احَلفنگ بعـَد للَا تنشد شلوني
آنآ الـَ ماضل حَزن مَ مَـر على عَيونيي
آنآ المتعَوب مـــَن دنيَاي
آنآ الـَ مَ مفتهم لونـَي
آنآ شلوني؟؟؟؟.
''''''''''''''''''''''
''''''''''''''''''''''
جمانة: حددوا موعد الخطوبة وباجر هية خطوبة بنين وغياث حضرت الفستان وطبعا بنين ماخذتلها صفحة وحدها متوترة وخايفة عبالك راح يكصبوها
فاروق : حبيبي وين صافن
جمانة : افكر بالخطوبة
فاروق : صدك تعالي ما شفت فستانج
جمانة : هو انا تعمدت ما اشوفه الك
فاروق : ليش ولج
جمانة : اطلعلي بي الف عيب
فاروق : عمي ما احجي بس خلي اشوفة
جمانة : لزمت ايدة.. يلاا تعال وياي
فاروق : رحت وراها للغرفة فرشت الفستان على السرير
جمانة : هاا حلو
فاروق : امم حلو بس شوفيلج واحد غيرة
جمانة : بصدمة هااا
فاروق : وجعاا ما تشوفينة شلون مفتوح
جمانة : جان الفستان طويل بس مفتوح من يم الصدر وبينصل من الخصر بس من جوة عريض ولونة چويتي غامق.. عفيةةة فوفووو خليي اللبسة وآلله احنة بس بناات ماكو ولد واصلا ما الحك اشوف غيرة حباابببب
فاروق : تنهدت.. ميخالف
جمانة : رفعت رجلي بستة بخدةة.. احبكك فوفوو
فاروق : ضحكت وبستهاا حيلل
___________________
حنين (عمة فاروق) : اكلجن سمعتن بأجر خطوبة غياث
زهراء : يي ماما سمعتت فاطمة خابرتني
ختام : يي سمعتت
زهراء : وانتِ شبيج تحجين من ورة خشمجج
ختام : انجبي حيوانة انتِ منو يمج
حنين : يي عفية تعاركن كدامي
ختام : يمة هية ما تحترم عود انا اختها الجبيرة
حنين : ميخالف ماصار شي وكافي اسكتن
ختام : يووو انا رايحة انام... رحت لغرفتي انسدحت على السرير وطلعت صورة فاروق ابوس بيها لحد ما نمت..
________________
بنين : كاعدة واتصل علية غياث طبعا احنة ابدا منحجي مرات نتراسل بس قليل نصعد اتصال جاوبت.. احم هلو
غياث : يهلاا بهالصوتت شلونج
بنين : زينة انتَ شلونك
غياث : من سمعت صوتج صرت بخير
بنين : ابتسمت بخجل.. ءء اكو شي
غياث : يعني لأن ردت اسمع صوتج صار اكو شي صدك أكلج
بنين : كول
غياث : شنو تكولين اللبس قاط لو دشداشه وشماغ
بنين : وانتَ منيلك دشداشه وشماغ اعرفك متحبهن؟؟
غياث : معليج ابوگ من فاروق هسة كليلي شختاار
بنين : ضحكت بصوت ناصي.. اختار القاط احسن
غياث : ول يابةةة اغدي فدوة لضحكتج هسةة غيرر يجي بااجرر
بنين : هاا غياث ماما تصيحنيي خلي اشوفها
غياث : استحت ام اللسان
بنين : غير يستقر ساسوكي
غياث : ولج منو ساسوكي
بنين : انتَ
غياث: وآلله لو باقية تستحين احسن
بنين : كمنة نسولف شوية وسديتة ونمت كعدت بـالـ 8 واروح للصالون بـالـ10
كمت غسلت وتريكت اتصلت على جمانة تجي حتى نروح انا وياها نزلت شفت امي وهدى اختي
اسراء : هدى ترحين وي اختج لو للا
هدى : يي ماما اروحح
بنين : ديلاا كومي بدليي هسة حتجي جمانة ونروح
اسراء : منو ياخذجن
بنين : فاروق.. شوية واجة رحنة للصالون انا وجمانة وهدى وصلنة للصالون وبدو يشتغلون بية وبجمانة هدى بس سوت مكياج وعافت شعرها مفتوح بس شسورتة
جمانة : خلصنا اتصلت على فاروق اخذ هدى وبنين لبيتهم وانا حضرت غراضي ورحت وية فاروق لبيتهم جنت عايفة قاهَرة يم خالة زينب
فاروق : وصلت لبيت اهلي نزلنة انا وجمانة ودخلنة
زينب : هاا يمة هلا بيكم شو تاخرتو
فاروق :دنكت بست راسها.. سألي جنتج جانت بالصالون كل هذا الوقت تلطخ بروحها
جمانة : ياا فاروق هاي انا وآلله حتى مخليت مكياج هوايي.
