مؤسسة دريم التعليمية

PART*. 15

               ﴿ بِسْمِ اللَّهِ الرَّحْمَٰنِ الرَّحِيمِ﴾

شريف . مش قبل ما تهدى الاول
يسر بغضب.. اهدا. اهدا ازى والحقير ده بيهددنى انا يسر عبدالله مش بخاف غير من اللى خلقنى هفضحه هخليه عبره ويبقى يورينى هيعمل ايه انا بعد فدوى معدش عندى حاجه اخاف عليها يا شريف
شريف . مش ناويه تروحى عند فدوى زياره انتى من يوم الجنازه مرحتيش عندها خالص
يسر بدموع . بأى وش يا شريف هروح اقولها ايه جيت اشوفك وانا لسه لحد دلوقتي مجبتش حقك من الكلب اللى عمل فيكى كده انا موجوعه اوى يا شريف اه بضحك قدامك وقدام الباقى بس انا بموت من جوايا انا عارفه ان فريده وليلى بيحاولوا يكونه جنبى ويعوضونى عن غياب فدوى بس ده صعب فدوى مكنتش بنتى بس دى كانت كل حاجه حلوه في حياتي
شريف بعدما جلس على الارض امامها ومسك ايدها . يسر ربنا خد منك فدوى بس عوضك بصحابها فريده وليلى
يسر . انا ام يا شريف انا لما بكون لوحدى بموت من جوايا كل لما بحس انى بجيب لكل مظلوم حقه الا بنتى لحد دلوقتي مر شهور وانا لسه مجبتش حقها فدوى زى بنات كتير اتغدر بيها وانا زى امهات كتير اتحرمه من ولادهم
شريف.. اهدى وانا معاكى هنرجع حق فدوى مع بعض روحى على البيت دلوقتي وانا بالليل هتصل بيكى اطمن عليكى
يسر . شكرا يا شريف لانك جنبى
شريف . مليش غيرك انتى الصديقه والاخت وكل حاجه ليا بنتك كانت زى بنتى اللى مخلفتهاش ربنا يعلم كنت بحبها قد ايه كنت بحسها حته منى
نهضت وهى تبتسم بألم همشى دلوقتي راجع انت شغل بكره لو اتأخرت عن البيت سوما هطلع عينى
شريف . سوما دى ست غريبه بشكل
يسر . لا بالعكس هى طيبه اوى بس عندها الاصول فوق كل حاجه انا ممنونه اوى لفدوى لما كانت جنبى كانت ماليا عليا حياتى بعد موتها اتعرفت على اصحابها واهلهم اللى حاليا ساعدونى علشان اعيش حتى لو لحد ما ارجع حق بنتى
شريف . ربنا يسعدك يا ياسو
ابتسمت ثم ذهبت
نزلت من القناه وهى تضع نظاراتها كى تخفى انتفاخ عيونها اثر البكاء
ركبت عربيتها وانطلقت وخلفها تلك السياره السوداء تراقب تحركاتها
خلعت نظراتها واطلقت العنان لدموعها
اخذت تفكر فى ابنتها وتلك الذكريات التى لا تفارقها تالم فأدها وبدون ادراك وجدت نفسها تتجه الى المقابر واتجهت الى قبر ابنتها وجلست امامه وهى تبكى . سمحينى انا اسفه مخدتش بالى منك وانتى معايا ندمت والله على كل لحظه كنت بعيده عنك فيها معرفتش اعمل ايه كنت بحاول احقق احلامك كنت بتعب علشان اوفرلك حياة سعيده انتى كنتى وهتفضلى عالمى الخاص يا فدوى عمرى ما هنسى اول لمسه واول خطوه ليكى اول ابتسامه منك اول نداء لما بداتى الكلام كانت اول كلمه منك هى ماما اااااه يافدوى قلبى وجعنى اوى يا نور عيني كان نفسى فى لحظه واحده ترجعى فيها اقدر اثبتلك انك كل عالمى انا اسفه والله اسفه سمحينى يا قلبى اخذت تبكى بحرقه تحت نظرات المراقب من بعيد وعلى وجنته دموع تدل على كم الالم الذى يشعر به
رن هاتف يسر محت عبراتها قليلا . الو
هديل . انتى فين يا يسر
يسر بصوت مهزوز .عند فدوى كنت جايه على البيت ورجلى جابتنى لهنا
هديل بحزن.. حسه بيكى يا حببتى ربنا يهون عليكى
يسر ببكاء.. وحشتنى اوى يا هديل قلبى وجعنى اوى
هديل . ربنا يرحمها ويغفر لها ويسكنها فسيح جناته ادعيلها يا يسر هى محتاجه دعائك دلوقتي .. خليكى عندك انا جايه اخدك
يسر . لا انا همشى دلوقتي
هديل . لا خليكى بلاش تسوقى فى الوقت ده
أغلقت  معها وظلت تبكى