أول مَرة تلچَمني واضـَل گاعَد..
وأول مَرة احَس بروحَي احَبكك مـَن طَرف واحَد
_______________
جمانة : طلعت من المستشفى وبدت معانتي وي حملي كلش ثكلت كمت حتى ما أكدر اتحرك وفاروق ماعايفني دايمآ يمي.. فوفو
فاروق : روحة
جمانة : باجر اخذي للمدرسة حباب
فاروق : تنهدت آلله كريم
جمانة : فرحت لأنو ما احب الانتساب اگضيها تسخت وما اقرا اقلها بالمدرسة احسن
فاروق : وشلون اداومين وبطنج بارزة؟
جمانة : شسالفة فاروق ترى بعدني بالشهر الثالث وبطني مو كلش جبيرة اكو بنات يجن للمدرسة وبطنهن طالعة متر كدام والمدرسات ميحجن
فاروق : ياا حبيبي انا مو على المدرسات اشك حلكها التحجي وياج لو تضوجج بس بطنج مبينة وما اريد احد يشوفها
جمامة: ابتسمت ميخالف عود البس سدرية عريضة
بس خاف عبالهم هذا كرش لا لا البس بشت فوك السدرية احسن
فاروق : ضحكت بست خشمها وكمت انام
جمانة : شفتة راح نام عزلت الهوسة وديت الاستكاين للمطبخ وغسلتهن فاروق لازم كل ربع ساعة يشرب جاي خلصت البيدي ورحت للغرفة لكيتة نازع وباقي بس بالشورت
فاروق : شفتها اجت فتحت ايدي واجت تمددت على صدري
جمانة : رحت تمددت على صدرة وحضنتة... كعدت الصبح على صوت المنبة طفيتة وكمت غسلت وسويت ريوك رحت على فاروق اكعدة.. فاروق فاروق يلا كومم
فاروق : يي يي كايم..كمت غسلت ورحت اتريك خلصت ورحت ابدل
جمانة : بدلت وشفت السدرية صدك بارزة بطني لأنو انا عندي خصر فَ من البس ملابس عريضة اطلع مدري شلوني فَ البس شي بينصل من يم الخصر خلصت ولبست شالي وبعدين تذكرت البشت فتحت الكنتور بشتاتي كلهن حلوات بيمن اضحي لأنو ادري بروحي من ارجع من المدرسة عبالك مطلعيني عمالة كلني تراب
اخر شيي لبست صاية وسديتها
فاروق : يلا ام الغيرةة
جمانة : ي حبيبي جاية.. رحت للسيارة بسرعة
فاروق : شغلت السيارة وديتها للمدرسة ورحت لدوامي
جمانة : وصلت للمدرسة وشفت بنين ركضت حضنتها
بنين : ولجج مشتاقتلجج.. عزاا هاي شنو راح تصيرين امم
جمانة : ديلا علساس ما تدرين غير اول وحدة كتلها انتِ
بنين : يلا ولج امشي للصف رحنة للصف وبدن يجن المدرسات وحدة ورة وحدة
جمانة : خلصت دوام وطلعت ابتسمت من شفت فاروق منتجي على السيارة وبيدة جكارة والبنات كلهن يباوعن علي لأنو جان لابس بدلة مال ضبااط رحت يمة اهرول
فاروق : جم مرة كايلج لا تركضيين
جمانة : عادي عادي ميصير شيي... اشتاقيتلك
فاروق : ابتسمت انا هم أشتاقيتلج يلا امشي نصعد
جمانة : لا حبيبي شوية مخنوكة خليني اريد اشتم هوى
فاروق : شكوو شبيج اخذج للمستشفى؟
جمانة : لا مابية شي شوية مختنكةة
فاروق : شفتها تحجي وتعلي صوتها ضحكت وباوعتلها.. مخنوكة لو ترديين تضوجيين البنات؟
جمانة : عزاا هذا شمدريي... ادري انتَ تقرى الأفكار
فاروق : لا بس مبين عليج
جمانة : ي مو شفتهن يباوعن عليك كلت اضوجهن
فاروق : ابتسمتت ديلا امشي امشي تضوجهن هيه
جمانة : لزم ايدي وهستونة مشينى اجت بنية
