انتقام عاشق

البارت الرابع

#حكايات_mevo
#انتقام_عاشق
البارت الرابع.......استيقظت نيران في الصباح وقامت واستعدت للذهاب الي عملها .استدعاها ناظم ذهبت اليه وكان الكل جالسا علي السفره وقفت بعيده فهيا لا تاكل في البيت من اساسه ومحرم عليها الجلوس معهم قام ناظم وهتف.. اسمعي كلها شهرين وتتمي السن القانوني وساعتها  الفلوس اللي في البنك انا محتاجها في مشاريعي.
تنهدت وهتفت.. طب يا بابا ليه انا بعد اذنك عايزه اخليهم من غير تجاره عشان دول وصيه ماما.
اقترب َيمسكها من ذراعها بعنف... نعم ياختي وصيه مين امك وزفت علي دماغك لا يا شاطره انا اللي اقوله يتنفذ فاهمه.
هتفت.. بس يا بابا ماما سايباهم لجوازي و.... ليصفعها علي وجهها..نعم يا روح امك جواز طب تبقي تعمليها وتعرفي حد دانا اشرحك فيها انت عارفاني يا بنت ناظم الفلوس دي تلزمني الاقيكي تعرفي حد هقتلك واقتله،، انت تخرسي مالكيش راي ولما يحصل تيجي تمضي من سكات والا مش هيطلع عليكي شمس فاهمه.
لتنزل دموعها وتهتف بنحيب ... فاهمه فاهمه 
هتف ....طب يلا غوري من هنا .ذهبت هيا َودموعها تتساقط اعترضها عاصم ومسكها من يدها وشدها الي احد الغرف صرخت هيا.. بطل بقه انت ايه يا اخي.
شدها يحتضنها.. انا هبقي سندك اعقلي والله هشيلك في عيوني وهنغنغك وهقف لابوكي انا مش سهل.
هتفت.. وانا لو انطبقت السما ما هعمل كده.
مسك َوجهها بعنف ....يبقي انتي اللي اختارتي محاربتي يبقي انت من هنا ورايح مستباحه لاي حاجه هعملها بس ساعتها ماتنحيش وتقولي نضرب ورقتين ساعتها هكون خدت اللي عاوزه َورميتك... من هنا لهناك خافي علي روحك وخافي اوي مش عاصم اللي يعوز حاجه ولا ياخدهاش.
دفعته َوخرجت وهيا تجهش بالبكاء ولا تعلم اين تلجا او اين تهرب من ذلك الجحيم  .ذهبت الي عملها كانت طول اليوم تشعر بالبؤس ولم تاكل شيئا وشعورها بضيق صدرها يطغي عليها ...اتي ميعاد خروجها وجدت يونس يقف امام الملجأ ينتظرها امام عربته .ذهبت اليه وابتسمت رغما عنها.
قطب جبينه واحس ان بها شيئا سالها بلهفه..... مالك يا نوري فيكي ايه.
تنهدت وهتفت بقهر... مفيش حاجه ممكن السلسله.
ظل يتفرس فيها  وهيا تشيح بعيونها بعيدا كانت تتحكم في نفسها الا تنهار فهيا َوحيده َتحملت الكثير من تلك العائله التي لا تفهم لماذا يعاملونها بتلك الوحشيه ..
لم يحتمل هو محياها مسكها من يدها وشدها وهيا معترضه وضعها في العربه واستدار يركب .صفحه حكايات ميفو .
هتفت بعنف.... لو سمحت ايه ده افتح العربيه خليني اخرج.
هتف بحنان .. ممكن تهدي.
صرخت... بقولك خرجني هو فيه ايه الا انها لم تستطع ان تصمد لتنهار من البكاء وتنفجر رغما عنها .
