ان اضحي بما املك

..

بارت ٣٩

ووصلنه للدوله البيها عمي وومشينه لبيت محمد وبدينه بالخطه وبشرحها بكشل مفصل وكان اول شي ان ندخل رونق لبيت عمي ندخلها كخادمه وهذا عن طريق محمد هو راح يتكلم وي الشركه الي تدز الخادمات  للبيت ويطلب تغيرها ذيج لحتى ندخل وفعلا حجه محمد وياه واتفق وي صاحب الشركه واتصل بالخادمه العدهم وطلب منها تجي وصار وقت رونق ان باجر يبده شغلها رونق باجر نبده بالخطه والكل منتكل عليه ولازم نحقق الهدف صح بكلبي خوف بس ما بينته الهم ما دام الله ويانه ماكو خوف ان شاء الله وفعلا اجه ثاني يوم وغيرت ملابسي ووصلني محمد لنص الطريق واخذت تكسي وظل مراقبني محمد لمن وصلت للبيت طبيت للبيت استقبلتني يمكن زوجه سلطان كالت انتي الخادمه الجديده كتلها نعم كالت يله روحي منتظرتج الخادمه طبعا اني مو الخادمه الاساسيه اني مساعدة خادمه يعني الطبخ مو عليه بس تنظيف وشيل الاكل من يجهز ودوامي اسبوعي والي يوم عطله الي هو الجمعه بعد ما كالتلي مرة سلطان روحي ساعديها ودلتني عالمطبخ مشيت طبيت وباذني هتفون الكل يسمع شاحجي وشيصير مشيت للمطبخ لكيت الخادمه تحضر بالاكل كالت واخيرا وصلتي تبهذلت لوحدي كتلها بشنو ابدأ كالت اول شي خن اعرفج عالبيت وبعدين بلشي كلتلها تمام اخذتني ودلتني بالبيت جان جبير كلش وبيه هواي غرف وطابقين هم ودلتني على غرفهم غرفه حيدر ابن سلطان صايره بالطابق الاول وغرفه ريم بنت سلطان بالطابق الثاني وغرفه سلطان وزوجته رغد هم بالطابق الثاني  بس ما تقبل انظف الاغرف بس الصاله لاني جديده وبقينه الاماكن ودلتني على غرفتي غرفتي صاير يم الدرج دخلت ليها بيها جربايه وميز زغير شفتها وطلعت لان صار وكت الغده ولازم احضره وبدت تصب الخادمه واني اني رتبت الطاوله شويه واجه حيدر شاب طويل واسمر ووحلوه ملامحه شافني كال انتي الخادمه الجديده كتله نعم كال ها؟ ومشه لغرفته بعدين اجت ريم شون ريم ياربي تلعب النفس بلبسها وميكاجها الوڤر  كملت تحضير الطاوله وحطيت الاكل شويه واجه رجال ضخم وسمين وعنده بس شوارب ولابس مناظر وشعره بيه ابيض كلت هذا طبعا سلطان كملت تحضير ونزلو همه يتغدون اني طبيت للمطبخ ما طلعت لمن خلصو وكلمن صعد لغرقته لميت الطاوله وخلصت تنظيف ومشيت لغرفتي وسديت الباب واتصلت على علي ردوا عليه بسرعه وحجيتلهم عن كلشي صار وكلت الهم ان ما اكدر اطب للغرف لاني جديده فعلي كال اني خطه اخليهم يأمنون بيج كتله شنو كال باجر الكل بالدوام صح كتله اي انتي انتبهي ان ذيج الخدامه ما تشوفج سوي نفسج تنظفين بالطابق الثانس وادخلي لغرفه سلطان اخذي قطعه من ذهبها وخليها عندج من يجي وقت الغده ويكعدون كلهم يتغدون سوي نفسج تنظفين يمهم وطلعي الذهب الاخذتي وذبي بالكاع وكولي مدام حصلت هاي قطعة الذهب وشوفي شون راح يأمنون  بيج كتله تمام وفعلا اجه ثاني يوم وبعد ما الكل مشه للدوام صعدت للطابق  الثاني  وسويت نفسي انظف بسرعه دخلت لغرفه رغد مرة سلطان وكمت ادور بالميز والمرايه وحصلت زوج تراجي اخذت وحده ورديت الثانيه ورتبتها مثلما جانت وطلعت من الغرفه بسرعه  واجه وقت الغده وسويت نفسي انظف ولكيت الترجيه عالارض اخذتها وانطيتها لرغد كتلها مدام لكيت هاي بالكاع كالت اي هاي ترجيتي شوصلها عالكاع اكيد واكعه مني شكرا كتلها عفوا تددللين مدام ومشيت كملت تنظيف وشلت السفره ورتبت الطاوله ومشيت لغرفتي اتصلت بعلي والكل جان يمه وحجيتلهم شسويت وشصار كالولي عفيه انتظري النتيجه كلت تمام وفعلا وره يومين صارت مرة سلطان هيه تصيحلي انظف غرفتها وطلبت مني انظف الاغرف البقيه واني اول يومين لازم اكسب ثقتهم اكثر  فكمت بس انظف الغرفه واعطرها واطلع كامت تجي مره سلطان تلكه الغرفه مرتبه وعطر صارت هيه تطلب مني يوميه اسويلها هيج وانظفها واليوم خميس باجر جمعه اجازتي خلصت شغلي ونظفت ووبليل حضرت غراضي حتى اطلع اني اتصلت بعاصم يجي ياخذني كال تمام راح ائجر تكسي واجي طلعت كالت رغد كالت وين كتلها باجر جمعه عطلتي كالت ها والله نسيت مو تتأخرين نضيع من دونج كلت ان شاء الله كالت نوصلج كتلها لا اجرت تكسي كالت تمام وطلعت لكيت عاصم جايب تكسي وجاي ركبت وياه سلمت عليه لمن وصلنه طبيت سلمت عليهم وكعدت يمهم كتلهم اخ واخيرا اكدر اتكلم براحتي ماكو مدام وبطيخ كلمو يضحكون كتلهم ولله لامي ما نظف هجي واغسل مواعين بس التوبه بس ارجع اله انظفلها البيت كله واغسللها المواعين كامو يضحكون وحجيتلهم شون بدت تأمن بيه مرة سلطان ورسمت مخطط للبيت ووين مداخله ومخارجه وحجيتلهم وصار وقت الخطه رقم اثنين هو ادخل عاصم سايق لبتهم كتلهم شون كالو سهله مخططين لهاي حجولي عن خطتهم وشون انفذها كتلهم تمام بس ارجع انفذ الخطه الاتفقنه عليها كالو تمام كال محمد والله اله اخلي عمي يدفع الثمن على الي سوا بابوي كالت دنيا وياك يبعد اخوك كلنه ولله اله نخلي يطخ بالحبوس محمد هانت هانت ان شاء الله رونق وصصبينه اكل واكلنه سوه ومشيت نمت  لاني حيل   تعبانه حته باجر نكمل تخطيط واجه ثاني يوم وبدينه نحجي بالخطه وشويه..
يتبع