

نور: ايي ايلين خليني شوية

ايلين: ياا فدوة بعد شكم يوم دوام شلون كومي يلا.

نور: اهوووو شلون بالمدرسة اني.. كمت غسلت وطلعت من الغرفة

ايلين: كعدت الباقي بس مصطفى خطية طالع للشغل. تريكنا كملنا.. رحت لغرفتي.. لكيت احمد مراسلني كاتبلي.. وين رحتي؟. رديت ها هنا بسرعة رد

احمد: وين جنتي ايلين ليش متردين

ايلين: جنت اسوي ريوك

احمد: هاا اوكي.. فكرتي لا

ايلين: بشنو؟

احمد: ندخل بعلاقة اتعرف عليج اكثر

ايلين: ااا ماعرفت شكول اخر شي كلت.. ايي نجرب ترا اول مرا ادخل علاقة حب وخذل ثقة اهلي

احمد: يابعد روحي صدكي ما اخونج للابد وصدكي نيتي زواج بس نتعرف اكثر واكثر

ايلين: ردت ارد وسمعت امي تصيح.. كلتله باي وراح نزلت.. ها يمة خيرج..

رحاب: يمه تعاي فدوة ما ترحين للسوك

ايلين: يمه شسوي رايحة؟

رحاب: يمه اريد كم شغلة وروحي اشتري دفاتر لنور واما ع الملابس ف مال العام واخذي مصرف وشتردين اشتري..

ايلين: اوك يمه شكد اخذ

رحاب: يمه اخذي 25 الف كافي؟

ايلين: ايي يمه كافي اريد عطر وكم مكياج وشال واشوف بعد شاخذ تكفي

رحاب: خوش يمه شوية ويجي مصطفى يوصلج انتي ونور وانطيها 5 الاف خطية تشتري شتريد

ايلين: ماشي يوم.. بدلت لبست صاية وشال بيجي وحطيت كحلة ومورد وحمرة شوية... اجه مصطفى صحت نور وصعدت بالسيارة ووصلنا وراح وعافنا مصطفى عنده شغل.. اشوف العالم تباوع عليه اكلوني كايده نور وامشي طبينه لمحل اخذت الغراض لامي جانن سيت كلاصات وبهارات وخواشيك واشياء مال مطبخ وبس واني اخذتلي شال اسود مطرز خرز ذهبي يجنن وعطر وحمره وكحلة وضل عيون وكلادة عجبتني ومحبس .. ونور اخذت سوار حلو وقراريص وعطر صغير.. رجعنا بتكسي كبل نزعت الصاية ونمت تعبانة...

سامي: احمد وينك يابة تعال

احمد: ها يابة شكو؟

سامي: يابة اجانه عرض من شركه **** نصير شركاء بالشغل شتكول اقبل؟؟