توشا / ما اعرف شلون طلعت مني هاي الكلمة
سهيل / شنو شنو كلتي عيدي مسمعت
هااا ب بابا اقصد يعني اني اني
احجي شنو انتي وكعتي كلبي
بابا شوف لا تعصب علية انتة جنت دائمن توكل احجيلي كلشي اني مثل صديقج مو صح
اي حبيبتي صح وهسة بعد اكلج اني صديقج مو ابوج
بابا اني ما اريدة ل علي اريد راهب
سهيل بصدمة / شنو بنتي انتي واعية دا تعرفين شنو دا تحجين
سارة / هلوو هاي شبيكم
تعاي سمعي بنتج شدا تخربط شنو فقتي الذاكرة لو شنو
سارة / شبيهة شنو تكول
ماما مكلت شي بس كلت ما اريدة لعلي وشسمة هاذا
اي حبيبتي لا تردي لعلي اصلن احنة كلنة الج بس بل اسم
علي / طبعن البارح امي فدمرة تخربطت ورحت عليهة وديتهة المستشفى طلع الضغط صاعد
رجعت للبيت وثاني يوم الصبح رحت على بيت سهيل دكيت الباب طلعت ام تقى
سلام عليكم
وعليكم السلام هلا تفضل فوت البيت بيتك
تسلمين خالة سهيل موجود
اي عيني موجود تفضل ادخل
اجيت واشوف تاليا وامها وابوها كاعدين سلمت عليهم
سهيل / تعال تفضل
زاد فضل عمي شلونج تاليا
تمام الحمدلله
سارة / اي سهيل شبيهة بنتي
والله بنتج دا تكول اريد راهب جنهة نست الصار ياهة بسببة
علي / اني اسمع ومصدوم معقول تريدة هية جانتة بس تسمع باسمة ترجف شنو هل حجي
بس ضليت ساكت واسمع
توشا / بابا شنو يعني اني اريدة
ولجج انتي شبيج تخبلتي نسيتي يعني البارحة راد يموتنة ويموتج ويجيب ويهدد وتالي انطيج
اكيد لا وكومي من خلقتي لا تخليني امد ايدي عليج
سارة / وجج ماما شنو منو لعب بعقلج وكلج اخذي هاا
لو سمعتي يهدد وتخافين اذا تخافين لا يسوي شي
معليج خليهة علينا واذا انتي صدك تحبي ساعتهة تختلف
علي / طبعن كلش عصبت شنو الي خلاهة تقبل بي معقولة مهددهة
تاليا باعي اذا تخافين تحجين لهلج اني عتبريني مثل صديقج
وتعالي احجي وياج
عمي تسمحلي احجي وياهة
احجي بلكي تفتح لئن اكيد هية مو بوعيهة دا تحجي
توشا / طبعن علي صاحني ورحت تفضل
باعي توشا شفتي لو حجة وياج مهددج كوليلي لا تخافين اني وياج
شكرا علي بس اني اريدة هوة لا هددني ولا شايفتة بعدين وين اشوفة اذا انتة وياي وياي
