فالقاعه عند الرجال
جاو الرجال واخيرا جاء خالد مع ماجد
خالد :اوف تعبت من كثر ماحبيتهم لو اني جاي من بدري افضل
ماجد :لازم تسخن وراك شغل
ماجد :قذر طول عمرك ياحيوان
قعد ماجد يضحك وبعد ما انتهت صلاة العشاء بدو بالعرضه و الرقص وخالد علي اعصابه صح يتواصل مع نوره بس للحين يتوتر وينحرج
عند الحريم
كانت نوره متوتره وخايفه
صار وقت الزفه وزاد توترها لما قالو لها الحين بيجي
وجاء خالد وهو بعد متوتر دخل معه ابوه وابو وليد و ماجد وليد سلم خالد على امه وام وليد ووقف جنبها لما شافته واقف جنبها ،لما شافته واقف جنبها حست بدوخه
وزادت رجفتها ،وهي تسمع صوت ابوها و اخوانها يوصون خالد عليها وهو يقول :في عيوني
وطلعوا والتفت عليها لاشعوريا ابتسم وذكر الله عليها لما سمعته قال مشالله خافت حيل وفجاءه مسك يدها وقال
مبروك يا نوره
بالقوه تكلمت وقالت :الله يبارك فيك
جات ام خالد تقول ان صار وقت الزفه
طلعوا وخالد متوتر لان اول مرا يمسك يد بنت غريبه عنه نوره متوتره اكثر منه زفوهم وخلصوا وبعدها طلعوا للفندق ودخلوا الجناح
خالد :اذا تبين تبدلين بدلي على ماطلب العشاء
قامت تبدل وطلب خالد العشاء وجلس يبتسم ويتذكر شكلها وبعد شوي جات وجلسو و يتعشون وخالد مب قادر يشيل عيونه من عليها
خالد :نوره فيك نوم
خافت نوره بس قالت :لا
ابتسم خالد وجلس جنبها ومسك يدها :عادي اطلبك طلب
نوره بخوف وخجل :وشو
خالد :لاتجلسين خايفه كذا
نوره :ماني خايفه
ضحك خالد وهو يأشر على يدها :وهذا
انتبهت انها ترجف :لا بس توتر مو خوف
مسك يدها عشان تقوم معه :لاتتوترين من زوجك
انحبست انفاس نوره وهي تشوف خالد يقرب ،صارت زوجته رسمي
اليوم الثاني صحى ماجد وشاف الين جالسه بالحوش على المرجيحه
ماجد :صباح الخير
الين :صباح النور
جلس جنبها :اهخخخ والله ان لها فقده نوره
الين :اي والله صادق هي بالعاده اذا صحينا نلقاها جالسه هنا تقراء كتابها
شتت انضاره مايبي يبكي لانه يحب خواته حيل
الين :بتصيح شكلك هههههههههههههههههههههه
ماجد :اوو الين خلاص
الين :اسمع وش رايك نسوي الفطور للعايله الحين ؟
ماجد :والله صدق ،ونحطه هنا بالحوش الجو حلو
الين :اي يلا
راحوا المطبخ يسوون الفطور بعد ماجهزوا ونزلوا وافطروا سوا
فتح عيونه على صوت همس خفيف ،ابتسم وهو يشوفها تكلم امها انتبهت له وودعت امها وسكرت وابتسمت بخجل
خالد بابتسامه:صباح الخير
نوره بهمس :صباح النور
قام وتروش وبدل ملابسه وجلسوا يفطرون ،مو قادر يفطر وهو قاعد يتاملها :وين تبين شهر العسل !؟
نوره :ب كيفك
خالد :لاعاد اختاري معي
نوره بابتسامه خجل :عادي اي شي
خالد :طيب شرايك المالديف
نوره :تمام
خالد :زين بتكون طيارتنا الساعه 10الليل !
