••• ආශාවරී •••

3•

මාස ගනනකට පසුව සුව නින්දක්... තරමෙක අඳුරු කාමරයෙ සිවිලිම දෙස බලා උමාල් කල්පනා කලේය... ලොව කොහේ හිටියත් ආපහු අම්මා අප්පච්චි ළඟ ඉන්නවා කියලා දැනෙන හැඟීමට සැබැවින්ම උමාල් ප්‍රේම කලේය... එය තරම් ආද්‍යාත්මික සුවයක් ඔහුට නොවීය.

ලංකාවෙ වෙලාවෙන් පාන්දර 2.30 විතර නිවසට පැමිණි උමාල් තම පියා සමඟ කතා කොට සයනයට වැටුනේ ලෝකයේ සියලුම දේවල් මදකට අමතක කොටය... දියණිය තම මව හා රඳවාගන්නා බව පැවසීමද උමාල්ට තරමෙක සැනසීමක් විය.

ජනේලයේ තිර රෙදි අතරින් යන්තමින් වැටෙන ආලෝකය උදෑසන වී ඇති බවට ඔහුට සාක්ශි සැපයුවේය... අතපත ගා සොයා ගත් දුරකතන තිරය දෙස බැලූ උමාල් තිගැස්සි ඇඳෙන් බිමට පැන කාමරයෙන් එළියට ගියේය...

එම නිවසට උමාල් කිසිදිනෙක පැමිණ නැත... ඔහුට සුපුරුදු නුවර ගෙදර පමණක් වුවද.. කාමරයෙන් පිටත ගෙදරක හැඟීම මැනවින් ඉස්මතු කර පෙන්වන අයුරින් නඩත්තු කර ඇත.
උඩ තට්ටුවේ සිට පහල බැලූ උමාල්ගේ දෙනෙත ක්ශණයකින් හින් කඳුලු පටලයකින් වැසී ගියේය..

කේශාලි වත්සලා බ්‍රාහ්මණ ගජධීර...

එ උමාල් තේශිත බ්‍රාහ්මණ ගජධීරගේ ප්‍රාණයයි... තෙමස් වියැති සිඟිති බිලිඳිය බිම එලු කුශන් වලින් වට වූ ළඳරු මෙට්ටයක් මත හාන්සි වී තමා දුරකතනයෙන් පමණක් අඳුරා සිටි ආත්තම්මා හා සීයා තාත්තා සමඟ ඉස්පාසුවක් නොමැති කතාවකය...

මෙ දෙස බලා සිටි උමාල්ට සැබවින්ම ආදරණීය කැඳැල්ලක උනුසුම කෙසේද යන්න තරමක අවබෝධයක් ලැබුනේය..

" අපෙ නෝනේ..... කෙලි පොඩ්ඩ අපෙ පුතා වගේමයි නේ... 4න් එකෙන් දැක්කට අදමනෙ දෙයියනේ මේ හුරතලේ ඇහැට දැක්කේ...