أحببت صعيدي ( نجمة الليل )

الفصل السابع

بعد يومين

كان ليل يعامل نجمة كأنها ملكة متوجه ولكن ذلك لم ينل إعجاب نجمة بل جعلها اكثر كرها له

نجمة بصراخ وهي تمسك شعرها وتشده بقسوة

_: يااااا زفت بطل تمشي ورايا احنا في الفيلا مش في مكان غريب ابعد بقي انا زهقت منك انت عايز مني ايه بقي لك يومين مش علي بعضك وبقيت Sticky اووي

ليل بحب : نجمة حبيبتي انا عايز راحتك انتي لسه تعبانة واخاف تتعبي وانا مش ملاحظ

_:لا متخافش وابعد عني بقي انا عارفة ان ورا تصرفاتك دي حاجة ما انا مش stupid عشان اصدقك ياللي مكنتش بطيقيني لحقت تحبني امتي اصلا

_: أنا.....

_: من غير كلام كتير انا راحة الجامعة بقي لي فترة مرحتش بسببك سلام

امسكها ليل من ذراعها بسرعة قبل ان ترحل : استني يا نجمتي هوصلك

_: بس...

ليل بحدة : من غير بس هوصلك لحد باب الجامعة واطمن عليكي وبعدين همشي

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

بعد نصف ساعة

وقفت السيارة امام بوابة الجامعة وقبل ان تهبط نجمة من السيارة ظل ليل يوصيها بالعديد من الوصايا

_: وما تتكلميش مع حد و....

_: خلاص بقي يا زين صدعت ايه ده انا مش راحة أحارب يعني

ليل بحب وهو يمسد علي وجنتها : احلي زين اسمعها في حياتي يا ناس بحبك موت يا نجمتي

ابعدت نجمة يده بسرعة بقسوة واردفت بسخرية : طب روح من هنا شوف هتعمل ايه يا جوز الثلاثة

ليل بضحكة رجولية اخده للانفاس : ههههه محبتش في حياتي غيرك يا نجمتي مع انك الثالثة في حياتي

_: مش بقولك sticky يععع كلامك مقرف وملزق اووي

أنهت حديثها ثم تركته حتي تتدلف لمحاضراتها

وهنا وفي تلك اللحظة عادت شخصية ليل الحقيقة التي يملؤها القسوة والجبروت

_: شكلك مش هتقعي بسهولة يا نجمة الكلب بس هتشوفي الفلاح هيعمل فيكي ايه لما يكسرك

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

بعد فترة طويلة في كافتيريا الجامعة

رأت نجمة دانة تجلس بمفردها وهي تعطي لها ظهرها لذلك لم تلاحظها ذهبت نجمة تجاهها بخطوات شبه راكضة

وضعت نجمة يديها علي أعين دانة واردفت بمرح : بخخ

_: اعععععع نجمة كنتي فين كل ده وحشتيني كده متتصليش بيا كل ده انا زعلانة منك جامد

احتضنتها نجمة بقوة وهي تكاد ان تجلسها داخل قلبها من شدة حبها لها فهي صديقة عمرها هي وعلا