مصير دآمس

بارت - 25

﷽
__________________________مصير دآمس

للكاتبه فاطمه الأحمد

لطفاً لا تقرؤ بصمت أتركو أثر ًٰ جميلاً منكم
التصويت والتعليق بين الفقرات ♡

#خاتونات

قــــرأة ممتعه أحبتي

𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄹𓄼𓄹𓄼

⊰ رآهب ⊱

طلعت من المستشفى مستعجل
ما ادري وين اروح شهد وين اخذوها
وريم شبيها ليش بهيج منطقه خايسه
بإيد اسوق مسرع وبإيد شايل تلفون
ادگ على جماعتي

رآهب : مجد اعرفلي ريم صديقه شهد وين
دور ببيتها ودز شباب للعنوان الراح ارسله
الك... لا بس.. شوفلي موقع تلفون شهد
اي اتصااال چاااا شنوو يلا بسررعه

سديت منه اتصلت بالشرطه
طلبتهم يلحگون الموقع الراح نرسله
دقايق ومجد اتصل

رآهب : هاا بشرر...شنوو بمنطقه مقطوعه
وين بيا طريق.. لا رايح بوحدي دز الموقع
للشرطه همه يجون.. سووي الگتلك عليه

قفلت الخط زدت السرعه حتى اوصل
بسرعه..

.
.
⊰ شهد ⊱

كعدت من تأثير المخدر بعدني بسيارة مضلله
تمشي سريع عاينت شفت مگعديني بين
ثنين ملثمين رابطين ايديا لجدام , صرت
اضربهم واسب عليهم , احجي بصراخ

شهد : الله ياااخذكم يااا وسخيين
منوو انتو شنوو تريدوون مني
لللك لااا تللزممني ياا نگس ياا نگس

- نوصل وتفهمين كلشي

عاينت عليه , اردفت

شهد : لصالح منو تشتغلون؟؟؟ احجي
يااا حمااار يااا ذييل

ضربني على وجهي شاغت روحي
بس ما بچيت مو وقت أضعف لازم
احرر روحي منهم مستحيل اخضعلهم

شهد : وحق الزهراء راح تندمون
اذا ما خيستو بالسجون فلا اطلع
بنت ناااصر ,

مر وقت قصير وگفو السياره يم
مستودع قديم مُتهالك ,المكان مهجور
ما بي جنس البشر غيرنا, فتحو الباب
نزلو ورادو يلزموني عطت بيهم

شهد : اااكسرر اييدك ترااا اعرف اامشي

- چا امشي بلا صوت

مشيت وياهم لمسافه وايدي مربوطه
عاينت صفح ثنينهم وراي شلون اتصرف
دفعني واحد منهم حتى امشي بسرعه

شهد : عمى العماااك تراا اعرف امشي

- امشي ترا طگت مرارتي منج