انتَ خليكك بمَكاني
نهَر وتعَوفةة الجروف
انتَ الـَ حَنين قسَيت شلون ترحَمني الضَروف؟؟؟
_____________________________
فاروق : رجعت من الدوام شفتها نايمة ويمها قاهَرة.. جمانة جوجو بابا اكعدي
جمانة : همممم
فاروق : يلاا وليدي اكعدي كافي نوم
جمانة : فاروق عوفني البارحة كلة سهرانة وي قاهَرة وانتَ نايم ومتدري
فاروق : ادري حاسدتني على نومتي ديلا عود اليوم انا اسهر وياها بس كومي
جمانة: يي.. كمت غسلت شفتة شايل قاهَرة ويلعب وياها رحت سويتلها ممية وشلتها خليتها بحضني
فاروق : دنكت بستها شلون نايمة بوييةة من اكلجج
جمانة : هاا فاروق هاا شوو كمت تحبهاا اكثر منيي
فاروق : ولج انتِ شيبت كلبي منو ياخذ مكانجج
جمانة : يي مبين
فاروق : ضحكت بستها وكرصت خدها
جمانة : فاروق ما سويت غدى اخذتني النومة
فاروق : اكلت هناك وانتِ هم لا اتعبيين نفسج
جمانة : شفت قاهَرة خلصت الممية لأن ماسويت هواي ما تشربها خليتها بالكاروك مالها ورحت كعدت بحضن فاروق.. فوفايتي
فاروق : عيونن فوفايتج
جمانة : منو تحب أكثر انا لو قاهَرة
فاروق: بويةةة بدتتت
جمانة : فاروقق احجيي
فاروق : بوية احبجن ثنينجن
جمانة : ماا معليةة وحدة منو تحبها
فاروق : انتِ
جمانة : جذاابب
فاروق : وعيونج الماشوف غيرهن
جمانة : حضنتةة بكل قوتي وهو يضحك
_________________
بنين : كاعدة واتصلت علية جمانة.. الوو هاا جوج
جمانة : ادري انتِ كليومية مطلعتلي لقب جديد
بنين : غيررر من حبيي الججج
جمانة : شكرآ شكرآ أكلج
بنين : عرفت بيج ترديين شي
جمانة : لا بنين جاي احجي صدك
بنين : هو انتِ يايوم متشاقية احجيي
جمانة : أكلج تعرفين خالة زينب ام فاروق موو؟؟
بنين : ماتتتتتتتتت؟؟؟
جمانة : اسم الله شبيج ولجج لا بس تعرفينها
بنين : يي اعرفها شبيها
جمانة : تريد تخطبج لابنها
بنين : آلله يعني اصير ضرتججج
جمانة : وجع لا ولج لغياث
بنين : هااا هذا الصاكك
جمانة : عيب ولج
بنين : انتِ شعليج غير خطيبي وبكيفي
جمانة : اسم آلله شوكت صار خطيبج
بنين : لا صدك احجي شنو الموضوع
جمانة : حجيتلها الموضوع وكتلها خالة تريدج لغياث
بنين : وآلله ما اعرف خلي يجون ونشوف
جمانة : سديته منها شفت قاهَرة نايمة عفتها وطلعت للصالة شفت فاروق متمدد على القنفة ويباوع فلم اشرلي على صدرة
فاروق: اشرتلها تجي اجت تمددت على صدري حضنتها وكمت العب بشعرها لحد ما غفت شلتها وديتها للغرفة طفيت الضوة وطلعت
____________
زينب : خابرت جمانة اعرف البنية قبلت لو لاا
جمانة : نايمة وسمعت صوت فوني يدك شفت خالة زينب رديت عليها.. الوو
زينب: هاا بنيتي شلونج
جمانة : بخير انتِ شلونج
زينب : وآلله الحمدلله أكلج يمةة
جمانة : كوليي خالة
زينب : يمةة هاي البنية صديقتج ما خابرتيها
جمانة : لا خالة خابرتها بعَد إنتوا روحو وشوفو
زينب : ان شاء الله يمةة نشوف يوم نروحلهم
جمانة : ان شاء الله خالة سديتة منها وكمت شفت فاروق ماكو عرفت طالع وي جماعتة نضفت البيت ورحت لقاهرة سويتلها ممية وكعدت ارضعها شوية ودخل فاروق
فاروق : دخلت شفتها كاعدة ترضع قاهَرة رحت كعدت يمها بستها وكمت اللعب قاهَرة
جمانة: ولك فوفو عوفها لا تبجي مابية حييل اسكتها
فاروق : معليج انا وبنيتي
جمانة : ابتسمت ومر اليوم طبيعي
الكاتبة : طبعا حبايبي همة راحو لبيت اهل بنين بس هواي اكو احداث ف ما أكدر اكتبها الزبدة بنين وافقت على غياث..
جمانة : كاعدة احجي وي بنين.. اللههه ولجج حتصيرين مرت حماية أنوب اكوم اتعارك وياج ونضل وحدة تكرة الثانية
بنين : وجعع شهالتفكيير الصديقات لمن يتزوجن اخوان يفكرن بحياتهن شون تصير حلوة وباعع انتِ شتفكريين
جمانة : ضلينة نحجي شوية سديت الاتصال ورحت كعدت يم فاروق لكيتة مخلي قاهَرة بحضنة ويلعبها.. فاروقق انتَ صاير متحبنيي
فاروق : يبوو انا شسويت بروحيي
جمانة : يي شوف وآلله متحبني
فاروق : بابا وآلله احبج
جمانة : يي خوش
فاروق : ضحكت وحضنتهاا بقوة... انتِ عبالج هاي تاخذ مكانج بوية انتِ مكانج بالكلب
جمانة : ابتسمت وحضنتة
حبايبي طبعا لهنا راح اتوقف تعذروني بعد ما أكدر اكمل الامتحانات قربت وهم فوني مااعرف شبي يمكن راح يخرب لأن دا تطلع خطوط ف ان شاء الله اخلص امتحانات واجيب فون جديد واكمل الكم القصة ++ روحو شوفو قصة صديقتي موج (مهَاجرة حُر) كلش حلوة وراح تعجبكم احبكم هوايي❤️
