دخل صقر بهدوء يشوفها منسدحه على السرير ومهلوكه
وعيونها ناعسه من التعب ولمحته واخذت طرحتها بيدها تغطي شعرها بشكل فوضوي
صقر : ملاك؟ وش صار؟
ناظرته تبتسم بدموع : شكرا
ناظرها يميل راسه : على؟
نزلت راسها تنزل دموعها وتتساقط : على كل شي ماكنت بعيش لو ماكنت موجود
رفعت راسها تشوف نظراته : شكرا لو اقدر اجيب لك كلمة شكرآ الموفيه حقك من السماء بجيبها لك ركض ومابتردد ولو اقدر ارد جمايلك وانا اشتغل عليها ليل ونهار مابخلصها بيوم وليله
صدت تبتسم بخفه ودموعها تنهمر : تمنيت عندي اخو ويسوي اللي تسويه
لفت تناظره ولعيونه بالضبط : بس جاني اخ فعلا
بردت ملامحه من كلمة اخ وناظر لعيونها ثواني ونطق : بس انا مو اخ
عقدت حجاجها تناظر عيونه
وتنهد صقر يصد بنظراته ماوده يبوح لها بشي حاليا لكن نطق مبتسم : لحسن الحظ ان فيه كاميرات ومعي اوراق تدل على انه متعاطي
لف يناظرها ويشوف نظرات الاستغراب واردف بابتسامه : من اليوم ياملاك من اليوم اعتبري زياد مو خطيبك
ابتسمت بوسع ثغرها تناظره وضحكت بخفه : وش بتسوي؟
ناظر ابتسامتها وابتسم : ماودك تفتكين منه؟
ناظرته واردفت بابتسامه : هذا الود ودي
هز راسه يبتسم : الموضوع علي
لف بنظره المغذي : خلص بنادي الدكتوره واجيك تمام؟
هزت راسها ومشى لدكتوره
وبعد ثواني دخلت الدكتوره وفكت المغذي : الحمدالله على السلامه
ابتسمت تهز راسها
ومشى صقر ومشت خلفه وركب السياره وركبت خلفه وتوجه للبنك ووقف ونزلت تسكر الباب وهو واقف يناظرها وتوجهت لسيارتها وفتحت الباب وقبل تدخل ناظرته وشافت نظراته وابتسمت تهز راسها
وابتسم بخفه وهمس : صدق ان الابتسامه تليق عليك ياويل حال من شافك تبتسمين
وركبت سيارتها تشغلها ومشت تتوجه للقصر وحرك هو لبيته وجاه اتصال من مهند ورد : هلا مهند شصار؟
رد بضحكه : مرسل ذا الهطف ياخذني للمستشفى؟
جمد وجه صقر : زياد؟
ابتسم زياد : ماغيره , مابي اطول في الحكي معك يومين حلو؟ يومين ان ماتركتنا انا وملاك برسل لك لوكيشين المقبره اللي بقبر فيها اخوك
صقر رجفت كل خليه بجسمه : وينك؟
ضحك زياد بعلو وهو يناظر مهند المربوط فاقد الوعي : غبي انا اعلمك وين انا؟ اقول اذلف بس عطيتك كلمتي ولو تقرب مني اتصال واحد ينهي حياة اخوك حوله خمس حراس ولو تقربني اتصال واحد بس ومايضر يعني
شد صقر على قبضة يده : يابن**** اترك اخوي شدخله الحين شدخله؟
ابتسم زياد : قربت من اللي احبها بقرب من اللي تحبه مفهوم؟ المهم وصلك العلم يومين ان ماشفتك بعدت عن ملاك لوكيشن مقبرة اخوك بيوصلك
وقفل في وجهه ومسح صقر على وجهه بغضب وضرب دركسون السياره بقوه وهمس : الله ياخذك الله ياخذك ياصقر يوم وديته اوف اوف
نزل من السياره يختنق ومشى يدخل البيت وسكر الباب خلفه وارسل للعسكري حق البنك : ارسل لي تسجيل الكاميرا بعد الساعه ١٢ ضروري
رد العكسري بنفس الثانيه : ابشر
توجه العسكري ياخذ التسجيل ويرسله لصقر
وشافه صقر وتنهد يعيد المشهد كل شوي وغفى بدون يحس
