بسم الله نبدا الروايه 🤍🤍
في الصباح في بيت ابو وليد ..
صحي ماجد على صوت نوره الي تصحيه :ماجد قوم بسرعه بتاخر على المدرسه ودني وروح دوامك
ماجد :طيب روحي بتروش واجي
نوره :لا تتأخر
راحت وقام ماجد يتروش ونزل وشافهم يفطرون :صباح الخير باس راس ابوه و امه
ابووليد :صباح النور وش ذا النوم ؟
ماجد :معليش يبه راحت علي نومه
ابو وليد : افطر افطر الله يخلف علي قام وطلع
ام وليد شافته تعبان :ماجد يوجعك شي
ماجد :لا بس شوي صداع
جات نوره : اخلص ياماجد بتأخر
ماجد :ياصبر الارض يلا امشي
ام وليد :افطر يمه
ماجد :لا يمه مابي
ام وليد :الله يحفضكم
طلع ماجد و نوره
عند وليد ..
كان في المكتب ودق على سلمي
ردت سلمي
وليد :هلا ياروحي ؛كيفك
سلمي :بخير ياقلبي كيفك انت
وليد :بخير دامني سمعت هالصوت
سلمي :وليد
وليد : عيونه
سلمي : ابي اقول لك عن اخوك ماجد
وليد :شفيه ذا البزر
سلمي بكيد :احس يامصلح يجي اذا شافني في مول و يتعرض قدامي وخايفه منه
وليد بغضب :خير ذا الي مايستحي
سلمي :لاتسوي له شي مابي اخرب بينكم ؛اذا سوا شي او رقمني قلت لك زين ياعيوني ؟
وليد : طيب ياعيون وليد
سكرت وليد وصل حده من ماجد
سلمي ابي تخلص من ماجد الي يحبها وسوت ذا السيناريو .
عند ماجد ..
كان جالس في الدوام ودخل (سعود صديق ماجد من الصغر عمره ٢٤ )
سعود :ماجد وش تفكر فيه ؟!
ماجد :افكر في سلمي ؟!
(بقول لكم ليش الزين مايكمل سلمي تكلم ماجد و وليد بالجوال وهي تحب وليد بس ماجد تضيع وقت معاه وللاسف طاح ماجد في حبها ولا يدري ان ماجد يحبها )
سعود :خبل انت ،ماجد اعقل تري الي تكلمك بالجوال وما تحترم تربيت ابوها لها اتركها وش بلاك انت ماتفهم !
ماجد :وش اسوي ياخي احبها
سعود حبتك القراده انت وياها ،ترا هي اكيد تكلم غيرك .
ماجد :لا لا هي تحبني وانا احبها وخلاص ان شالله قريب بتزوجها
سعود :براحتك ،وش رايك نفطر ؟
ماجد :اي والله وقته وين تبي تروح ؟
سعود :تعال في محل فول و تميس بطل
ماجد :هذا حدك فول وتميس
سعود :احمد ربك على النعمه وبعدين المفروض تفرح لاني عازمك
ماجد :وين عازمني تري كلها فول و تميس بس معليه كثر خيرك
العصر في بيت ابو خالد
كانت ام خالد و خالد جالسين في الحوش
ام خالد :خالد انت الي متي بتقعد كذا ؟!
خالد :ليش وش فيني يمه
ام خالد :تزوج ابي اشوف عيالك
خالد : ومن اتزوج ؟
ام خالد : وش رايك في نوره بنت عمك ؟!
خالد :والله نوره ماعرفها ولا اعرف تصرفاتها انتي يمه تشوفينها مناسبه ؟!
ام خالد :اي مناسبه لك
خالد :اجل توكلنا على الله
ام خالد بفرح :يعني نخطبها
خالد بابتسامة:ايه
ام خالد :اجل اذا جا ابوك نقول له
خالد :زين
في بيت ابو وليد كانت ام وليد و ماجد و وليد جالسين جات الين :يمه شنطتي انقطعت ابي وحده جديده
ام وليد :وش قطعها
الين :الكتب ثقيله
وليد :هذي الرباده ولا الشنطة تو مالها الا شهر وانقطعت ؟!
الين :وليد شفيك انت بتوديني اشتري شنطه ولا تتدخل وليد :احترمي نفسك لاقوم اوريك وجهي الثاني ؟!
ماجد:من ذا الي عندن وجهين
الين :وليد
ماجد :الله وجه ثاني يعني عندك وجهين
وليد :ماجد والله لاقوم واوريك شغلك !
ماجد :خلاص انا بوديك
الين :الله لايحرمني منك اخوي الحلو
وليد :الحمدالله والشكر
الين :شفيك وليد ترا ماكلمتك
وليد :الين احترمي نفسك احس لك
ماجد :خلاص ياجماعه وانتي الين قومي البسي عبايتك وامشي ،يمه بتروحين معنا ؟
ام وليد :لاوالله يمه خالتك بتجي
ماجد :طيب ، وين نوره
الين :مشغوله بكتبها تقراء
ماجد روحي البسي عبايتك واسأليها بتروح معانا او لا ؟
وليد :خير يالحبيب بتأخذهم كلهم خذ هذي بس وش تبي في نوره
ماجد :يمكن محتاجه شي
وليد :محد مدلعهم غيرك انت
ماجد :وليد وراك ؟،بس تراهم خواتي واذا دلعتهم وش فيها انت اطلع منها بس
ام وليد :بس بعيال بس
طلع ماجد :ينتضر نوره و الين بعد شوي جاو
نوره شافته معصب :ماجد فيك شي
ماجد :لا يلا اركبوا ركبوا وراحوا السوق
