بسم الله الرحمن الرحيم
كتبت هذي الروايه من وحي الخيال ولا توجد بها احداث واقعيه ولا اسامح من ينقلها او يقتبس احداثها
لبست عبايتها ووقفت قدام المرايا تثبت حجابها وهي تهز رجلها من التوتر لانها تأخرت كالعاده وطلعت من غرفتها تشيل اوراقها ولابتوبها وصادفت " زياد " ولد خالتها
وزفرت بغضب
زياد : شخبار الحلوين؟
تقدمت ملاك تتجاهله تنزل من الدرج واردف بغضب : اكلمك انا؟
لفت عليه وبابتسامه استفزازيه : متى؟ ماسمعت
وعطته قفاها تنزل وشافت كل اهل امها على الطاوله بحكم انهم عايشين بقصر كل اهل امها وتقدمت مبتسمه
طلال : الله الله على وين؟
ملاك بابتسامه : والله تاخرت على الشغل استأذنكم
مشت تطلع
ولف طلال على غيداء : غيداء بنتك ماتجلس معنا اشتقنا لها صدق ماعاد نشوفها الا اذا جت تطلع
غيداء تنهدت : شغلها ياخوي شغلها معقدها
منيره : والله وانا اختك معذوره بس مو لهدرجه! تقطعنا واضح اصلا ماتبينا
لف يزيد على منيره : منيره قالت عندها شغل ووش ذا الكلام مايصير ملاك بنت اختي واعرفها تبينا وودها بنا
وقفت منيره بغضب : اي بس مو كذا
وجهت نظرها لغيداء: شوفي قولي لبنتك لو ماعاد تجلس معنا بقهوة المغرب ان تشوف شي مو عاجبها !
يوسف : بس منيره بس كل يوم على ذا الموال اتركي البنت بكيفها
منيره : اي انت دافع عن اختك ولا كإني اختك انا بعد
طلع عبدالرحمن يطق بعصاته : منيره وش ذا الازعاج؟
لفت منيره على ابوها وبلعت ريقها : ولا شي يبه
قامت من الكرسي : استأذنكم
نزل زياد من الدرج يجلس بجانب عيال خواله وخالاته
سعد بهمس : وين كنت؟
زياد : وين بكون يعني؟
تنهد سعد وصد ولف لنايف اللي يتابع المباراه اللي فاتته سعد : ولد تتابع المباراه وعلى السفره والله ان يذبحك جدي
نايف بهمس : عادي عادي تخيل افوت مباراة الهلال بس ؟
محمد لف عليهم : جدي يطالعكم اكلو وانتو ساكتين
لفو على جدهم عبدالرحمن وابتسمو بخوف وكملو اكل ولفت غيداء على رفيف
بنت اخوها يوسف : رفوف شخبار الثانوي؟
ابتسمت رفيف : هانت يخاله اخر سنه
ابتسمت غيداء ولفت لتؤام ود ورند : وانتو كيف الجامعه ؟
رند بهدوء : حلوه والله يخاله
ود كشرت : والله خايسه احسب بس قهوه وايباد طلعت كرف بمعنى الكلمه!
ضحكت غيداء بخفه : شدو حيلكم
وقفت لمياء : يلا خوالي وخالتي استأذنكم
يزيد : يلا وانا ابوك استودعتك الله
ابتسمت تهز راسها بخفوت ومشت تطلع تتبع ملاك وفتحت الباب شافت ملاك واقفه عند السياره وواضح معصبه ومشت تركب وركبت ملاك السياره وهي معصبه
وشغلت السياره تطلع من حديقة القصر
ملاك : سلامات لمياء شذا التأخير !
لمياء : معليش والله
ملاك تنهدت : تبين شي قبل انزلك ؟
لمياء : اذا تبين شي انتي انا معك
وقفت ملاك تاخذ قهوه سوداء وطلبت للمياء معها ومشت
لمياء : اليوم تهاوشو برضو عشانك
تنهدت ملاك : خالتي منيره اللي كبرتها صح؟
لمياء وهي ترشف من قهوتها : صح الا بسالك جاك زياد صح؟ شفته نازل من الدرج
ملاك : اي جاني ياخي مايتعب من الصد؟
لمياء ضحكت : خالتي منيره وولدها هذولا شيي !
ملاك : الله يعيننا يلا وصلنا
لمياء : يلا
نزلت لمياء للمستشفى ودخلت عيادة الاسنان وبدت ترتب اغراضها
