عند ماجد الساعه 9 طلع
من الفندق وشاف جواله والاتصالات كثيره من امه و خواته اتصل على سلمان ووصله صوته :هلا ماجد
ماجد :هلا سلمان
سلمان :كيف وضعك
ماجد :قابلتها وقالت لي ..وكمل السالفه
سلمان بقهر : جعلها الجلطه بنت بليس ماتستحي
ماجد :وش اسوي قلبي يحبها وعقلي يكرها
سلمان :اول شي صور المحادثات كلها ؛ثاني شي عطها بلوك من كل الحسابات ،ثالث شي خذ رقم جديد ورسل كل المحادثات اخوها فارس
ماجد :ههههههههههههههههههههه ياخي انت وين تفكر اسمي باين في كل المحادثات تبيني افضح نفسي؟
سلمان :هذا الصدق ،ماجد انسها ولا تفكر فيها وهي ماتستاهل
ماجد :انشاءالله ،انت متا بترجع ؟
سلمان :بستقر هنا لين القى نقل للرياض
ماجد :طيب يلا معا السلامه
سلمان :معا سلامه ،انتبه لقلبك
سكر وشاف شريفه تتصل عليه رد عليه :هلا
شريفه :ماجد انت وينك خوفتنا عليك اول امي تعال بسرعه
ماجد :طيب يلا انا الحين جاي
ببيت ابو وليد كانوا جالسين يسولفون لين دخل ماجد
ام وليد:وين كنت يا ماجد
ماجد :وهو يبوس راسها :شغله خلصتها وجيت
نوره :ماستغبلتني
ماجد :ولو كيف تبينا نستغبلك ياستاذه نوره ؟
نوره :عادي استقبلني باي شي
ماجد :ينفع كتب جديده ؟
نوره :اي عادي ينفع
ام وليد:كيفك يمه الحين ؟
ماجد :الحمدالله
ام وليد:ماجد يمه اذا تعبان روح غرفتك ارتاح
قام وراح قرفته ودخل وسكر الباب ،حس بضيقه مب طبيعيه حس انه يبي يبكي ،جلس على السرير وصار يكرر انفاسه العميقه ودموعه تنزل ،شاف المصحف فوق الطاوله قام توضى وصلى ركعتين وبدا يقرا المصحف لين حس انه هدا شوي ،نزل المصحف ونام فوق سجادته
دخلت ام وليد القرفه بعد ما دقت الباب ولا سمعت رد ،شافته نايم فوق السجاده والمصحف جمبه ،ابتسمت ورفعت المصحف فوق الطاوله وصحته :ماجد
تحرك شوي وشافها قدامه :هلا يمه
ام وليد:قوم يمه صل الفجر
ما د :اوف الفجر ،كم لي نايم انا ؟
ام وليد:مدري متا نمت انت ؟
ماجد :من اول مادخلت القرفه
ام وليد:يلا يمه قوم صل
قامت وطلعت وقام يتوضى وصلى ونزل الحوش ،حس بشعور جميل وهو يشوف شروق الشمس وهمس بهدوء :انسى ياماجد والله انها ماتستاهلك ولا تستاهل ضيقك عليها تجاهلها ،بس كيف اتجاهلها وقلبي يحبها الله ياخذها
عارفه ان البارت مرا قصير بس انشالله اعوضكم 🥹🤍
انتهى🤍
