توشا / بعد ما حسيت على نفسي وخرت منة وكتلة بخوف وشفايفي ريجفن من الخوف فدوة ابوس ايدك لا تضربني بعد ما بية اتحمل فدوة عوفني والله اني ما علية فدوة انن اني ممس ممسوية ش شي والله شنو تريد مني ليش تضربني هاا تقبل هسة واحد هيج يضرب اختك اني شو كلت هيج هجم علية وخنكني وصار يصيح
راهب /بعد ما وخرت كالت لا تضربني كلش نقهرت عليهة بس من جابت طاري اختي تخبلت شياطين كلهة التمت براسي خنگتهة اني اصيح بعصبية ولج لا تجيبين طاري اختي على السانج يا مجرمة ولجج اختييي الوحيدة انتو عمج الي عذبهة وخلاهة باب بيتي ولججج مشوهة شلون تريدين ما اضربج وانتي الي مربيج مجرم كولي يلة كولي
توشا / ضليت بصدمتي شلون عمي وشلون مجرم وكاتلين اختة معقولة صرت اضرب بنفسي واصيح بصوتي كلة ولكمممم مووو مجرمة والله مو مجرمة فتهموني والله ما اعرف عمي والله صدكني
راهب /لعد منو رباج هاا كولي
توشا / بابا غير وماما
راهب/تمام انطيني عنوانهم اكيد يندل مكان عمج اكيد يتعامل وياهم يلة
توشا /لا يا ربي شلون جفصت مستحيل انطي عنوان اهلي اكيد يموتون بابا هذولي مجرمين لا ما انطي عنوان اهلي تكتلوهم
راهب / ههههههاي يعني تريدين تموتين مو احجي باعي هاي مرت عمج راح اصعدهة للمحكمة وحتمال اعدام وانتي اذا مكلتي هم اصعدج محكمة واسجنج احسن كولي يلة
توشا / يمة واني اشوفة عيونة حمر يخوف يا ربي ساعدني خلصني منهم يارب ضليت ساكتة وارجف من الخوف
راهب / احجييي يلة احجييي متحجين مو تمام طلعت على دريت كتلة يضل يمهة راح اخذ هاي المرة واوديهة للمركز همة يشوفون شغلهم ورحت عليهة لكيتهة كاعدةهاا ولج ما تعترفين كومي خليت
الجنود ياخذوهة بل سيارة ورحت وياهم وصلت وخليت لنسوان يشوف شغلهن خلنهة بل سجن ورحت اني لشغلي كملت ورجعت للبيت انام كلش تعبت قبل لا انام فكرت بيهة كلت خطية ما عدهة ملابس صايرات وصخات اكيد هسة تريد تبدل ضليت افكر بيهة ما تروح من بالي الساعة ب 12 بليل واني منايم كلت خل اروح عليهة ركبت السيارة ماتي ورحت عليهة لكيت دريت مخلي كرسي يم الباب مالتهة وكاعد هاا دريت شلونك
دريت / وك هلوو شجابك هاا شسويت ما سويت بهاي النذلة كدرت تعترف
راهب / بعد والله خليناهة بل سجن واني رحت كملت شغلي ورحت عل بيت سبحت واجيت كلت خل اشوفكم اذا محتاجين شي
دريت / هاا اكلك وهاي شراح تسوي بيها تخليها هنا
راهب /اووف والله ما اعرف اذا وصلتني ل اهلهة اتركهة بس هية مدا تكول مكان اهلهة اذا وصلنا اهلهة بعتبار واصلين عمامهة بس هية مدا تكول ولا اكدر اوديهة للسجن اخاف عليهة بعدهة زغيرة
