زياد ببرود : لا ماافهم وانا خطيبك احترميني
صفقته كف بقوه من بروده وتكلمت بعلو صوتها : مريض انت مريض؟ انقلع ولو اشوفك متدخل بحياتي مره ثانيه ماتشوف خير
وتجاهلت خوالها وامها ولمياء اللي يسئلون ونزلو يجلسون ولمياء واقفه تشوفهم
لف سعد يناظر زياد : فصلتها من شغلها؟ زياد انت بعقلك؟ تدري انها تحب شغلها وانها جاهدت عشان ذا الوظيفه وماتشوف حماسها اذا جلست معنا وسهرها وتجي تفصلها بيوم وليله ؟ زياد اصحى يالمريض
هز راسه بتسليك : خلصت؟
تنهد سعد بقل حيله واكمل زياد : برجع ارقد
سكر الباب ولف على لمياء واردف : شفيك؟
لمياء بتوتر : اءء مافيه شي راجعه للغرفه انا
هز راسه ودخلت غرفتها تنسدح
اما ملاك
دخلت تفسخ حجابها وتدعي على زياد وفسخت عبايتها وغيرت ملابسها ونامت
اليوم التالي
طقت لمياء الباب على ملاك : بنت اصحي
فتحت الباب ملاك واردفت بنعاس : هلا
لمياء ميلت راسها : ماراح توديني ؟ ماعاد تبيني؟
ضحكت ملاك بخفه : شدعوه بس ماعندي شغل
لمياء : يعني اصير اروح وارجع وحدي؟
ملاك دخلت تفرش اسنانها وتطلع ملابس وتسمع سوالف لمياء اللي تحبها
ودخلت الحمام تسكر الباب تقطع سالفة لمياء
لمياء شهقت : قطعتي سالفتي يالبجيحه
خلصت ملاك وطلعت تضحك : كملي كملي اسمعك والله
ابتسمت لمياء تكمل ولبست ملاك عبايتها وحطت بلاشر وقلوس وخرجت مع لمياء ونزلو من الدرج وشافوهم يفطرون وتجاهلتهم ملاك تخرج واعتذرت لمياء وخرجت خلف ملاك وركبو السياره
لمياء : ليه طلعتي بدون سلام ولا اعتذار ولا شي؟
لفت عليها ملاك : ذولا يستاهلون اصلا،؟ خليهم بس
مشت تحرك سيارتها تاخذ لهم فطور ونزلت ملاك لمياء تحت انظار صقر اللي كان واقف عند المستشفى ينتظرهم
وحركت سيارتها تنزل عند البحر وجلست تكمل اكلها وتشرب مشروبها وتناظر للبحر تهوجس ونزل من سيارته يجلس بجانبها ومانتبهت عليه واردف بهدوء: ماعلمتيني ؟
لفت عليه تستغرب : صقر؟
لف عليها : ماعلمتيني ليه استقلتي؟
تنهدت بقل حيله : ظروف
صقر : مابترجعين؟
ملاك ابتسمت تناظر للبحر : ليه ارجع قدمت وخلصت ماعاد فيه شي يربطني بالشغل
ابتسم من ابتسامتها العذبه وهمس : ندور شغل ثاني؟
لفت عليه تستغرب اهتمامه : ليه؟
صد صقر يناظر للبحر : يعني لو انك تبين نتوظف سوا مره ثانيه؟
ابتسمت : شكرا , تم خلاص اذا لقيت شي حلو علمني واذا لقيت شي انا بعلمك
هز راسه : يعني تبين الشغل انتي؟
صدت تناظر البحر وتجمعت دموعها بمحاجرها من تذكرت زياد اللي فصلها عن شغلها الاحب : ابيه
ناظرها يسئلها وهو عارف الاجابه بس يبي يسمعها منها : ليه طلعتي اجل ؟
ملاك لفت عليه واردفت : ليه تهتم؟
ناظر صقر عيونها وهمس : بهتم بهتم لاني كنت مديرك وكان لي نصيب من الوظفيه اللي عاجبتني
صدت تبتسم
ولفت عليه و هزت راسها تبتسم وتنفض يدينها من الاكل ووقفت : شكرا صقر ماتقصر
ابتسم يوقف : العفو عطيني رقمك عشان اذا لقينا شغل
هزت راسها تمليه رقمها ومشت تركب سيارتها تتوجه للقصر ودخلت تبوس راس امها وتجاهلت الكل ومشت لغرفتها تبكي وهمست : كان يرحب فيني ويحبني ويعزني الحين بسبب سوء فهم مايسوي شي؟ اخخخ
