ان اضحي بما املك

.

بارت ١٥

كلي شنو هاي دنيا كتله لا تكولها عمو كالي عفيه بابا طالعه تفوق بكلهن كتله صدك كلي ولله شوفي اخذت الجهاز وشفت كلش عاليه ومعدلي تسعه وتسعين بويز عشره فرحت كلش وكلهم فرحولي كالي عمو اطلبي اي شي تردي يجيج اليوم كتله اريد اروح لاهلي كالي باجر من الصبح يمهم كتله لا اريد هسه كلي يله عمو كومي بدلي خن نروح مشيت بدلت وعدلت حجابي ونزلت ودعت ام يوسف وركبنه السياره ومشينه وعمو بالطريق يحجيلي عن بابا يكلي اكيد ابوج فخور بيج هسه كتله اتمنه لو كاان موجود يمي كالي بابا حبيبي كلشي بيه حكمه من رب العالمين ربك ما ياخذ منك شي اله ليعوضك لو يقويك انتي لازم تكونين قويه ودايما تخلين ثقتج بالله جبيره ولو شما صار وياج لا تفكرين الله تاركج لا ابد اصلا رب العالمين ارحم عليج من ابوج وامج كتله ونعم بالله كتله احجيلي شويه عن بابا جنت تشتغل وياه كلي اي احنه جنه سوه ودايما جا يحجيلي عنكم وعنج ودايما جان يكلي اكثر وحده متعلقه بيه انتي ومن اشترالج فستان اني جنت وياه لانا سافرنا سوه وهو طلب تصميم خاص الج اني اراقب كلامه وعيوني مليانه دموع كتله عمو اني مشتاقه لاهلي ما شبعت منهم بعدي اريدهم محتاجه حنيتهم كالي احنه وياج بابا اصبري ودايما كوني من الشاكرين للله كتله الحمدلله و الشكر ووره ساعه ونص وصلنه النجف ومن بعيد شميت ريحتهم وعلى ريحتهم ندليت دربهم ومشيت خطوه اريد اوصل بس احس كل خطوه بالف خطوه وما جاي اوصل احس رجليه ثكلت لحد ما وصلت يمهم.. ركضت ركضه ليهم
واني ابجي واكلهم اجيت يالعفتوني وحدي اجيت يالكسرتو ظهري اجيت يالفرحتوا ما كملت هالمره وما صارت فرحه عبن انتو ماكو بابا وماما اني نجحت غير دايما تكليلي اريدج الاعلى طلعت احله وحده كل مره اشركج فرحتي وتسويلي كيكه هالمره منو يسويلي كيكه مشتاقلكم كومولي حاجوني فدوه قاسم يبعد اختك اجيتك واني نجحت بفظل الله وفظلك يبعد اختك كوملي شاركتني فرحتي بعدين غسلت الكبور وكعدت ونتجيت عكبر بابا وحطيت ايدي على خدي بسبب هذا الجرح كبر عشر سنين لكدام  وظهر نكسر خلافكم وصفنت صفنه كامت كل الكلمات تعبرني وخاصه هااااي..
عٌشُنِهّ آلَعٌمًر مًآ نِفُتٌرکْ عٌآلَحًلَوٌهّ وٌآلَمًرهّ

حًتٌهّ آلَهّوٌهّ آلَنِتٌنِفُسِهّ نِتٌشُآرکْ آنِجّرهّ

بًعٌدٍکْ صّرتٌ آشُهّکْ حًرنِ وٌبًفُقُدٍکْ آتٌحًيَر...

هّذِآ آلَمًوٌتٌ جّسِر لَآ نِهّآيَهّ عٌلَيَهّ..

مًآتٌ آلَوٌلَدٍ مًآتٌ ربًيَتٌکْ بًذِآکْ آلَتٌعٌبً حًيَلَ مًآ ضلَ حًيَلَ بًيَهّ..
بًعٌدٍيَنِ..
اجه عمو كلي يله بابا كومي كتله اريد ابقه يمهم كلي يعمري ميصير يله ودعيهم خل نروح وفعلا ودعتهم ومشيت زرت الامام علي عليه السلام وصليت ودعيت يقويني ويخليني شي جبير بالمجتمع والناس كلها تترحم لبابا من يمر طاررري..