توشا / فدوة باوع شنو مسوي بية والله ما انسالك هاذا المعروف ساعدني ارجوك
الولد / اششش كافي تتوسلين ما ظل وقت صعدي بس اذا طلعتي جذابة والله بيدي ارجعج تمام
توشا / تمام والله مو جذابة
الولد اسمة محمد / تمام يلة
توشا / بس وعدني ما تجذب علية انتة وتاخذني لغير مكان
محمد / ترا اني اخاف الله ومزوج تمام بس اذا درة الضابط اني اوكع بيهة يلة ستعجلي
توشا / صعدت كتلة بس احنة وين هسه
محمد / اووف شكد تلغين سدي حلگج شوية ترا اني متوتر خايف يدز احد للبيت وميلگوج ويلگوني غير يفصلني
توشا / تمام بس وصلني للسيارات اني اركب
محمد / تمام وصلتهة يم السيارت ونطيتهة 50الف روحي الله وياج وانشاءالله تلگين اهلج وتوصلين بل سلامة وهاا صح ترا انتي باربيل
توشا / شكرا شكرا والله ما انسالك هاذا المعروف راح واني قبل لا اصعد السوق مقابيلي صاير رحت شتريت عبا سودة ونقاب ولبستهم حتة محد يعرفني رحت صعدت بل تكسي يصيح بغداد لكيت مرة ولد ثنين واحد بل صدر ولاخ هوة ومرة ورة صعدت وره وهية بس فاتحة عيونهة علية اووف ياا رب ساعدني يارب بعدين كال وصلنة بغداد وين تنزلين كتلة شوي بعد كدام شوي ونزلت المرة ولد من يمي خفت لا ابقة اخير وحدة وبعد ما ينزلني كتلة نازل
انطيتة الكروة ضليت اتمشة كلش تعبت وعطشت رحت شتريت بطل مي وشربت بعدين
صعدت بكية وصلت الفرع مالتنة واني ما مصدكة
احس كل الي صار حلم شلون جنت اتعذب اختنكت من النقاب ذبيتة لئن وصلت الدربونة مالتنة واني دا امشي احس راح اوگع من التعب واني احجي وياا نفسي صيري قويااا لا توگعين واني ارفع وجهي واشوف حبيبي وحياتي وصحت بكل صوتي باباااااااا باباااااا ورحت اركض عليه وهوة اجة يركض ممصدك اجة حضني واني بعد ماحسيت بشي
سهيل / طبعن ورا ما دورت عليهة بكل مكان ورحت للمركز وقدمت شكوة انو بنتي مخطوفة كلولي اكو عصابة خطرة دا نحاول نلزمهم بس منكدر يغيرون مكانهم اكيد همة خطفو بنتك محد غيرهم هنا اني تخبلت لا لا مستحيل بنتي تموت وحيدتي تموت لا لا يارب خليهة الي يارب ضليت اسبوع واني باربيل وماكو اي خبر عنهة حالتي كلش تعبت وسارة هم كلش تعبت ومن القهر على بنتي نجلطت ونوب حرت بيهة وضليت بل مستشفى رايح جاي تقريبا شهر هيج واني وسارة حالتنا كلش تعبت ومنام ابد بس نفكر بيهة فد يوم طلعت
العصر اشم شويت هوة لئن كلش ختنگت طلعت ولئن اسمع حبيبت عمري وروحي تصيح بابا اي هاذا صوتهة اجيت اركض عليهة ما همني الناس الي بشارع كلهة صافنة باوعت عليهة شلون صاير بيهة معذبة وجهة مجروح وضعفانة وجهة صاير خريطة حضنتهة وابجي شو هاي وكعت بيدي شلتهة ورحت اصيح سارة تعاي بسرعة تعاي