احس بقلبه يتمزق عليها شدها اليه يحتضنها بقوه وهيا تبكي بلا حول ولا قوه تبكي وحدتها وضعفها وماساتها وكونها بلا سند. تبكي معاناتها وسؤ حياتها وعذابها التي لا تعلم سببه .ظلت تبكي وكلما هدات تنفجر مره اخري وهو يهمس لها بحنان ....طب اهدي عشان خاطري ماتوجعيش قلبي اهدي انا جنبك اهوه. طب براحه كده كانت لاول مره تحس بالامان وهيا في احضانه لا تعرف لماذا لا تريد ان تخرج من احضانه تركت نفسها ودموعها وانهارت بداخله وهو محاوطها بحنان يمسد عليها لتحاول ان تتماسك وتبتعد ليهمس انا جنبك مش هسيبك.
تنهدت ومسحت دموعها بضهر يديها كانت كطفله جميله لتهمس... انا اسفه غصب عني.
مس علي يدها بحنان وابتسم وقال بحنان.. دا مكانك اسفه ايه بس.حضن يونس هو امانك من الدنيا .
تنهدت وهتفت... بطل من فضلك طريقتك دي انت ماتعرفنيش.
ابتسم. هتف بحنان.... مين قال انا حاسس اني اعرفك من سنين َحاسس بوجعك اللي مش هسيبك ليه كده انا جنبك.
تنهدت.... طب سيبني بقه..... افتح الباب انا عايزه انزل والنبي سيبني في حالي انا مش ناقصه وجع.
تنهد.. انت ليه مش قادره تحسي باللي جرالنا ليه بتبعدي انا متاكد ان جواكي حاجه ليا حصلت غصب عنك.
نظرت اليه برهبه.... والنبي بطل انا حياتي صعبه سيبني بحالي.
هتف.. مين ده اللي يسيبك مش يونس يسيب اللي يخصه.
هتفت بعفوبه.. يخصه.. هو ايه االي يخصه.
هتف.. انت تخصيني وتخصيني اوي كمان  وانت حاسه بده بس بتقاوحي اعمل ايه بس فيكي.
هتف.. تسيبني في حالي انا مش بتاعه لعب ومشي مع حد.
ابتسم ....وانا يعني اللي بلعب.. انا مش حد قليل يا نور انا راجل ملو مركزي وليا شأن مش قليل.
تنهدت وهتفت..... طب انت عايز مني ايه.
مسك يدها.... عايز اعرفك وتعرفيني وتدينا فرصه.
همست.... لايه.
هتف بحب.. نبقي مع بعض.
هتفت باستنكار...... لا ماينفعش انا طول عمري لوحدي ماليش حد.
هتف ومسد علي يديها.... ودلوقتي بقيت موجود ومش هسيبك لوحدك حتي لو بعدتي هقرب وهقرب. نيران انت دخلتي حضني حسيتي براحه وفضيتي كل اللي جواكي انا حسيت بده انا مش بلعب وفاهم وعارف يعني ايه قرب ودفا .
هتفت بوجع.. انت مش عارف حاجه.
همس.. طب اديني فرصه اعرف طيب.
تنهدت  وهتفت..... طب ممكن سلسلتي.
ابتسم واخرجها من بدلته لتبتسم له وتهمس ....كنت خايفه تكون راحت.
هتف ....لا راحت ايه دا قلبك شبك في قلبي جابو علي بوزه وعلق معايا وعلم عليه والله علم عليه.
احمرت خجلا فهتف.... يا دين النبي عالقمر ايه حلو و محمر كده انا قولت حاجه.
همست.... بطل عيب كلامك ده.
تنهد.. ات عسليه والله هو كده عيب يا قلبه لا انا كده كتير عليا والله كتير.
اخذت السلسله ولبستها بتسمت وهتفت بخبث ....مش هتفتحيها تطمني علي قلبك.
ابتسمت له وفتحت قلب السلسله لتشهق فجاه وهتفت.... ايه ده انت عملت ايه.
ابتسم ....هكون عَملت ايه اللي حاسه والله.
