عند خالد في المستشفى الي قرر
انو يروح البيت يرتاح لان جلوسه في المستشفى ماله فايده وطلع من المستشفى وراح البيت وهاذي اول مره خالد يروح البيت من دون نوره راح غرفتهم واخذ شور وطلع ونام عشان يصحا العصر من بدري ويروح المستشفى من بدري ونسدح ونام بعد محاولات وافكار
"العصر في بيت خالد "
صحا بدري عشان يروح المستشفى قام واخذ شور ولبس ثوب ابيض وتعطر واخذ جواله واغراضه وطلع من البيت في الطريق دق جوال خالد رد
خالد :هلا يمه
ام خالد :وينك
خالد :هذاني رايح المستشفى
ام خالد :تمام يمه الله يحفضك
خالد :تبين شي يالغاليه
ام خالد :لا يمه بس ادق وشوف صحيت ولا لا
خالد :تمام
ام خالد :يلا يمه معسلامه
وصل خالد المستشفى وراح عند نوره جلس جنبها على
طرف السرير مرر يده على وجهها وقبل خدها رجع جلس ومسك يدها يتاملها ويمسح على ايدها اخذ يدها وقبلها مرا عليه هذا اليوم كانه سنه رفع يدها على خده ونزل دموعه اول مرا خالد تنزل دموعه:عجزت اصبر ماتعودت على فرقاك في غيبتك يانوره ماني صبور وقوي
حط يدها على صدره :مايوصلك صوت قلبي ماتشوفينه كيف مشتاق لك اي والله اشتقت لك كثيرررر نزلت دموعه
على خده:تكفين لاتطولين اكثر لاتطولين على روحك تري روحك تريها تعبت كثير بغيابك
مسح دموعه وطلع بعد ماخلصت الزياره
وتوجه الي الحضانه ايشوف بنته رودينا بعد ماشافها طلع وتوجه الي بيت اهله
"في بيت ابو خالد "
خالد:سلام عليك
الكل :وعليكم السلام
ام خالد :هلا يمه اخبارك
خالد :تمام
ابو خالد:كنت في المستشفى
خالد :اي يبه
ابو خالد:اخبار نوره
خالد :نفس وضعها
ام خالد :وخبار رودينا
خالد :تمام الحمدالله
ام خالد :الحمدالله
ام خالد :يمه خالد اكلت
خالد :مالي نفس يالغاليه
ام خالد :لا يمه لازم تاكل من امس لحد الحين ماقد اكلت
خالد :والله مالي نفس يالغاليه واذا ابي بقولك
ام خالد :تمام على راحتك يمه
خالد يلا يمه انا استاذنكم
ابو خالد :وين يبه بدري
خالد :والله بروح اريح شوي عشان بس تفتح الزياره اروح
ابو خالد :تمام بحفض الرحمان
"في بيت ابو وليد "
في الصاله
ام وليد :مشاري ابيك بكره توديني المستشفى اتطمن على بنتي وحفيدتي
ابو وليد :ابشري
ام وليد :تبشر بالجنة
الين :يمه الحين رودينا بتطلع ولا بتجلس في المستشفى لين تصحا امها
ام وليد :قالوا بيخلونها في الحضانه لين ماتطلع امها بسلامه
شريفه :الله يقومها بسلامه
الكل :امين
.
.
اسفين على القطعه ياحبااااني ،،قراءة ممتعه ❤️❤️
انتهى ✅