زينب : هههههه لا تحجي عليها ما اقبل بنتي هايي
فاروق : هاا يمةة شوو نسيتي ابنج وبعدين صدك وين البنات مالهن حس
زينب : يمة اكو صالون هنا قريب راحلة
فاروق : تحجيننن صدككك يمةة شلونن تخليهنن يرحننن وبعدين مو أخذت جمانة والبنات ليشش مراحن ويانةة
زينب :وآلله يمة ما ادري هسة هنة على جية
فاروق : اخذت قاهَرة وكعدت على القنفة اللعبها منتظرهن يجن ماكو دقايق واجن كمت
جمانة : انطاني قاهَرة وراح لزمهن من حجاباتهن قويي
فاروق : وينن جنتنننن حيووواااناتتتتتت
فاطمة : فاروق والله معلية هاي نور اخذتني
نور : فاروق لا تصدكها والله العظيم مو انا
فاروق : صفكتها راشدي بكل قوتي وكعت على الجهة الثانية.. حيوااانةةةة وينننن ماخذتهااااا ورايحةةةة
زينب : ركضت الزم بي ماكو مجلب بيهن.. ولك يمةة اكعد شجااك عليهن
نور : هسةة انااا شعليةةة كلشييي ذابينةةة براسييي
فاروق : انجبيي لجج حيوانةةة بختجج باميييي
جمانة : فاروق كافيي عوفهاا اخذتة لغرفة خالة زينب كعدتة بيهاا وسديت الباب.. اكدرر افهم عليمن هالهوسة واذا راحن للصالون
فاروق : انتِ هم صايرة ما تنكدرينن اذا الزمج ما اخلي بيج عظم صاحيي وصوتج لا ترفعيينةة عليةة فهمتي
جمانة : هو انتَ ابقى طلع حركة كلبك بيةة عفتة وطلعت اخذت قاهَرة ورحت لغرفة البنات شفتهن يبجنن.. هسة بلا المن هالبجي كافي لخاطر غياث لاتخربن فرحتة
نور : شفتيي جمانة شلون ضربني بالضبط نفس علي هم جان هيج بس لو افهم ليشش العالم مخليني مكفخةة يعني بيت ابوي وانضربب والله ميصير
جمانة : ميخالف كافي بجي حتى المكياج خرب ومابقى شيي ويجي غياث وتبدي الخطوبة.. شوية واندك الباب دقايق وصار صوت بالصالة عرفت اجن عمات فاروق طلعت من الغرفة.. سلام عليكم
حنين : وعليكم السلام شلونج حبيبتي
جمانة : الله يسلمج خالة الحمدلله
امل : شلونج حبيبتي ما شاء الله تخبليين انتِ وبنتج
جمانة : حبيبتي خالة الله يسلمج
ختام : شلونج جمانة فاروق شلونة
جمانة : شكد تكرهني هالبنية مدري شمسويتلها.. الحمدلله انتِ شلونج
ختام : زينةة
زينب :يمةة جا وين راح فاروق
جمانة : كاعد بالحديقة يمكن
حنين : بلا صيحيلة خالة مشتاقيلة
جمانة : خليت قاهَرة يم خالة زينب ورحت الفاروق اصيحلة.. فاروق وينكك
فاروق : هاا حبيبي هناا على المرجوحه
جمانة : مشيت الة شفتة كاعد على المرجوحة ويدخن.. يردونك جوة
فاروق : منو يريدني
جمانة : خالة حنين تسأل عليكك كوم شوفها
فاروق : شبيج؟
جمانة : مابية شي
فاروق : بعدج ضايجةة لأن صيحت عليج
جمانة : مو أول مرة دايمآ من تضوج من شي تعصب علية وانا اصير بوجه المدفعع
فاروق : لزمت ايدها جريتها علية بست خدها بخفة.. اسف حبيبي والله جنت معصب وانتِ اجيتي تحجين وياي
جمانة :وخرر ما احجي وياكك
فاروق : اهووو عاد جمانة وطكن فيوزاتهاا
جمانة : فاروق منو طكن فيوزاتها
فاروق : هسة عوفي الزعل تعالي كليلي شهل جماال
جمانة : لا تحاول ما أرضة
فاروق : دنكت بست شفتها حيل.. معليج خلي تخلص الخطوبة عود اراضيج بغير طريقة
جمانة : ضحكتت وحضنت ركبتةة
_______
ختام : هاي تأخرت يعني هسة جاي تحجي هية وفاروق كمت رحت لباب الصالة اريد اطلع
حنين : ها يمة وين رايحة
ختام : يمة ضوجة اريد اطلع اشم هوى
