في بيت ابو وليد
رجع وليد و ابوه وقال ابو ماجد عن الملكه والعرس
ام وليد:اتركنا من ذا الموضوع الي يغث وين ماجد
وليد :يمه موضوع زواجي يغث
ام وليد:ايوه يغث دامك بتزوج بنت سلطان
ابو وليد:بس يامره
التفت على الين :دقيتي على اخوك
الين :ايوه بس مايرد
ابو وليد:لاحول ولا قوة الا بالله ،بتذبحوني انتو قامو وراحو لغرفهم الا ام ماجد جالسه في الصاله تبكي وتدعي ل ماجد
جات شريفه :يكفي يمه لاتبكين
ام وليد:كيف مابكي واخوك مختفي مادري هو بخير ولا صار له شي
شريفه :انشالله مافيه شي
ام وليد:قومي يمه روحي نامي
شريفه:طيب بس انتي اهدي ولا عد تبكين
باست راس امها وراحت غرفتها
الساعه 2عند ماجد فكر ولا لقى تفسير اللي قاعد يصير ،اخذ طريق للبيت دخل ودخل ولقى امه فالصاله ،فزت ام وليد:وينك يمه تأخرت
ماجد :جيت يمه
ام وليد:وين كنت
ماجد :قريب ،وين ابوي
ام وليد:نايم
ماجد جلس جمبها :خطبوا يمه ؟
ام وليد:ايه خطبوا والعرس والملكه والعرس بعد اسبوعين
عض شفايفه بقهر ويحس ان العبره تخنقه
ام وليد:يمه ليش متضايق وهي ماتستاهل
ماعد قدر ماجد يمسك نفسه حط راسه على صدر امه وصار يبكي ب قهر وده ان الارض تنشق و تبلعه
صح ام وليد انصدمت انه بكى بس كان ودها انه يسوي شي يريح قلبه وماقدرت الا انها تضمه وتسمي وتقراء عليه
الصباح في جناح خالد صحت نوره وسوت الفطور ل خالد وصحته
نوره :خالد يلا قوم بتتاخر على الدوام
خالد :طيب
تروش خالد وطلع للصاله وشاف نوره مسويه الفطور
خالد :صباح الخير
نوره :صباح النور
جلس بهدوء نوره :خالد عادي اطلب منك طلب
خالد :ام لو تبين عيوني
نوره :تسلم عيونك ،ابيك توديني لأهلي مشتاقه لهم
خالد :اشرب متي تبين اوديك
نوره :اذا رجعت من الدوام
خالد :على خشمي
في بيت ابو وليد
كانوا كلهم متجمعين على الفطور ماعد ماجد و ام ماجد
ابو وليد:وين امك يا الين
الين :عند ماجد
ابو وليد:وينه ماجد هو رجع
الين :اي رجع البارح
وليد :متا رجع
الين رجع الساعه 2
وليد :ماش يبه الولد ذا بدا يدشر
شريفه :مالك شغل فيه انشقل بنفسك
ابو وليد:بنت احترمي اخوك
قطع عليهم ماجد و ام ماجد نازلين
ماجد لمًا شافهم انقهر وحس انه وده يحرق البيت بلي فيه
الين هلا بامي الحلوه ،واخوي البطل
جلست ام وليد اما ماجد راح بيمشي
ام وليد:تعال افطر
ماجد :مالي نفس عوافي
ابو وليد :وليش مالك نفس
ماجد :مني مشتهي
وليد باستهزاء:هاء ذابحك الحب
ام وليد:وليد احترم نفسك ياقليل الادب
وليد :يمه ماقلت شي
ابو وليد:بس افطروا ونتو ساكتين
طلع ماجد ودق على ليالي
ليالي :خير ؟
ماجد :ابيك تقابليني في كوفي ال....
ليالي :ليش
ماجد :امشي خلصيني الان
ليالي :اوف طيب
في الكوفي كان ماجد ينتضر ليالي بعد شوي جات وجلسوا
ماجد :انتي موافقه على وليد
ليالي :اي ليش
ماجد :تحبينه
ليالي :اي احبه
ماجد :دامك تحبينه ليش تكلميني؟
ليالي:اضيع وقت معك بس ،وخلاص انا الحين زوجه اخوك يلا توكل قامت وراحت وتركت ماجد مكسور قلبه وراها دعا من كل قلبه عليها وعلى وليد ،طلع مو الكوفي وراح للفندق
"انتهي"🤍🤍