نوره باستغراب :مستعجل
خالد :لا ،العصر نزور اهلي و اهلك واليل نسافر
هزت راسها بالايجاب وهي مستغربه من استعجاله ماكنت تدري وش كثر خالد مغرم فيها ويبي يحلل كل شي من بدايه زواجهم
عند ماجد كان معزوم عند سلمان وبعض الشباب اللي من جيرانهم
سلمان :اعرفوا انا يرحم والديكم
فارس :وهو يمسك العود :اسمعوا الطرب
دق العود وبدا يغني :(يامرحبا يادهر قلبي ورجعانه )
والشباب مستانسين ويصفقون ويغنون معه ،اعتلت اصوات التصفيق لما خلص
سلمان :وش ذا الابداع
فارس بغرور :ماهو غريب علي
ماجد :ياشيخ غن وحده ثانيه صوتك ماينمل منه
كملوا عزف وغنا لين الفجر
في اليوم الثاني
صحى ماجد الضهر تروش ونزل شاف ابوه وامه وليد
اما الين وشريفه في المطبخ باي راس امه وابوه ؛صبحهم الله بالخير
ابو ماجد :ولين متا سهرانين ؟
ماجد :لين الفجر
وليد :ياسلام وش كنتو تسوون لين الفجر بعدين صليتوا الفجر ولا لا ؟
ماجد :وليد اطلع منها انت مالك دخل ؟
ابو وليد:احترم اخوك الكبير ياولد الضاهر اني مارقا اربيكم
ماجد :بس يبه هو تعدا حده
ام وليد:خلاص يكفي الولد توه صاحي بدال وماتهاوشونه انصحوه
وليد :يمه اذا قعد على ذا الحل بيدشر تلغينه بكرا يدخن ويشرب والعياذ بالله ماجد فقد صبره :وليد احترم نفسك تراك مصختها انا مادشرت وانا مراهق ادرس الحين ؟!
ابو وليد:اقطع الصوت اخوك ادرى بمصلحتك
ماجد :ادري بمصلحتي ماقلنا شي اما يقول ذا الكلام ماني ساكت له
ابو وليد:انطم انطم
قام ماجد يروح لغرفته ،وبعد شوي جاء الغداء الي مسوينه شريفه و الين
شريفه :وين ماجد
ام وليد:توه كان هنا
ابو وليد:ماتسمع امك انت روح ناده !
راحت شريفه ودقت باب الغرفه ودخلت :ماجد تعال الغداء
ماجد :مابي اطلع
شريفه :ليه وش فيك
ماجد :مافيني شي روحي
شريفه :ياخي تعال تغد تعبت انا والين وحنا نسوي واخر شي ماتاكل ؟
قام ماجد بعد اصرار وشريفه عليه
الين :هلا باخوي البطل ؛وش رايك بغداي انا وشريفه
ماجد :الله يستر بس لانتسمم
شريفه :اسمعوا اذا مو زين جاملونا
ابو ماجد :اجلسوا يلا
جلسوا وتعدوا وكل واحد راح لغرفته
اليل في المالديف كانت نوره منسدحه وخالد جنبها
خالد :فيك نوم
نوره :كان فيني بس الحين لا
خالد :اعتدل طيب نطلع نتمشي
نوره :تمام
بدلوا ملابسهم وطلعوا ،لاحس انها تفرك يدينها في بعض
خالد :بردانه
نوره :شوي
خالد :وش خانه حضني اجل ؟تعالي
ابتسمت بخجل وحست بيده تحاوطها ل حضنه وبوسته على راسها
خالد بهمس :ياجعلني مخلا
كان يزيد احراجها مع كل حركه او كلمه يقولها؟
اليوم الثاني كانوا متجمعين في الصاله يسولفون
ابو وليد:اجهز ياماجد بعد المغرب بنخطب لفيصل
ماجد :بتخطبون عند مين ؟
ابو وليد:عند ابو فارس بنته ليالي
بهتت ملامح ماجد ل ثواني :و وش
وليد :خير
ماجد :ما مالغيتو غيرها ؟!
وليد :ليش انشالله ؟
ماجد لاشعوريا :انا احبها
وليد بغضب :اقول احترم نفسك ؛تكذب علي على اي اساس مادري عن سوالفك ؟
ماجد :اي سوالف ليالي انا احبها من زمان
ابو وليد بغضب :اقطع الصوت وش الي تحبها
ماجد بلحضه غضب :يبه انا لي سنه اكلمها واحبها واخر شي يجي ذا ويتزوجها
ابو وليد:وش الي تكلمها يالي ماتستحي
ام ماجد : ماجد وش ذا الكلام
وقف ماجد بغضب :ماتاخذها لو على جث ماكمل كلمته الا من الكف الي جاه من ابو وليد:احترم نفسك ياقليل المروءه
وش توقعاتكم وليد باغي ياخذو ليالي ولا لا ؟
انتهى🤍🤍
