ليان / ورما صعدنة اني وتوشا كالت تعبت اريد انزل ونزلت ورا ما لعبنة ونزلت دورت على توشا ماكو ياا وين راحت سئلت ماما كالت مادري رحت ادور واسئل وافجئة اسمع العالم تسولف تقول خطيه والله اجت سياره واخذتهم خطيه ما مسوين شي جانوا يعبرون من الشارع بس والله ما ادري ليش خطفوهم اخاف عندهم شيء الا عندها شيء يلة خطفوهن بس خطيه بس لا يكتلونهن لو نعرف وين اهلهم ليان اني سمعتهم هيج تخبلت جيت عليهم وافتهمت من عندهم السالفه حجالي التفاصيل عالسريع خابرت ابو توشه الو هلو عمو شلونك والله اسفه بس فدوه لا تعصب والله ما اعرف شلون ابدي شلون احجي لك
سهيل/ كولي خما بنتي بيها شي
ليان/ والله عمو ما ادري جنة نلعب بمدينه الالعاب وهي كالت دخت راح اروح اكعد يم ماما وراحت واني كملت لعب انا وبنات خالي وجيت عليها دورت ما لكيتها وهسه العالم تقول اجت سياره سوداة اخذت مره كبيره وبنيه وهسه گلبنا اربيل عليها ما لگيناها
سهيل /تخبل ولكم شلون بنيه تروح من ايديكم خليتها امانه يمكم انا صوجي دزيتها وياكم والله گلبي ما جان مطمئن هسه راح اجي
سارة/شكو سهيل احجي شكو بيها شي بنتي احجي راح اتخبل
سهيل/ ما اعرف وينها ضايعه ويدورون عليها صار لهم ساعه ماكو من البارحه بالليل وهسه يلا كالولي
ليان/ طبعا انا ما گلت لهم بالليل لان خفت من عدهم وكلت بلكي نلگاهة واحنا ما خلينا ما دورنا الساعه بالوحده بالليل واحنا نفتر ورجعنا للبيت وثاني يوم الصبح رحنا للشرطه وجوا اهلها بس للاسف ماكو هواي دورنا عليها ماكو مريومين واحنا باربيل وماكو احنا رجعنا لبغداد بس ابو توشا بقى باربيل كال ما ارجع اذا ما بنتي وياي هنايا امها تخبلت صارت شلون الخبله صارت تضرب بنفسها وتصيح اريد بنتي اريد بنتي واحنا نهدي بيها وانا اهدي بيها طبعن احنا لگينا تليفونها واگع بالشارع ومر اسبوع وتوشا ماكو وهنا ام توشا تخربطت حالتها اخذناها للمستشفى
توشا / هنا يتقرب علي وعيونة يخوفن يخزر بيهن يطگطگ برگبته جان يكول بصوت خلاني ارجف من الخوف
راهب / باعي ولج راح احجي الج كلمتين العصابه وين ساكنين تدليني على المكان وشنو شغلهم
توشا/ انتو شتردون مني ماعندي علم الله ياخذكم ان شاء الله والله اني ما مسويه شيء والله شنو ذنبي اني انتو مجرمين ما تخافون الله والله اذا ما تعوفوني هسه اصيح والم العالم عليكم
راهب /ههههاي ضحكتيني واني مالي خلك اضحك لو تصيحين من الباجر محد يسمعج بس احسن الج تسكتين وهسة كوليلي امج ويامن تشتغل
توشا /ولكمم والله مو ماما اني مو منا انتو شتردون مني عوفوني هسة ماما كلبهة نار علية فدوة عوفوني والله ممسوية شي
راهب /صرت عصبي نار لا هذيج تعترف ولا هاي صرت اطاكطك بركبتي وجبتهة براشد ولزمتهة من فكهة وصاك على سنوني باعي لج لا تلعبين وياية لحد هسة متعرفيني اني منو تحجين احسن الج