حوراء : العفو بس عادي توصلوني وياكم الخط عافنيي
جمانة : باوعتلها بعدم تصديق.. هاي آكثروحدة غثة بالصف وكلها تعرف اخلاقها وشلون يومية مسوية مصيبة واليكتلني تتعمد اطيح روحها بمشاكل تخزيي.. يلا انا شعلية بيها هسه فاروق اكيد يرفض
فاروق : تفضلي اختي اصعدي
جمانة : انصدمت من قبل وهية ماصدكت كبل راحت صعدت صعد فاروق وانا رحت صعدت
فاروق : اختي تندليين مكان بيتكم
حوراء : هاا لا ما اندلة
جمانة : جا شون نوصلج اذا انتِ متعرفيين مكان بينكم احنةة نعرفة
فاروق : ميخالف هسه ندخل بافرع وانتِ كولي وين بيتكم
حوراء : شكرآ
فاروق : ما جاوبتها شغلت السيارة وكمنة نفتر ندور على بيتهم
جمانة : صافنه على الشارع فجأه تذكرت مرة بالخامس اعدادي رحنة سفرة وهيه جانت موجودة وجان اكو باص يوصلنا لبيوتنة بس احنة ندلي وهيه دلتة على بيتهم.. لحضة حوراء
حوراء : نعم
جمانة : حجيتلها السالفة وشفت ملامحها بدت تتغير وتوترت
حوراء : هاا مو احنة بيت جدو وانا ما اندلة
جمانة : هزيت راسي بعدم تصديق
فاروق : اختي هسه ما تندليين ولا بيت شسالفة
حوراء : ءءءء بلا ادخل بهذا الفرع يمكن بينتا
فاروق : دخلت وهيه كالت اوكف هذا بيتنا نزلتها وطلعت من الفرع متوجة للبيت
جمانة : بس نزلت عطت بفاروق... انتَ ليشش صعدتهاااا تعرف هايي شنووو تعرف شنووو سمعتهااا تعرف شنو اخلاقهاااا لككك ليششششش
فاروق : شبيج بوية
جمانة : سكتت ودرت وجهي للجام اباوع للشارع وهو عافني على راحتي وما حاجاني.. وصلنة للبيت نزلت بسرعة رحت بدلت وطفييت الضوة وسديت الباب لأن إذا ابقى افكر راح اغث روحي هستوني تمددت ع الجربايه وحسيت الباب انفتح ما درت وجهي ولا حتى باوعت
فاروق : شفتها متمددة رحت يمها حضنتها من ضهرها وبستها بخفة.. شبيج طنكرتي
جمانة : فاروق عوفني شكو تصعد بنية لا نعرفها ولا تعرفنة لا وفوك هذا كله فريت الفروع كلها بس علمود توديها لبيتهم وهيه جذابةة تندل بيتهم اصلآ هيه معدها خط ابوها يوديها ويجيبها بس اليوم ما جاي واخذت راحتها فدد مرة وانتَ حاطها وتفتر بيها
فاروق : بس علكيفج اخذي نفس لا تموتيين ونبتلي بيج.. إذا تدريين ما عدها خط وتندل بيتهم ليش ما حجيتي
جمانة : ليش انتَ تنطي مجال للواحد يحجي كبل اخذتها وكمت تفتر
فاروق : وهسه انتِ زعلانة لأن صعدت ويانا.
جمانة : فاروق وخر اريد انام تعبانة
فاروق : يعني ما تسويلي أكل جوعاان
جمانة : هسه كايمة.. هستوني كمت وجرني لحضنةة
فاروق : اكعدي انتِ تعبانةة
جمانة : ادري تضحك علية مو هستوك كلت جوعاانن
فاروق : ضحكت وحضنتها ونمنة..
حبايبي لهنا راح اتوقف لأن تعرفونن الامتحانات قربت ولو الحك اقرا واكمل الكتب كلها لو لا
ان شاء الله ورة الامتحانات اعوضكم وهم انزل اشباه الابطال بس كل الي اريدة منكم تصوتوون اريد اصير كاتبة صح عمري صغير بس هذا مايمنع اوصل لحلمي ❤️
واعرف البارت قصيير ومابي نهاية بس ميخالف اعذروني
احبكمم كلش هوااايي ان شاء الله راجعتلكم❤️
