مصير دآمس

بارت - 56

-56
﷽
__________________________مصير دآمس

للكاتبه فاطمه الأحمد

لطفاً لا تقرؤ بصمت أتركو أثر ًٰ جميلاً منكم
التصويت والتعليق بين الفقرات ♡+متابعه للحساب fatima_alahmad

#خاتونات

قــــرأة ممتعه أحبتي

𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄹𓄼𓄹𓄼

⊰ ليال ⊱

جنا كلنا بالصاله گاعدين انسمع صوت الباب يبدو اجت نور وصفاء فاتحه الباب بس الصدمه انسمع صوت شخص ثاني وطلعنا كلنا ورا الصوت بالباب

واگفين. ومصدومين من الصوت وصاحب الصوت
صگر هم دخل وراها ونور لازمه ايده وتبتسم وياه وتحاول تمشيه بس وگع ما يگدر توه يخطي خطواته الأولى بلش يبچي ونور شالته لحظنها تبوسه وتحاول تهديه

__ اشش يا روحي لا تبچي صگر شايف عُمر شلون يبچي.

الكل بحالة صدمه منو هذا الطفل من وين اجا
علي موسع عيونه وما فاهم شي آني مصدومة منو هذا الطفل دخلت للبيت وهي تحاول تسكته

نـور : اشش يَعُمري أنت شوف وين اجينا وين اجينا

علي : وين اجيتو؟ هذا الطفل ابن منو؟؟؟

بهتت ابتسامتها بس رجعت ابتسمت وحجت بحنيه.
انصدمت من كلامها

نـور : علي شوف هذا عُمر, عُمر اخونا.

راحتله وعُمر بحظنها اجت تنطيه نترها وابتعد خطوتين يحجي ولا ينظر للطفل يأشرللها توخره.

علي : لا ما عندي اخ وخري من وجهي اااخو مااا عندي.

ليال : عُمر ابن حامد و ال؟

توني تذكرته نور حجت عنه من تحررت, امي ما نطقت كلمه مرت خالي والباقين ما تدخلو. صگر طبگ النظارة الشمسية و اخذ عُمر من إيد نور

_ جيبي

أخذه وباسه بكل حنيه مشى يم امي وگف و نزل عُمر گدامها عمر گعد ما يگدر يوگف ظلت تنظرله
وصگر ساكت ما فهمنا هاي الحركه, ضل عُمر يناغي ويحجي كلام ما مفهوم ويضرب ايده بالگـاع
ينظر بالوجوه وما فاهم شي, لزم طرف صاية أمي وگام مستند و متشبث برجليها نظرللها ونطق

عُمر : مـ ا ما

امي دنگت تبچي بصمت وتنظرله علي اجا شاله يحجي ويصييح.