ليالي الأصداف أو ليالي الصدف ، قصة بين أبطال كثار لي مختالفين شخصياتهم وأطباعهم ولا حتا حكايتهم ولكن حاجة وحدة لي كتجمعهم ولي هيا العنوان ، عنواننا هوا شيء الوحيد لي مخلي جميع هاد شخصيات يكونوا فرواية وحدة.
مرحبا بيكم فرواية أخرى مليئة بكثير من درام...
✍︎ رواية من تأليف والكتابات : أزوريتا | 𝐀𝐳𝐨𝐫𝐢𝐭𝐚 ☕︎
⚠︎ ممنوعة من إعادة نشر أو الإقتباس منها ⚠︎
_____________Part 001 _____________
▪︎ وسط أحد الڤيلات راقية وبالضبط فصالون كبير عصري لي كانوا مجموعين فيه خمسة شباب وهوما شادين فيديهم مشروبات غازية ولبعض منهم كيتمايل معا أنغام الموسيقى ، تحرك شخص منهم ومشا برك فوق لمسند تاع الأريكة بعدما طفا بيدوا الأغنية...
• ضاروا شافوا فيه جوج تاع العشاق لي كانوا كيشطحوا وهوما كيسولوه بعينيهم أش باغي يدير ، بتاسم بتسامة خفيفة ورجع شعروا الأشقر لور ونطق...
*** : عشاقنا تكايسوا علينا وحنا راه مليّينا ، إلى نتوما كتتوا ناشطين معا راسكم بجوج وعايشين الحياة حنا راه باقين سليباطير
• حول نظر تاعوا للبنت لي كانت متكية بظهرها على طابلة تاع الأكل وهيا شادة فيديها مشروب غازي ، خنزرت فيه بعينيها لخضرين لي كانوا بحكم ظلام مكيبانش لونهم الكامل ، كان شعرها الأسود جامعاه ذيل حصان ولابسة تيشورط فالأبيض معا سروال عريض فالأسود ، رجع شخص كيشوف فالولد لي كان معنق البنت من كتافها وفالولد ثاني لي واقف حداهم ونطق...
*** : خليونا نلعبوا شي لعبة نكسروا بيها هاد الملل
• نطق شاب ثاني وهوا مبتاسم وغادي لجيهتوا باش يبرك حداه ، كانوا ملامحوا هادئيين ، شعروا بني وعينيه فالأسود والجسم تاعوا رشيق...
*** : أنا عجباتني الفكرة [وقف حداه وهوا مسند الأريكة ونطق وهوا كيشوف فيهم] أش بان ليكم نتوما الفكرة زوينة ياكوا
• جر شاب البنت لي كان معنقها ومشا برك هوا وياها فوق الأريكة وشاف فيهم بجوج ورجع شاف فالبنت وهوا ناطق...
