مؤسسة دريم التعليمية

PART*. 12

               ﴿ بِسْمِ اللَّهِ الرَّحْمَٰنِ الرَّحِيمِ﴾

سوما بغيظ . افهم بقى فى ايه قبل ما اهد البيت ده فوق دماغكم دلوقتي

قاسم بضحك . اهدى يا حاجه بس وهما هيفهموكى كل حاجه
سوما بحاجب مرفوع . الحاجه دي تبقى امك يا ابن رجاء
رجاء . هه هو ميقصدش يا سوما دى ستك سوما ياقاسم
سوما . نعم ياختى ستوا لا يروح امك انتى وهى انا سوما بس قال ستك قال
فريده بدلال . سومتى حببتى نور عينى اهدى وانا هشرحلك كل حاجه
سوما . بس يا بت انتى عملتى اللى عليكى وزياده اقعدى بقى كده على جنب افهم من الكبار العقلين يالا ياختى منك ليها اشرحولى اللى بيحصل من ورايا
هديل بجديه . انا قدمت على المدرسه ودلوقتى انا معاهم هناك
سوما بغيظ.. زفت تانى انتى محرمتيش من اللى حصل انتى مش خايفه يحصلها اللى حصل معاكى
رجاء . هو اللى حصل كان برضاها يا سوما مانتى عارفه كل حاجه
سوما . عارفه ايه وزفت ايه اسمعى يا بت انتى تسيبى الزفته دى ارجعى لعقلك انتى مش لوحدك انتى ياختى عندك بت تخافى عليها بعد اللى حصل معاكى انا كنت جنبك انما انتى ياختى هتعملى ايه
هديل ببكاء . وانتى مين قالك انى هسيب بنتى يحصلها اللى حصل معايا انا اتعذبت علشانها وعلشان اربيها وتطلع احسن منى انا لو دخلت المخروبه دى فعلشان احميها ياسوما اعمل اللى معرفتيش تعمليه كنت جنبى بس بفلوسك يا سوما كنتى زى البنك بيدى فلوس عمرك مكنتى جنبى كا أمى ياسوما انا بحاول اقدم لبنتى اللى انتى مدتهونيش ولما اعرف انى غلط ودخلت بنتى بأيدى فى مستنقع زبانه مكان كل اللى فيه اوباش انتى شايفه حمايتى لبنتى منهم غلط انا بقولهالك ياسوما هفضل اغلط طلما غلطى هيحافظ على بنتى من الهلاك انهت كلماتها وذهبت الى غرفتها وهى تبكى
اتجهت ليلى وفريده خلفها

يسر . سوما هديل مغلطتش هى عاوزه تحمى فريده من اللى حصل لبنتى فدوى فريده وليلى فى خطر اللى قتل بنتى لسه حر وفريده هى هدفه التانى
قاسم . لا هديل هى هدفه التانى
نظروا له
قاسم . فريده قالتلى على كل حاجه هى كانت بتعيط ومنهاره انهارده لان قبل خروجها من المستشفى المجرم اللى قتل فدوى وجلها وهددها بأنها لو فتحت بقها بحرف واحد هيخلص على اهلها اول حد فيهم هيكون امها اللى فعلا فى خطر دلوقتي هى هديل
جلست سوما ببكاء على احد الكراسى . يانتهار اسود ده ايه المصايب دى ياربى بنتى وحفيدتى فى خطر وانا فين من كل ده هديل معاها حق انا عمرى مكنت ام عمرى ما قعدت معاها وسمعت منها حتى بعداللى حصل معاها مسمعتش منها وخفت من الفضيحه وضيعت حقها انا السبب فى اللى حصلها لحد دلوقتي ضعفى جه عليهم بالسالب
جلست رجاء امامها على الارض . خالتى اجمدى انا اول مره اشوفك كده طول عمرك جدار فى وش اى حد بيفكر يقرب لهديل هى اللى كانت بتقولى كده طول عمرها فخوره بيكى وبتشكر فيكى عمرها ما قالت انها زعلانه منك هى قالت كده من خوفها على فريده
جلست يسر امامها بجوار رجاء وعلى وجهها عبراتها . سوما انا حسه بيكى انا مكانك دلوقتي احساس صعب اوى بس انتى عندك وقت دلوقتي وفرصه تصلحى اهمالك لبنتك بس انا مكنش عندى فرصه يا سوما انا القدر عقبنى على اهمالى وخد منى بنتى عشت بدافع عن حقوق الناس ومعرفتش ادافع عن بنتى انتى عندك بنت وحفيده محتجينك يا سوما انتى كنتى طول عمرك درع ليهم خليكى مكمله
رجاء . هديل كانت بتقول انها لما بتضعف تحطك مثل قدامها ياسوما بترجع تقوى تانى بلاش تمنعيها تكمل بلاش تخليها تقع تانى المراضى الواقعه بفوره حيات فريده وامها فى خطر
يسر . اكيد انتى مش حبه تخسرى بنتك وحفيدتك
سوما ببكاء . اخسر ايه اخسر روحى الاتنين هما اغلى حاجه عندى انا عملت كل حاجه علشانهم لما خلفت هديل كانت محور حياتى ربيتها بأيد من نار محبتش تشوف المر اللى شفته ولكن اللى حصلها كسرنى زى ما كسرها ولكن اللى نسانى وجعى ونسها وجعها كانت فريده هما عندى بالدنيا ومافيها
يسر . ادعميها يا سوما وانا من جهتى هرجع حق فدوى وهحمى هديل والبنات
سوما بغضب . لازم تخلص على الواطى اللى عمل كده فى بناتنا
رجاء . وعد يا سوما اننا هنجيب حقه
نهضت سوما
يسر . على فين
سوما . هدخل اراضى البت شوفتها كده بتوجع قلبى
ابتسموا لها
اتجهت سوما الى الغرفه