القلب تواق لك يا خليفة ٢

بارت ٥

لاحظت توق انه نورة ساكته و بس تعطيها نظرات خايسة
توق كانت مستغربه من نظراتها بس ما قالت شي
انتظرت لين وقت العشا و الكل تعشى و عقب رجعو يسولفون
كلمت خليفة في سناب و قالت له تعال الممر ابا اقول لك شي
رد عليها خليفة "اوك"
قامت توق و طلعت و بعدها قام خليفة
طلع و شافها واقفه
لاحظ انه توق مب على بعضها

خليفة : شوفيج ... ؟ ... حد قال لج شي؟
توق : اء... لا
خليفة : عيل ... شو فيج
توق : ابا ارد البيت
خليفة : ليش شو فيج.. تعبانه ؟

هدت توق راسها "هيه"

خليفة ابتسم : تمام دشي بنسلم عليهم و بنطلع "شاف ساعته" اصلا بتستوي عشر و ابويه طلع قبل العشاء

مسك خليفة ايدها و رص عليها شويه و هو مبتسم و عقب دشو
راح خليفة صوب يدته و باس راسها

خليفة : يلا يدوه... نحن نترخص
خولة : ليش ... توها بتستوي عشر ... باجر اجازة
خليفة : هيه ادري ... بس شوي تعبان انا
خولة ابتسمت : ماعليه حبيبي سلامتك ... روحو الله يحفظكم

خليفة قام و قال بصوت علي حق الكل : فمان الله يا جماعة و نشوفكم على خير ان شاء الله

عقبها طلع خليفة و معاه توق
ركبو السيارة و حركو و ردو البيت و كان هدوء فالسيارة لين وصلو
نزلو و دخلو البيت و كان البيت ظلام

خليفة : شكلهم رقود ... يلا امشي

راحو غرفتهم
دخلو و خليفة اتجهه للحمام و توق قعدت على السرير
شويه و طلع خليفة و بدل ملابسه و راح قعد عدالها

خليفة : شو فيج ؟
توق بدون ما تطلعه : ماشي
خليفة حط ايده على كتفها : توق ... طالعيني

توق لفت عليه بدون ما تتكلم
نزل راسه لمستوى نظرها و حط عينه في عينها

خليفة : شو فيج ... خبريني
توق طالعت الارض : نورة ...

خليفة تم يطالعها

توق : انت كنت على علاقة فيها قبل ؟
خليفة عقد حواجبه و هو مستغرب : ها !؟
توق : انت كنت تحبها قبل ؟

خليفة تم ساكت
.
.
.
في مكان ثاني ...

عايشة بفرح : صدق !
اريام ابتسمت : والله
عايشة : و متى فكرتي تخبريني ؟؟
اريام ضحكت : كنت بتريا لين امه تدق الصراحه

عايشة ضربت كتفها على الخفيف و ضحكت

اريام : اتوقعي يوصلج اتصال اي يوم الحين
عايشة بحماس : ان شاء الله