القلب تواق لك يا خليفة ٢

بارت ٣

رجع خليفة من الدوام و كان هلكان و فيه رقاد
دخل البيت و كان المكان فاضي
راح صوب المطبخ و كانت لينا موجوده

خليفة : lena
لينا : yes mister khalifa ? (نعم مستر خليفة)
خليفة : is dad here ? (ابوي موجود ؟)
لينا : yes he is here ... he had lunch and went to his room (هيه موجود ... تغدا  و راح غرفته)
خليفة : and touq ? (و توق ؟)
لينا : no she wasn't at lunch today (لا اليوم ما تغدت)
خليفة : ok

راح خليفة الغرفة
دخل و شاف توق قاعده على مكتبه

خليفة : سلام عليكم
توق ابتسمت : و عليكم السلام
خليفة : ليش ما تغديتي ؟
توق : ما كنت مشتهيه ... تريقت فوقت متأخر
خليفة ابتسم : اوكي

حط خليفة تلفونه و اغراضه على المكتب و راح وقف عند توق و تم يطالعها

توق ضحكت : شو فيك

نزل راسه و قرب من ويهها

توق بلعت ريقها : شو بسم الله
خليفة ابتسم : ماشي

حط خليفة عينه في عين توق و تم يطالعها و هو ساكت

توق رجعت ورا اكثر : مضيع شي في ويهي ؟
خليفة مسك ويهها : شو رايج تداومين
توق عقدت حواجبها : ها

خليفة ابتعد و تسند على الطاولة

خليفة : شو رايج
توق : اشتغل ؟

خليفة هز راسه "هيه"

توق قامت عن الكرسي و مشت : لا شو...
خليفة لحق وراها : ليش ؟
توق : مادري ... يعني وين اشتغل

قعد خليفة على السرير و وقفت توق قدامه

توق : شو ياب هالطاري
خليفة : احسج تملين يوم اتمين طول اليوم بروحج فالبيت ... و يوم نسافر انا و ابوي اتمين هني بعد ... يعني جي دوم تطرين على بالي و انتي بروحج

توق ابتسمت على جملة "تطرين على بالي"

خليفة : و يعني احس مب عايبتني هالفكره
توق : احس مادري ...
خليفة : انا اقترحت اليوم على ابوي انه تشتغلين عندنا
توق قعدت عداله : صدق ؟
خليفة حط ايده على كتفها  : هيه
توق : و شو قال ؟
خليفة : اول شي حسيته استغرب و تردد بس عقب قالي كلمها و اذا تبا عادي
توق حطت راسها على كتفه : احس ماعرف

خليفة لف عليها و تم يطالعها

توق : يعني ماعرف ... يعني توني من فترة تخرجت و ما احس عندي ... "سكتت"
خليفة : ما عندج شو
توق : يعني ما عندي خبرة كافيه
خليفة : عادي ... هاي مب مشكله
توق : يعني انت عادي عندك ؟
خليفة عقد حواجبه : عادي عندي ؟
توق : عادي عندك اني اداوم ؟
خليفة ارتخت ملامحه و ابتسم : اكيد عادي ... انا اباج تدوامين اصلا
توق ابتسمت : الي تشوفه مناسب