أحببت صعيدي ( نجمة الليل )

الفصل العاشر

ابتسمت نجمة ابتسامة واسعة واحتضنت كل واحدة منهم بقوة وسعادة كبيرة جعلت ليل ينصدم مما يراه فهي خالفت جميع توقعاته

_: اهلا يا ميسون اهلا يا مفيدة من النهاردة احنا الثلاثة اخوات وانا اختكم الصغيرة فخلوا بالكم عليا يا حلويين اه صح اتغديتوا ولا لسه انا متغدتش وجعانة جدا يلا ناكل سوا

ليل بداخله بقلة حيلة وسخرية : اخر حاجة ممكن تيجي علي البال والله ها دي نجمة وهتفضل طول عمرها نجمة ومش هتتغير

نجمة بخبث كبير : زيني حبيبي سرحان في إيه يا بيبي مش هتتغدا معانا ولا ايه يا قلبي حصل حاجة

ليل بالصعيدي : ما حوصلش حاجة يا نجمة متجلجيش بفكر في الشغل مش اكتر كنتي بتجولي حاجة

_: بقولك يلا نتغدا سوا

_: تمام بس لما ابوي والست الكل ينزلوا الأول وسما تيجي من جامعتها اتوحشتها قوي ماخبرش هي اتأخرت كل الوجت ده ليه

_: زمانها جاية متقلقش

اثناء حديثها صدع صوت هاتف ليل عدة مرات حتي أجاب ليل علي هاتفه

_: الو يا عادل في حاجة عمال ترن ترن حاجة حوصلت

_: ليل سما اتخطفت من قدام الكلية

فتح ليل مكبر الصوت بصدمة وغضب كبيران وهو يتحدث بالمصري : انت بتقول ايه يا سفيان انت اتجننت اومال انا مخليك تراقبها لييه هااا انطق بقي اخت ليل سلطان كبير الصعيد تتخطف بسهولة كده وانت كنت فين يا افندي

_: يا ليل من غير كلام كتير انا اتصلت بالبوليس وزمانهم علي وصول فهبعت لك اللوكيشن علي الواتس تعال لي بسررعة متتاخرش حياة سما في خطر ولازم نلحقها في أقرب وقت وخلي عصبيتك دي بعد ما نلحقها

نظرت له نجمة بصدمة وهي تربط الخيوط ببعضها وهنا فقط علمت انه تم خداعها واصبحت اكبر مغفلة

_: انا عايز يبقي المكان محاصر بالقوات فاهم يا حضرة الضابط لو اختي حصلها حاجة مش هيكفيني بلد

اغلق ليل بسرعة الهاتف ولم يعطه مجال للحديث جاء ان يذهب امسكته نجمة من يده بغضب

_: بقي انا اتغفلت منك انت وبابا لا بجد برافو

ابعد ليل يدها عنه بقسوة وغضب حتي كاد معصمها ان ينكسر : اه واحب اقولك بقي يا حلوة انا ليل مش زين ومعنديش اصلا اخوات بالاسم ده ولو حاولتي تعملي حاجة او تهربي يا نجمة لهدفنك حية ومش هتاخدي في أيدي ثانيتين فااااهمة ولا لا غوووري من وشي انا مش فاااضي لك

تركها وغادر الفيلا مسرعا وهي ظلت واقفة مكانها ترتعش من قسوته التي تراها للمرة الأولي ويبدو ان ايامها القادمة ستكون مطعمة باللون الأسود

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

_: آنسه علا

_: نعم يا دكتور