القلب تواق لك يا خليفة ٢

بارت ٢

تبدي قصتنا من غرفة توق و خليفة...
قامت توق على صوت منبه عالي
تقلبت كم مره و حاولت تتجاهل المنبه بس كان صوته وايد عالي
رفعت راسها بنرفزه و شافت خليفة بسابع نومه و المنبه ماله
قامت و سكرت المنبه و هي تتأفف

توق : خلوف...
مافي رد
توق : خلوف قوم

خليفة تقلب و عطى توق ظهره

توق : يارب الهمني الصبر

مسكته من كتفه و هزته

توق : قوم يلا ترا منبهك تعبني
خليفة بصوت شبه مكتوم : خلااصص

توق شلت غرشة الماي الي محطايه على الطاوله و صبتها كامل على خليفة
شهق هو بقوة و قام

خليفة : بسم الله !
توق ابتسمت : زين .. ذكر الله من الصبح زين "ابتسمت ابتسامة بريئة"

تم خليفة يطالعها و هو مصدوم

خليفة : شو استوا !
توق رجعت مكانها : والله ماشي ... بس دخلت علينا عاصفة و شكلك تبللت معاها

خليفة طالع حوله و هو مستغرب و مب فاهم شي
شاف غرشة الماي فاضيه طايحه ف حضنه
يوم صحصح اكثر يته لحظة ادراك
لف عليها بنرفزه و رجع انسدح

توق و هي معطتنه ظهرها : قوم روح الدوام يلا
خليفة حط ايده على عينه : الواحد وده يسمع كلام حلو عشان يتشجع يقوم
توق لفت عليه : وين بتسمع كلام حلو و انت يوم ترقد تقول ميت ما تسمع شي ولا تحس في شي

قام خليفة و لا رد عليها
دخل الحمام و سكره بقوة
قامت هي من بعده بسرعه و غيرت الفرش مال السرير
بعد ما خلصت لاحظت انه طول فالحمام و راحت و دقت عليه الباب

توق : خلوف..

مافي رد
تنهدت و عرفت انه رقد
فتحت الباب و شافته متسند على المغسلة و راقد

توق : كنت حاسه

راحت عنده و مسكت ويهه

توق ابتسمت : حبيبي ... يلا قوم كفاية نوم ترا بتتأخر عن الدوام ... يلا يا عمري قوم
خليفة ابتسم و هو مغمض عينه : ايوه ... ها الكلام الي ينقال من الصبح

فتح عينه و شاف توق رافعه حاجبها

خليفة ابتسم اكثر : بوسيني
توق استحت : خلوف !
وقف خليفة و سحبها لين حضنه : ها خلوف ها

توق حطت ايدها على صدره و حاولت تبعد شويه

توق : يلا تغسل و تجهز