أحببت صعيدي ( نجمة الليل )

الفصل الحادي عشر

في كافيه بجانب الجامعة

كانتا علا و دانة تجلسين وتتسامران عن ما حدث في آخر فترة في حياتهم عندما كانا لا يتحدثان

_: من الكلية للبيت ومن البيت للكلية محصلش حاجة جديدة

دانة بغيرة : و نجمة

_: مالها زفتة

_: مقبلتهاش او حاجة

_: لا ومش عايزة اقابلها دي واحدة متتعشرش وبجد ندمانة انِ مسمعتش كلامك من الأول حقك عليا يا دانة انِ قطعت معاكي بسبب واحدة زي دي

_: متفهماكي يا علا وعارفة انك مصدومة فيها بس هي دي حقيقتها

أكملت مردفة بتساؤل : بس هي عملتلك ايه لكل ده

علا بغضب : قولي معملتش ايه دي عملت كل حاجة وحشة فيا وبجد مش عايزة افتكر

_: خلاص اهدي يا معلم ومتتعصبش لما تروقي ابقي احكي لي

_: وانتي اياكي تكوني بتكلميها

دانة بسخرية وحقد : هههه اكلم مين يا بنتي انا مكلمتهاش غير كام مرة بس من ساعة ما اتجوزت والصراحة انا مبسوطة انها متعذبة دلوقتي ومش طايقة جوزها الفلاح

أكملت قائلة بتهور : ده انا قولتلها تعمل نفسها بتحبه عشان تدبس فيه وتحمل وهو مش هيسيبها ساعتها وهي من غبائها صدقتني وكانت بتحسب انِ عايزة مصلحتها بس انا مش بحبها وبكرها واطيق العمي ولا اطيقها

_: وهي عملتلك ايه عشان تعملي كده

_: دايما عاملة نفسها احسن مننا ومتكبرة علي الفاضي

_: حتي بعد كل سنين صحوبيتنا من وقت ما كنا صغيرين لحد ما هي سفرت برا ورجعت انتي بردوه مش بتحبيها

_: اه ولا عمري هحبها انتي بس اللي بحبها زي اختي واكتر

_: متأكدة

دانة بتعجب : اه متأكدة بس انتي بتسألي كل ده ليه

علا بصوت عالي : سمعتي كل حاجة دلوقتي وصدقتي

نجمة بكسرة وعدم تصديق : اه صدقت وشوفت بعينيا وسمعت محدش قالي

أكملت مردفة بقسوة : انتي بجد ازبل بني آدمه شوفتها في حياتي انتي غلطة عمري الوحيدة

دانة بصدمة : بقي انتي يا علا تعملي فيا انا كده يعني كل كلامك ده مش حقيقي

علا بسخرية : طبعا يا دندون هو حد يصاحب واحدة خبيثة وكدابة زيك

قاطعتها نجمة بصوت عالي جعل جميع من في الكافيه ينتبه لهم : كلكم كدابين وكدبتم عليا مفيش حد فيكم حبني بجد كلكم بتحبوا تستغفلوني وانا زي الهبلة بمشي وراكم هو انا عيلة صغيرة ولا مجنونة ولا ايه عشان اصدق كلام كل واحد فيكم انتي وبابا اكتر ناس بحبهم هم اللي بيأذوني الوحيدة اللي كانة عايزة مصلحتي بجد هي علا