أحببت صعيدي ( نجمة الليل )

الفصل الأول

في فيلا في أحد الأحياء الراقية

كان صوت من بها عالي لدرجة أن الحي كله استمع له

_: انا نجمة سندريلا وملكة جمال الدفعة اتجوز فلاح يع وكمان مش متعلم

يعقوب والد نجمة بقسوة : اه فلاح إذا كان عجبك علي الأقل يربيكي من اول وجديد وتبطلي القرف اللي انتي بتعمليه كل يوم شرب وسهر لآخر الليل

_: ويعلمك الآدب والأخلاق اللي امك فشلت تعلمهولك انا غلطان انِ سبتك تروحي امريكا مع امك لما طلقتها وانا عارف اسلوبها وطريقتها بس ان شاء الله هصلح غلطتي وكتب كتابك على ابن عمك الفلاح الصعيدي اللي مش متعلم زي ما بتقولي يوم الخميس الجاي

_: بابي استني اقف لسه مخلصتش كلامي داااادي

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

_: انت بتقول ايه يا بوي عايزني انا ليل سلطان كبير عيلة السلاطنة وجبير الصعيد اتچوز واحدة من البندر

_: اهل البندر معندهمش خشا ولا حيا ومستحيل اتچوز واحدة منيهم

_: يا ولدي بت اخوي عيارها فلت وبچت سهر وشرب وصحاب السوء واكلين عجلها ومفيش حد غيرك هيقدر يشكمها ويرچعها للطريق المستقيم

_: يا بوي كلمتك سيف عليا بس إلا بت البندر ما قدرش اتچوزها

قادر بتمثيل التعب وزعل : خلاص يا ولدي اعمل اللي يريحك واني خلاص هرچع في كلمتي ووعدي لخوي وهچوله انك مش رايدها و ....

ليل وهو يقبل يده و رأسه بحب : خلاص يا بوي حقك عليا لا عاش ولا كان اللي ينزل كلمتك الأرض وكتب الكتاب زي ما متحدد

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

_: انا هتجنن يا دانة ازاي واحدة بجمالي وشياكتي اتجوز واحد ملهوش لازمة زي ده وكمان مش متعلم يع

دانة من داخلها شعرت بالفرحة وشعرت أن الدنيا لا تسعها

دانة بغضب مصطنع : ازاي ازاي تتجوزي واحد مش من مستواكي ولا من مقامك احنا لازم نلاقي حل للمهزلة دي قبل ما تحصل

_: يا بيبي ما أنا مش لاقية حل حاسة أن My brain stopped ومش عارفة افكر

دانة بخبث : انا عندي الحل

_: وايه هو

_: مودي

نجمة بصدمة واشمئزاز : وااات بتهزري ملقتيش غيره يبقي الحل وهو ده بقي هيساعدني ازاي

_: اسمعيني بص وخليكي مركزي وانا هجب لك الحل من الآخر

علا بغضب من دانة : دانة اسكتي وما تسمميش دماغ نجمة اكتر من كده انتي واحدة خبيثة وبتحقدي عليها

نجمة بغضب : علا ايه اللي انتي بتقوليه ده دانة صاحبتنا من زمان وبتحبلنا الخير وعمرها ما كانت كده