#هلع
بارت اضافي 🤍
.
.
.
طلعت من الحوش بدري ، صكرت الباب و مشيت للسياره و لعتها نسخن فيها سرحت بخيالي في الفتره لي مرت
بديت مع سما بقصة كانت اشبه بالمغامره، بديت وانا مش عارف على شن خاش كيف خطبتها كيف شفتها كيف كنت شايل حمل جريمة باتها ، شفت فيها الانسانة اللي مجروحه و اللي فيها من الهلع يسد عشر وحدين ، يوم عن يوم تحولت القصة كلها من شخص جاي ينفذ في وصية الشخص غارق في كل تفاصيلها
ضحكت ، حركت السيارة ومشيت للشركة
خشيت شفت اسير يشرب في قهوة وحاط التلفون على وذنه ، كالعاده قربت منه وخذيت الكباية
اسير >> تي انت مراتك اطلع فيك بلا قهوة انا شن ذنب امي
رسلان ببرود >> اشش صبح يا فتاح
اسير نفخ ورد يحكي بالتلفون
ركبت المكتبي حطيت الكباية سلحت جاكتي وقعمزت عالكرسي ، جبت الاوراق لي يبن شغل و بديت نشتغل ورديت السرحاني من جديد
اذكرت ايام خطبتي بسما واصراري عليها ، كنت مُصر عليها عشان بس انفذ وصيت باتها ، كنت شخص ما نرضش بالظلم لما شفت جريمة زي اللي صارت حسيت انه يديا مربطه وابسط شي نقدر نديره اني نكون حوالين عيلته و انمنهم بقد ما نقدر ، كانت الشخص اللي مكتوبلي سما كيف ربي سخر وهيئلي الاسباب عشان تكون هي اللي نصيبي
دلف اسير الباب وخش
رسلان >> استغفر الله العلي العظيم على قلة الادب
اسير >> خوفتك يا بيبي
رسلان طلق فيه القلم>> اعقل بكرا فاتحتك
اسير >> اليوم الناعليا بكل بكرا
رسلان ضحك>> كملت شغلك
اسير>> طالع اه امي ساكنه تبي السوق بتكمل حاجات بكرا دايرين عشا فالاستراحه بيش تجي
رسلان>> لا معلش بنتعشا عند انساباتي 😂
اسير>> مثقلدمك وانت متجوز
طلع اسير وهو يغني ومسك التلفون رن عليها
اختارتني من بينكم ، ترديني ما ترديكم
انا اللي فزت بقلبها ، تحبني و انحبها
"ردت روان وابتسمت وهي تسمع فيه"
وكملت الاغنية معاه >> فهمتو والله نزيدكم؟
اسير ضحك >> من اللي ما فهمش بس انك بكرا ح تكوني ليا ❤️
//
//
"سما"
نضت من النوم و خذيت فنجان القهوه ، قعمزت مقابله الروشن وانا نبحت في تفاصيل حياتي اللي مرت ... وجا في بالي رسلان و اخخخ من رسلان وكيف قلب حياتي قلب❤️ ما شفتش امان من بعد بابا الا معاه ، خوفي دموعي نوبات الهلع تمسك بيا في اضعف واسوء ايامي ، قعد معايا وانا رافضه انه حد يكون معايا ، لو تلمو الحب لي فالعالم كله حتلقوني خذيته كله و عطيته الرسلان قلبي وروحي
