القلب تواق لك يا خليفة ٢

بارت ٤

يوم الجمعة
٨:٣٠

قامت توق من النوم على صوت الباب و هو يندق
تلفتت و شافت خليفة نايم و معطنها ظهره
قامت و راحت صوب الباب و فتحته و كانت لينا

لينا : good morning ms touq ... (صباح الخير مس توق)
توق ابتسمت : good morning (صباح النور)
لينا : mister ahmed sent me to wake you and mr khalifa up for breakfast (مستر احمد قالي ايي اوعيكم حق الريوق)
توق : ohh yes ... okay we're coming (اها اوكي... الحين بننزل)
لينا : okay

راحت لينا و سكرت توق الباب و راحت الحمام
تغسلت و خلصت و طلعت
قربت صوب خليفة و حطت ايدها على كتفه

توق بشويش : خليفة ... قوم

ماشي رد

توق بصوت اعلى شويه : خليفة !
خليفة : ههمم
توق : يلا قوم !
خليفة فتح نص عين : ترا ويكند ...
توق : ادري ... بس عمي يتريانا تحت

خليفة غطى نفسه فاللحاف و طنشها
توق تنهدت و سحبت اللحاف

توق : يلا عاد عن حركات اليهال
خليفة بنرفزه : يارب ارزقني الصبر
توق : يلا قوم خلصني!

راحت توق صوب الكبت و طلعت مخورة خفيفة و لبستها على السريع
حطت على كتفها شيلة بيت و قبل ما تطلع لفت على خليفة

توق : يلا يا خليفة
خليفة تنهد بصوت عالي : اوكيي

طلعت توق و قام خليفة من السرير و راح الحمام و تغسل و طلع
كان حاس بصداع خفيف بس ما اهتم له
شل تلفونه و طلع من الغرفة
نزل تحت و كانت الصالة فاضيه
راح غرفة الاكل و كانت توق مع احمد قاعده و ياكلون

خليفة : صباح الخير
توق + احمد : صباح النور

راح خليفة و قعد عدال تقول
كانت الطاوله فيها اكثر عن اكله

توق : شو تبا

خليفة تم يطالع الاكل

توق اشرت على صحن : تبا ها ؟
خليفة : اي شي عادي

ابتسمت توق و حطت له اكل ف صحنه و عقب كلمت اكلها
صار هدوء لين تكلم احمد

احمد : خليفة

خليفة رفع راسه

احمد : اليوم بنسير بيت يدتك
خليفة عقد حواجبه : بيت يدوه خولة ؟ (ام امه)
احمد : هيه
خليفة : ليش ؟
احمد : من زمان مب ساير عندهم ... اخر مره شافوك في عرسكم

توق و خليفة لفو على بعض و هم ساكتين

خليفة : الساعة كم ؟
احمد : يعني جي على العصر او المغرب
خليفة : اوكي