ان اضحي بما املك

.

بارت١٢..

ومرت الايام وكلت لازم ابقه قويه وقربت الامتحانات  وبديت اقره وذبيت كل جهدي على دراستي بس علمود انجح واحققلهم الحلم وتعب وسهر ومرت الايام وحته نوم ما انام اله جم ساعه واكل صارت ام يوسف تجيبه للغرفه الي وتحضرلي كهوه وجاي لمن خلصت وبدت الامتحانات واني خايفه مشيت لاول امتحان امتحنت وخلصت طلعت لكيت رونق كاعده مكمله قبلي سلمت عليها وكعدت يمها لكيتها ضايجه خيرج شبيج ضايجه شنو ما مجاوبه عدل كلتلي لا كلتلها لعد شنو الموضوع كلتلي ابرار دنيا ابرار كلتلها شبيها  كلتلي واني جايه لامدرسه لمحتها وي واحد بالسياره مو صوره غير مقبوله ردت اروح يمها وترددت يأذوني لو يسببولي شي كلتلها لج قبل فتره لاكيتها بالحمام وقت الحله تحط مكياج نصحتها ما قبلت مني النصحيه معنده كالت شنسويله هيه تدره بنفسها كلتلها الله يهديها كلتلها يله كومي خن اروح ورانه امتحان باجر يله يله كومي كالتلي تعاي وياي اقري ببيتنه كلتلها ما كايله لعمو كالت كليله وتعاي كلتلها يله تعاي وياي اتغذي ونكله اذا قبل اروح وياج فعلا مشينه نزلت وياي رونق سلمت كلمت عمو بالموضوع اول شي عارض بعدين قبل بدلت وادلت حجابي واخذت كتبي ودعت ام يوسف وعمو وام محمد ووخابرت لاخوها اجه اخذنا اسم اخوها عصام وهو متخرج جديد سلمنه عليه وصعدنه وياه سكته طول الطريق لحد ما وصلنه اتلكتنه امها سلمت عليها وكعدت بالصاله لمن اجت رونق عائلة رونق بس هيه واخوها وامها وابوها ما عدها خوات نزلت كالت خو ما تأخرت كلتلها لا ابد طبعا رونق ما قبلو اهلها تتغده يمنه فطرينه نطلع بدون غده صبتنه خاله ام عصام غده وكلتلنه يله اكلن حته تقرن اريدجن تجيبن علامات عاليه كلنه ان شاء الله كملنه صعدت وياها لغرفتها كلش حلوه ومرتبه سدت الباب اذن مشيت توضيت وصليت بعدين بدينه نقره هيه تفتر منا واني افتر منا ونقره ونكتب اسئله ووحده تساعد اللخ والمانعرفه نشوفه عالجهاز وبقينه نقره لل١٢بليل ما قبلنه نتعشه ب١٢جعنه كالتلي شنو رأيج نصنع بيتزا كلتلها خاف يكعدكالت كلها نايمه يله فعلا نزلنه على كيف حته محد يحس بينه وهيه سوت العجينه واني الحشوه وهيه شوتها واني سويت قهوه واستوت اخذناها وصعدنه للغرفه لانها تكلي شون تاليلها ابرار كلتلها ولله ما اعرف الله يهديها وكملنه بقينه نقره لل٣الصبح وغفيه كعدنه على صوت الاذان صلينه وبقينه نراجع لحد ما صارت ب٧اجه السايق اخذنه ركبنه وطلعنه وصلنه المدرسه ونزلنه اني ورونق وشفت نفس شوفتها امس لابرار تفاجأت صراحتا كنشت رونق من ايدها وطبينه بسرعه للمدرسه كلتلها ما نريد مشاكل شنسويلها نصحناها ما فاد بعدين اجه وقت الامتحان امتحنه وخلصنه وواخذت رونق وياي لانه اتفقنه يوم عدها ويوم عدي لمن تخلص الامتحانات وبقينه نفس هذا الروتين لحد اخر يوم امتحان وطلعنه خايفين وفرحانين خلصت الامتحانات وكلنه اليوم ما نريد عزايم بس نريد انام كلتلها بالظبط اجه السايق اخذني ودعتها مشيت للبيت وصلت.. 
يتبع..