مصير دآمس

بارت - 53

﷽
__________________________مصير دآمس

للكاتبه فاطمه الأحمد

لطفاً لا تقرؤ بصمت أتركو أثر ًٰ جميلاً منكم
التصويت والتعليق بين الفقرات ♡+متابعه للحساب fatima_alahmad

#خاتونات

قــــرأة ممتعه أحبتي

𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄹𓄼𓄹𓄼

⊰ سِراج ⊱

فتحت عيوني آني بغرفتي, رفعت ايدي تلامست جبيني ملفوف بشاش تذكرت الصار البارحه وشلون اشرلي اوگف گدامه ومن رحتله بدون خوف واتشجعت لزمني من شعري وجرني وراه للحايط وضربني بيها مرتين وگعت من طولي, غبت عن الوعي وما ادري شلون وصلت غرفتي.

نزلت دمعه حاره من عيني باوعت يميني موبايلي والابتوب المتكسر بصفي, گمت على حيلي وگعدت متربعه مديت ايدي سحبتهن يمي تفقدت الابتوب بعده يشتغل بس شاشته نصهه مضرره . عفتها وشلت تلفوني فتحته ودخلت على الأرقام.. حذفت رقم أبهر.

سِراج : هَلي والدنيا عليا چا ضلت عليك .

فتحت حسابي الفيس بوك وطلعلي اول منشور
مقترح چآن حسابه منزل صوره وكاتب تحته كلية لندن للاقتصاد والعلوم السياسية

تجاهلت المنشور ما انطيته اي إهتمام عبن من الأساس ماكو شي مجرد تصفية حسابات قديمه وانتهت. باوعت الساعه 8قفلت موبايلي عفته بمكانه ودخلت للحمام احس روحي مرضانه

وحرارتي مرتفعه. دخلت رجليه بالبانيو وفتحت الماي البارد بقيت شويه هيج وبديت ارجف رجف فورا طلعت بدلت ودخلت بالفراش منا حرارتي مرتفعه ومنا ميته من البرد.. انفتح الباب شفتها ماما صابرين. انطيت ظهري للباب والبچيه ببلعومي. لحظات وحسيت لمساتها على شعري.

أم بتول : ما ادري ليش مو مثل باقي خواتج ليش هيج انتي ليش تحاربينه وتأذين روحج.؟

اخذت نفس حتى اگدر احجي وما ابين القهر الي بصوتي

سِراج : ليش جايه؟

أم بتول : بنتي..

سِراج : بنتج غُرفتها بصف غُرفتي دخلتي على الشخص الغلط.

قربت ايدها من جبيني واني احاول ابتعد للجهة الثانيه.

أم بتول : ماما بنيتي ليش هيج تتصرفين احبچن بدون تفرقه.

هي لو تعرف الحقيقه أنه آني مو تؤم بنتها واصير بنت دُعاء.. مستحيل تتقبلني اصلا تحقد عليه بالزايد.

__ بدون تفرقه بدون تفرقه صح.. لو سمحتي اطلعي اريد انام.

رجعت خلت ايدها على جبيني وفزت