حنين : يلا مو تتأخرين
ختام : طلعت وكفت بمكان ما يشوفوني بس انا اشوفهم اباوعة يبوس بيها وهية متعلكة بركبتة وتضحكك انصدمتت ما تحملت دموعي نزلت
اسمع صوتة يحجي وياها
فاروق : هسة غير تخلص الخطوبة
جمانة : انتَ شعندك وي الخطوبة
فاروق : بست شفتها بخفة.. بس خل تخلص واشوف شغلي وياج على هاللبس
جمانة : ليش شبيي والله حلوو واصلا مخلية شال على كتفي مامبين شي مني
ختام: كمت ابجي بصوت اباوع شلون يبوسها ويحجي وياها
جمانة : سمعت صوت مناشغ وبجي قريب علينا كمت اتلفت
فاروق : دنكت بست ركبتها.. وين تباوعين
جمانة : فاروق تسمع صوت بجيي
فاروق : مدري يمكن هسة عوفي وامشي ندخل جوة
ختام : شفتهم دخلو جوة انتضرت شوية ودخلت
فاروق : السلام عليكم
حنين : وعليكم السلام عمة حبيبي شلونك
امل : عليكم السلام وليدي شلونك عمة
فاروق : الله يسلمجن عفتهن ودخلت للغرفة مال فاطمة شفتها تبجي هية ونور رحت كعدت يمهن.. باوعلي بناتي بابا لا تزعلن مني والله من خوفي عليجن بلا صار بيجن شي احد تعرضلجن انخطفتن انكتلتن انا وين انطي وجهي شمدريني منو يتحرش بيجن منو يخطفجن الشارع مو أمان لو كايلات الي والله اعوف شغلي واخذجن يلا عوفن سوالف المزعطة تعالن بحضني
فاطمة : ضحكت اسمح بدموعي رحت حضنتة
فاروق : باباتي بنيتي فطومة يروحلج فدوة فاروق
نور : انا ما ارضةة لا تحاول
فاطمة : ختولي فاروق راضيني بس انا
فاروق : ههههه ضاحضج ولج عيب اختج الكبيرة هايي
نور : شوف فاروق هية تتحارش بية
فاطمة : شكتلج هسة انا اويي حساسة
فاروق : كافي مناكر روحن طلعن اجن عماتجن
فاطمة : عيععع بس لا اجت ختام اللزكةةة
نور : عيعع شكدد مكروهاا مسوية روحها بس هية وبس
فاروق : مو عيب ولجن شهل حجي
فاطمة : هاي لأن ما عندك ولد عم تكرهم تحجي هيج هسة لو عندك عمام وعدهم ولد جان صارت من الشعر بينكم
فاروق : امشن ولن كل وحدة السانها اطول مني
جمانة : كعدت ورة شوية طلعن البنات من الغرفة سلمن وكعدن شوية طلع فاروق كعد يمي
فاروق : شهل جماال
جمانة: فاروق والله ادري بروحي حلوة شبيك
فاروق : وجعع مو صوجج حمارة
جمانة : الثور
فاروق : هاا مو اطيحح حضج
جمانة : لا حبيبي اتشاقةة شبيكك تعال شوف بنتك شلون تباوع عليك
فاروق : روحح ابوها هية
ختام : اباوع شلون يبوس ببنتة وكل شوية يهمس لجمانة وهية هم
فاروق : كمت طلعت اجة غياث وبدت الخطوبة النسوان جوة واحنة بالحديقة
جمانة : بدت الخطوبة كمنة نركص انا والبنات شوية وصاحلي فاروق كال راح يدخل غياث كلت للبنات لبسن حجابات دخل غياث
بنين : احس وجهي جمرر هدى يمي لازمة ايديي وتهمس باذاني
هدى : عليج الله من يكلج شي وتضحكيين كليلي اضحك وياكم حتى اعرف شيكلج
بنين : هدى توخرين من يمي لا ادفرج اللزكج بالحايط
غياث : رحت كعدت يمها لزمت ايدها وبدت الهلاهل والهوسات...
حبايب روحي شلونكم ان شاء الله بالف خير مشتاقتلكم هواييي طبعا صار يومين من خلصت امتحانات بس اعذروني هسة يلا نزلت لأن جنت طالعة ما صدكت نفسي خلصت بس ردت اطلع من البيت 😂
المهم البارت قصير ان شاء الله باجر باليل اعوضكم واذا ما نزلت باجر اعذروني لأن والله ملتهية ان شاء الله لو بأجر لو الورا
احبكم اهم شي التصويتت لا تنسونةة ❤️💋
