واسرع عشان محد يشوفه ومشى يتوجه لبيته ويسرق النظر لظهر كفه اللي مجروح وينزف ودخل لبيته وهو يتألم ودخل غرفته وسحب معقم ولزق جروح وعقم جرحه ولزق اللزقه وناظر لشكله بالمرايا وابعد شعره الي نازل على جبهته بكفه
وضحك وهو يهمس : شسويتي فيني يابنت الناس سويت شي ماتوقعت بسويه بيوم عشان وحده!
جلس على طرف سريره وهو يفكر لو طلبته انثى ثانيه هل كان بيسويها ولا عشانها ملاك ماتردد ؟
وهز راسه بالنفي يطرد افكاره وانسدح وهو مبتسم وناظر كفه وهمس : والله العظيم ان تفداك كل قطره نزلت كل د.مي فداك
ونام بتعب من احداث اليوم
زياد
طلع من البيت متحمس ويسولف لصديقه داحم ويمشي معه داحم ووصلو السياره وشهق داحم : ولد؟ سيارتك؟
ناظرها زياد ووسع عيونه بصدمه: ميين ذا الكلب؟
سكت داحم واردف من شاف الد.م وتوجه لزجاجه يشوف الد.م ويدقق فيه وهمس : اطلعه لك من تحت الارض بس تعطيني ٥ علب مجانآ؟
ناظر زياد ورفع نظره زياد له وهز راسه: بس تطلعه؟
ابتسم داحم: خلها علي
هز راسه زياد وكسر داحم كسره صغيره من الزجاج اللي ملطخ بالد.م واخذه وشافه زياد وهمس داحم : نروح بكره الصباح للمستشفى ونحلل الد.م ذا معي؟
ابتسم زياد : معك
وركب سيارته زياد ومشى متوجه للقصر ونزل يدخل غرفته ينام
المغرب
ود بحماس : شرايكم نسوي سهره عائليه اليوم؟ اشوف مقاطع ناس يسوون سهرات وكذا تكففون
نط نايف بفرحه : موافق انا مع ود موافق تكفون تكفون
ضحك يوسف : ود طلبت ليه لا؟
نايف تكتف بزعل : يعني لو انا اللي مقترح الفكره بتعيون؟
كلهم بصوت واحد : ايه
وسع عيونه وصد منهم يكشر : ماش
ضحكت غيداء : انا معك وانا خالتك معليك
ابتسم نايف يحضنها : خالتي غيداء وبس والباقي خس
ضحكو عليه
عبدالرحمن: استانسو انتو انا بنام مااحب السهر
طلال : براحتك يبه
منيره : اجل بقول لزياد يجيب اغراض من برا ان كنتو تبون
هزو روسهم وبدو يقولون لها شيبسات ومشروبات وشوكلاتات
رفيف : خاله بسوي كوكيز عادي يجيب النواقص؟
منيره : ايه عادي قولي
بدت رفيف تمليها الاغراض
همست سميره لغيداء : الحين نايف ومحمد اهلهم وين؟
ناظرتها غيداء بحزن : هم اخوان
وسعت عيونها بصدمه : اما مايتشابهون
غيداء : اخوان من الرضاعه نايف ابوه متزوج واختي جود مرحومه ومحمد توفت امه وهو صغير وابوه اللي هو اخونا مرحوم يعني حنا فاقدين ثنين توفو بحادث الله يرحمهم
سميره بحزن : ياعمري عليهم الله يرحمهم ويسكنهم فسيح جناته
هزت راسها غيداء ورجعو يندمجون بالطلبات
الساعه ٢:٣٠
دخلت البيت مهلوكه وعقدت حجاجها من شافت كلهم مسوين حلقه وجالسين ياكلون ويسولفون
غيداء : ملاكي تعالي
تقدمت تجلس : وش المناسبه؟
ضحكو واردف نايف : والله الكمخه بنت خالي جابت الفكره الكمخه نفسها
وسعت عيونها ود : لحظه لحظه من كان اول الداعمين للفكره ذكرني؟
ابتسم يسوي نفسه يفكر : مدري محمد اخوي؟
محمد وهو يشرب كولا دمعت عيونه من الغازات
ضحك سعد : تكفى ابوي نايم
ضحكو عليه وضحك محمد ولف لود : اذا اذني ماخانتني من اللي طب مزعجنا بالدعم
رفعت اكتافها تمثل الجهل : مدري اهخ بس نسيته ليتني اعرفه
نايف وهو يمد يده للبطاطس : غبي اصلا اللي دعمها
ضحكو وواندمجت ملاك معهم
رفيف : ملاك تعالي مسويه كوكيز تعالي ابيك تذوقينه
تخصرت لمياء : وانا؟
رفيف : بس ملاكي
ضحكت ملاك ووقفت تحلق رفيف ودخلو المطبخ
رفيف : شوفييي كيفف
ملاك ذاقت حبه : ياييي يسرسح لذييذ
رفيف كلت حبه : مدري تحسين حلو؟
ملاك : رشي فوقها بخفييف بس ملح بس خفيف رفيف عشانه حالي مره
ابتسمت رفيف تهز راسها : بروح اجيبه من المستودع اللي برا بالحوش لان اللي هنا خلص
هزت راسها ملاك وفتحت حجابها منكتمه
ودخل زياد وهمست : انت ماتجي الا لما مااكون ساتره؟
لبيت حجابها
زياد سكت ياخذ كاس مويه ويتوجه يشرب ولا رد عليها
وعقدت حجاجها من هدوءه وتذكرت يوم دخل مكتبها وارتجفت بخوف تصد
