ان اضحي بما املك

احيانا نقنع انفسنا بانا اقويأء نتحمل ولكن لا نحن ليس كذلك فالحطام الذي بداخلنا

بارت.. ٦

عدلت احجابي ونزلت لجوه لكيت عمه ام يوسف وام محمد وعمو ابو يوسف سلمت وحطت الريوك نزل عبدالله سلم ردينه السلام كاله اليوم مو جنك متأخر بابا كاله لا ما عدنه شي مهم لذلك ما راح اروح تريد ابقى كاله براحتك بابا وكلي عمي يله بابا كملتي حته نروح كتله اي عمو واني جاهزه كال اجيب البصمه مال السياره واجي كتله اوك طلعت للكراج انتظر عمو اجه عمو ركبنه بالسياره بدون كلام طول الطريق لحد ما وصلنه البيت فتحت باب البيت وكفت صفنت بالبيت كله وكل ذكرياتي بيه شون راح اكدر اتخطى وفاتكم شون بعدين كلت لازم اكون قويه حته احقق حلمهم الما تحقق دخلت ودخل عمو كلي اني راح اكعد على ما تخلصين واذا احتازيتي شي ناديلي كتله تمام صعدت عالدرج وكل درجه بيها الف ذكرى مشيت لغرفة ماما طلعت الجنطه الجبيره وطلعت ملابس بابا وماما اخذت منهم الي اريده والبقيه كلت لازم ننطيهن للثواب وملابس البقيه بس من كل واحد اخذت ذكرى اخليها يمي واخذت شهائد تقديري وموبايل قاسم والبوم ااصور ومشيت للمطبخ اتنوع بيه يوم الردنه نطلع يا ريتنه مت طلعنه يا ريتنه بقينه وبالياريت الف كلمه وكلمه نجرها طلعت وكلت لعمو هاي اغراضي وذني حابه انطيهن لثواب كال احنت بابا طلعت وقفلت الباب مشينه للمؤسسه الخيريه وتبرعنه بالملابس للثواب ورديت للبيت دخلت ماكو حد عمه بالمطبخ مشيت ليها سلمت وصعدت لفوك لغرفتي واخذت الجنطه رتبت الغراض وجبت وياي خزنة بابا حته احط بيها اشيءي الثمينه وذكري بيهم هم وكلت وجبت الطاوله مالتي ورتبتها بالغرفه وحطيت عليها كتبي والضوه الي اشتراه بابا الي وعلكت شهائد التقدير بالحايط مقابيل الباب كل اليفوت يشوفهن وحضرت ملابسي المدرسه وحضرت كتبي وكلت لازم ارجع وبقوه وسويت لنفسي دفتره مذكرات يوميه شنو يصير وياي اكتب بيه وفعلا وكتبت بيه عن اهلي شكد جانو حنونين وياي وطيبين شويه سمعت صوت ام يوسف اتصيح عدلت احجابي ونزلت ركض ها عمه كالتلي حبيبتي ما عندج شي ساعديني كلتلها من عيوني كالتلي سالمه عيونج بنيتي ساعدتها بالطبخ وهيه تسوالف وياي وتضحكني حسيتها مثل امي وحنيتها وكلتلها انتي مثل امي حته ماما جانت تعاملني هيج كالتلي حبيبتي اني اني امج وصيحلي ماما كلتلها ما متعوده لمن اتعود كلتلي براحتج حبيبتي وكملنه غده وصبينه والكل التم عالغده تعدينه وخلصنه لان عمو يكول اليوم يوسف ومريته يجون عشاهم يمنه الكل فرح خلصنه واني صدت لغرفتي توضيت وصليت وقريت بالقران الكريم شويه وكلت انام سنحت عالجربايه ولاني غافيه..
احيانا نقنع انفسنا بانا اقويأء نتحمل ولكن لا نحن ليس كذلك فالحطام الذي بداخلنا لن يصلح...

يتبع...