مؤسسة دريم التعليمية

PART*. 1

السلام عليكم الروايه دى جديده انا كنت بحضرها وهى شبه كامله يعنى فاضل كام بارت وتخلص كل يوم بارت الا الجمعه اجازه.. 

اتمنى تعجبكم الفكره عجبانى فقولت اشاركها معاكم  ..  يومكم سعيد  .. 

      .ــــــــــــــــــــــــــــــــــــــــــــــــــــــــــــــ. 

               ﴿ بِسْمِ اللَّهِ الرَّحْمَٰنِ الرَّحِيمِ﴾

انتى اتجننتى ايه الكلام ده انتى ازى تعلى صوتك على امك
… هههه امك امك امك فين امى دى انتى مش لايق عليكى الكلمه دى انتى اخر حد على الارض ممكن يكون ام
..  ايه اللى غيرك من نحيتى انا عملت ايه لكل الكره ده انا بطفح الدم علشان اربيكى انتى معندكيش علم ولو حتى قليل انا بعمل ايه علشان اقدر اوفرلك كل مطالبك بشتغل ليل نهار علشان اقدر اسد مصريف البيت والمدرسه الخاصه اللى انتى فيها ومع كل ده مش عارف اوصل نظرات الرضا فى عينك انا مقصره معاكى فى ايه فهمينى
نظرة لها تلك الجميله ذات 17 عام بحزن مع دموع..  انتى المشكله مشكلتى فى الحياة هى انتى
القت كلماتها ثم ذهبت الى غرفتها وهى تبكى كم تكره تلك الحياة الممله لم ترضا يوما بتلك الحياة مطلقا

بينما الام ذهبت خارج المنزل لم تهتم بكم الساعه تناهز الان فـ الم  قلبها وحيرتها كفيل ينسيها اى شئ اخر

اخذت تمشى فى الشارع بين الحوارى وعبراتها على وجنتها تحرقها فى ذالك الجو الساقع

كانت تنظر الى البحيره بألم وعقلها يدور به الف سؤال من نفس السؤال؟  . انا قصرت معاها فى ايه..  ايه الغلط اللى انا ارتكبته خلاها تكرهنى

رنين الهاتف لا يتوفق منذ خروجها من المنزل
وبعد وقت ردت او بمعنى اصح فتحت المكالمه بدون كلام
المتحدث  . هديل  انتى فين لحد دلوقتي انتى عارفه الساعه كام
هديل  بتنهيد متألم  . جيه   ..  اكتفت بذالك ثم اغلقة ونهضت عائده الى المنزل

فى المنزل
والدت زوجها الحجه  مفيده نص صعبه ونص طيبه مافيش حمايه بتكون كامله مكمله
مفيده  . انت هتفضل قاعد كده روح شوف الست هانم مراتك فين ياجلال
جلال وهو بيلعب فى التلفون  . هتكون فين فى الشغل زى كل يوم
مفيده  . شغل ايه ده اللى لحد الساعه 3 ياروح امك
خرجت والدة هديل  من الغرفه.. بتلمحى لايه يا مفيده
مفيده  . وهكون بلمح لايه يعنى يا سوما  المحروسه برا البيت لحد دلوقتي تعرفى بنتك  فين ولا عادى عندك تسبيها تتسرمح براحتها
سوما  بغضب  . لا لمى لسانك يامفيده واعرفى انتى بتتكلمى عن مين بنتى اللى انتى بتتكلمى عنها طالع عنيها علشان تساعد المحروس ابنك اللى من  يوم ما وقع فى بختنا وهو زى النحس
مفيده بسخريه.. نحس فعلا علشان قبل يتجوز واحده على كتفها عيل وشال شيله مش بتعته بنتك جابت والله اعلم جابته منين وانتحرت ودبسته فى المحروسه اختها
سوما.. محدش ضربكم على ايدكم يا مفيده المحروس ابنك اللى جه لحد بيتى وعمال ينزل علشان يتجوزها  ..  بسخريه اخذت تقلده.. بحبها يا طنط هموت عليها احمدى ربك انى وافقت عليه كانت جوازه سوده كان انقطع لسانى لما وافقت على جوز الغبره وبعدين مسؤولية ايه ياعنيا اللى على كتف المحروس البت وانا وامها اللى شايلين  الحمل كله عمرها جات وطلبت منه ارش ساغ تجيب بيه حاجه للبت
جلال  . هو انا فاضل منى حاجه اجيب حاجه بيها لنفسى يا حماتى
سوما بسخريه.. من الهباب اللى بتشربه يا اخر بخت بنتى الاسود
مفيده  . متلمى نفسك يا سوما انا سكته من الصبح
سوما بغيظ  . لا فوقى لنفسك يا مفيده انا عارفه كويس ابنك المحروس اتجوز بنتى ليه انتى فكره انى معرفش بفلوس القرض اللى خده علشان يعمل مشروع فاشل زيه وخسر كل حاجه وطبع بنتى زينة الحى كله وحلية فى عينه بتشتغل بدل الشغلانه 2 وكسيبه وامها عندها مطعم بيحلف بيه اهل الحى كله ده غير فدانين وتجارة الخضار ده غير البيت ال6 ادوار اللى انتى والمحروس مأجرين فيه ببخس الفلوس وانا اقول وماله جوز بنتى وياريت هو اللى بيدفع الايجار دى البت اللى بتدفعه رغم ان كل ده مالها فى الاخر بس لا زى امها عندها عزت نفس مش عند المحروس اللى واكل شارب نايم على قفا البت كانت فرصه ليكم ياختى تكسبوا من ورانا وتعيشوا على قفانه بس لا ورب الخلف لندمكم على اليوم اللى جيتوا لحد عتبت بيتى وحطيتوا ايدكم فى ايدى لو سمعت شكوه منكم من البت او من بنتها
نظرة لها مفيده بغيظ ولكنها لا تقوى على الحديث
دلف هديل من باب المنزل وعلى وجهها ارهاق لحد له واثر بكاء
سوما  . ايه اللى عمل فيكى كده يضنايه
هديل بتعب . انا كويسه ياماما متقلقيش
سوما  . كويسه ووشك مخطوف كده يا قلب امك
هديل  . الشغل وتعبه هرتاح وكل حاجه هتكون كويسه
سوما  . ادخلى نامى يا قلب امك
نظرة لهم سوما بقرف ومن ثم ذهبت الى شقتها اللى فى الدور الاول هم فى الدور الثانى