ان اضحي بما املك

.

بارت٢٤

جاب السياره مصطفى وركب بيها علي وركبت واني ايدي تحركني كلش ومتأذيه منها وصلنه للمستشفى دخلنه الها دخلونه للغرفه كالو هسه يجي الدكتور شويه اجه الدكتور شاف ايدي كال هاي متأذيه لازم نكوم الجلد كتله لا ما بيها شي اصلا ما توجع اني من كد الالم والخوف كمت احجي هيج فما قبل وعلي كله ما عليك بيها دكتور شيله كتله شنو شيله كتلك ما بيك شي فعلي اشر لدكتور اجه الدكتور وعلي لزمني. من متني ويسولف وياي ويهدأني لزمني حيل ومن بلش الدكتور كمت اصيح من الالم ماما بابا وينكم علي حيل تأذه واني اصيح فگال رمانتي اني. يمج والله اني امج وابوج لا تبجين والله ما اخلي احد يأذيج واني اصيح من الالم حته ما انتبهت لكلامه بس رمانتي من كال هيج وما جنت اعرف صدك كال لو اتخيل ور كمشني حيل كلش لمن كمل الدكتور واطوني ادويه ومهدئات شكد وصفلي وكال يومين رجعوها نشوفها كاله تمام مشينه ركبنه السياره وصلنه الكل تلكانه الحمدلله عالسلامه الحمدلله عالسلامه كلتلهن الله يسلمجن كالت خاله ام غدير سوده عليه يمه كله بسبب ابني كتلها لا خاله عادي اصلن متوجع وطبينه للصاله كلتلها غدير دليني. على للغرفه اريد ارتاح اشويه كالت تمام صعدنه للطابق الفوك بيه اغرف للضيوف اخذت جمطتي وصعدت وي غدير كتلها حبيبتي طلب بله زحمه كالت تددللين احجي كتلها بس جهزيلي فراش انعس ارد انام كالت تددللين حطتلي فراش وطلعت سنحت على فراشي غفيت لاني تعبانه حيل للعصر فزيت على ايد واحد يتلمس بكصتي فزيت منو علي من شافني كبل ميل ايده كتله محتاز شيء كال لا اجيت اخذ جنطتي وشفتج نايمه وكلت اشوفج خاف عندج حراره كتله لا ما عندي شي الحمدلله كال صدك بعدين تسافرين لتركيا كتله ايدي مستقبلي اريد ابني هناك كال ها خير إن شاءلله  كتله اسألك سؤال كال جواب كتله من الدكتور جان يشيل الجلد كال اي كتله واني اصيح من الالم جني سمعتك تكلي رمانتي كال لا متهومه كتله تمام وطلع علي بعد. ما ردينه من المستشفى دنيا مشت نامت لان تعبانه واحنه كعدنه شويه بالصاله وكلمن راح لغرفته اني كلت اريد ملابس فسألت عن الجنط وين كالو بالغرفه بالطابق الفوك صعدت لكيت دنيا نايمه جنها طفله بنومتها كربت عليها جستها من كصتها لانها فازه وسألتني عن كلمة رمانتي اني انكرت اني فعلا كلت الها رمانتي لانها طفلتي الصغيره وما اسمح لاي. شي يصير عليها دنيا طلع علي من الغرف كمت اني عدلت حجابي كوت لان ايدي توجعني ونزلت لجوه لكيت غدير وكوثر كاعدات كالن ها الحمدلله عالسلامه كتلهن الله يسلمجن بعد كلبي وتعذرت مني كوثر كتلها لا يعمري عادي صدك جذب فدوه الج الجلد الشاله الدكتور كامن يضحكن كالن خل نطلع نتونس كتلهن وين اني ما اعرف المنطقه اهنا كالن العصر نروح نتونس للمطعم كتلهن تمام  كالت كوثر نروح لبحيرة كولي بنجوين كتلهن تمام غدير كالت نروح لمنطقة سرتك كلش حلوه الاجواء هناك كالن تمام شويه اجه علي ومصطفى وعبدللله وكالو شنو تحجن كالت الهم غدير نريد نطلع نتونس وكالن الهم عن بحيرة بنجوين ومنطقة سرتك الكل وافق الفكره وكالو بس ما نروح لباجر حته نتونس اكثر كلنه تمام

يتبع...