ابتسم من عرف انها تتذكر وتقدم يسكر الباب ويقفله وتقدم لها ورجعت بخطوات بطيئه تهمس : زياد شفيك؟
ناظرها زياد وهو يتقدم بهدوء : مدري بس تذكرت واحد داخل على خطيبته لمكتبها وهو شبه واعي
وسعت عيونها بصدمه وبلعت ريقها واكمل زياد : وجاء البطل الخارق انقذها من السك.ران او المتعاطي على قولتها
بلعت ريقها بخوف واغمضت عينها وتقدم يمسك فكها بقوه واردف بغضب : ان ماربيتك معه ابن ال**** ماكون زياد بن محسن تفهمين؟
تأوهت بألم وقطعهم صوت الباب
رفيف: ملاك خلي المقالب افتحي الباب
هز راسه زياد وخرج من الباب الخلفي للمطبخ وضبطت طرحتها ملاك وفتحت الباب لرفيف تمثل الابتسامه: مقلببب
ضحكت رفيف تضربها على كتفها بخفه : سامجه
ملاك : زيدي ملح ه ه ه
ضحكت رفيف بعلو من سماجة ملاك
ودخل محمد : ول وش ذا الضحكه
كشرت رفيف : شدخلك
ضحك محمد يتقدم لهم : جاي ازرف حبه
رفيف ضربته على ظهر كفه بخفه : اقول شيل يدك بس
ناظرها محمد بنص عين : قدها؟
رفيف قلبت عيونها له وهي تحط الكوكيز بالصحن : قدها
محمد اخذ المكنسه وركضت حول طاولة الطعام اللي بالمطبخ : محمد من جدك؟
ضحك بعلو : قدها هاه؟
رفيف تاففت : ملااك ساعديني
ملاك اللي تصورهم وتضحك : عشقي كملو تكفون
محمد بدا يركض وهي تركض وهم يدورون حول الطاوله وبحركه سريعه من محمد عكس اتجاه دورانه للعكس ورفيف مو منتبهه وهي تركض بخوف
وصقعة بصدره وتأوهت بألم تتراجع بخفه : حشى مو جسم ذا جدار!
ضحك بعلو يمسك بطنه من شكلها : قولي ماشاءالله
كشرت تصد للكوكيز : لا مابقول تبيني اصدم فيه مره ثانيه وهو قوي؟
خرجت ملاك تشوف الاهل
رفع محمد حاجبه بابتسامه : يعني ناويه تصدمين مره ثانيه؟
ناظرته بذهول : محمد اذلف !
ضحك يخرج وخرجت خلفه بالكوكيز
وملاك اعتذرت تصعد تنام
اليوم التالي الصباح الساعه ٧:٤٥
لمياء بتافف : اخلصي يلا
ملاك وهي تسكر عبايتها : خلصت خلصت خذي المفتاح وشغلي السياره لاحقتك
اخذت لمياء المفتاح تخرج وتركب السياره تشغلها
دقايق قليله ودخلت ملاك تركب
لمياء : حركي حركي تاخرت
ملاك بضحكه : يوووه من زمان عن ذا العجله
وحركت السياره تتوجه خارج القصر
لمياء شغلت المسجل وبدو يدندنون وصلت ملاك
لمياء طفت المسجل : شرايك تقعدين معي بشغلي اليوم؟
ملاك : كيف؟
لمياء : تكفين تعالي اطفش تعالي بس اليوم
ملاك : بلبق سيارتي اجل واجيك
هزت راسها لمياء ونزلت وحركت ملاك تركن سيارتها بالمواقف فيها النوم وتعبانه لكن ماودها ترد لمياء ونزلت تتوجه لعيادة الاسنان وجلست مع لمياء نصف ساعه
واردفت لمياء من جاها مريض: اسمعي روحي اجلسي بالاستقبال عند ديما تعرفك من كثر مااسولف عنك عندها اخلص هذا واناديك لان ممنوع
كشرت ملاك وهي توقف : لو اني داريه ماجيت يالسحبه
ضحكت لمياء وخرجت ملاك تجلس بجانب ديما وتعرفت عليهت ديما
زياد
وقف عند بيت صديقه وخرج داحم يسكر الباب والزجاجه معه
وخرج يركب بجانب زياد : يلا امش
حرك زياد متوجه للمستشفى عشان يحللون الد.م ويعرفون من الشخص اللي كسر الزجاج
صقر
وقف عند مدرستة مهند وهمس : يلا اخرج
شهق مهند من لمح يد صقر : ورع! وش ذا؟
ناظر صقر الجرح ووسع عيونه من شكله اللي صار ملون ورطب
مهند : من وش؟
صقر بارتباك : امس بالمكتب الباب حديد وسكر على يدي
مهند : تستهبل ؟ هذا قطع!
صقر بتصريفه : اي اي انزل الحين لاتتاخر وتحطها براسي
مهند : والله ماانزل لين توعدني تروح المستشفى تشيك عليه
صقر تنهد يصد : بروح يامهند بروح انت اذلف بس
ضحك مهند ونزل من السياره وتوجه صقر للمستشفى
وقف زياد ينزل من سيارته وداحم بجانبه وتوجهو للاستقبال
كانت تسولف ومندمجه مع سوالف ديما : اي كملي عطيني فضايح لمياء
ضحكت ديما : حتى انها تخيلي خلت مريض يبلع سنه وتقول بالغلط
انفرطت ضحك ملاك من شافت مقطع لمياء وهي تبرر للمدير وهي خايفه
النجمه...
