- واحد بيمد أيده على مراته ولما تسأله عملت كده ليه
فيقولك هي اللي استفزتني
مكنتش في وعيي
ومقدرتش أمسك نفسي
- الحقيقة إن مديرك بيستفزك كل يوم وأحيانا بيمرمطك لكن انت مش بتمد أيدك عليه ولا حتى عمرك فكرت وبتفضل "دايما في وعيك".
- الحقيقة إن العميل اللي بيتعامل معاك (customer) بيطلع عينك وبتفضل صابر عليه وعلى رخامته .. بس ابنك لما بيعمل حبة شقاوة بتديله على وشه عشان "نرفزك وخرجك عن شعورك".
- الموضوع مش موضوع تحكم في اعصابك ووعيك لأنك لو عايز تتحكم في نفسك هتعمل ده بدليل انك بتتحكم في نفسك ووعيك قدام مديرك وقدام ال customer اللي ممكن يشتكيك ويخصم مرتبك وممكن كمان يكون السبب في فصلك من شغلك.
- الفرق بين مديرك وبين زوجتك ، و بين ال customer وبين ابنك هو الخسة والندالة في تعاملك مع طرف ضعيف مقارنة بتعاملك مع طرف أقوى منك.
- لاحظوا دايما المجتمعات الخسيسة زي اللي احنا عايشين فيها هتلاقيها دايما بتتعامل بمبدأ انتقائي في العقاب على حسب قوة أو ضعف الطرف المدان.
بالتالي مش غريبة فئات زي المرأة والأطفال يواجهوا اللي بيواجهوه بصفة مستمرة في مجتمعنا..