كانت صورتها موجوده وقلب السلسله الاخر محفور به كلمه يونس فقد ذهب بها الي احد المحال يضع اسمه ..نظرت اليه.... انت جرئ اوي ازاي تعمل كده مايصحش.
هتف.... ليه هو انت فاكره اني هسيب اسم تاني يتكتب جوا والله دا بروحك وروحي.
هتفت.. هو عافيه انا ماعرفكش ولا انت تعرفني.
هتف بوله.... بس قلبي دق وقلبك متاكد انه دق لتحَني راسها ابتسم واكمل والله دق وعسليه وهتدوخيني انا عارف.
همست.... طب ممكن تنزلني.
همس.... طب اوصلك.
هتفت.... لا هشتري حاجات الاول معلش ممكن.
هتف... هتشتري ايه انا معاكي فاضي ماوريش الا انت.
خجلت فكانت تريد ان تشتري بعض الطعام لتاكل فلم تاكل شيئا منذ الصباح ومحرم عليها الاكل في الفيلا همست بخجل .....حاجات عايزه حاجات.
ابتسم ....ايه.. حاجه عيب يعني والا ايه.
شهقت وهتفت.. لا والله هجيب سندوتشات.
قطب جبينه... ايه اكل يعني.. يادي الهنا يعني هناكل مع بعض قلبي والله هيخرج من مكانه.
همست.... لا ناكل ايه انا هجيب اكل واروح عشان ماتاخرش.
ابتسم... طب ماتاكلي هناك بتشتري اكل ليه.
احنت راسها وهتفت.... لا مش مسموح ليا اكل هناك معلش بس نزلني والنبي.
تنهدت...  طب تحبي تاكلي ايه اميرتي تؤمر وانا انفذ.
هتفت بخجل.. لا معلش هجيب لنفسي.
هتف متذمرا.. يعني معاكي كيس جوافا راجل طول بعرض تقولي هجيب لنفسي.
هتفت.... لا معلش والله بس مش هقدر.
هتف ....طب اعمل ايه في دماغك.
هتفت..... معلش ريحني عشان خاطري..
تنهد وقاد العربه ووقف امام احد المطاعم الفاخره ..هتف ...طب هتاكلي ايه..
احمرت خجلا وهتفت.. هاه اكل... لا خلاص انا مش عايزه شبعت انا ممكن تروحني كان ما معها من اموال لا يكفي شراء وجبه فاخره .
احس هو بحرجها هز راسه وتنهد وهتف... طب وحياه الغالين تسيبيني اجيب والله شكلي عره اوي لو سيبتك تجيبي .
احنت راسها وهتفت... لا مش عايزه والنبي سيبني براحتي.
تنهد وهتف ....لا ماهو انا ماتهزقش من زقرده زيك ونزل وقفل الباب حتي لا تنزل وتتركه وتركها متذمره من تسلطه واحضر وجبتين لم تكن فاخر للغايه حتي لا تبتئس  .دخل العربه وضع الوجبه علي قدمها وهتف ...ناكل بقه واحنا مؤدبين وتسيبيني ابلع اللقمه من غير ماتنكدي عليا ماشي يا قمري.
هتفت..... انا كده مديونالك بحق الوجبه ومش هقدر اكل الا اما تاخد تمنها.
هتف.. طب هاخد تمنها بس كل يوم هاخد خمسه جنيه ايه رايك يعني انت كده هقابلك كام مره واغمض عينيه لا انا كده هقابلك كل يوم لحد ما تدفعي تمنها ماشي .احنت راسها خجلا بدا في فتح العلب ومشاكستها لتاكل معه انخرط يفتح معها مواضيع محببه كان هو لبقا وهيا فتاه رائعه استجابت لعفويته وانطلقت بعفويه تتحدث عن نفسها واحلامها ولكنها تجنبت الحديث عن والدها حتي لا يحدث لها مشكله انتهيا من الطعام لتهمس ممكن اروح اتاخرت اووي ويعني هيضايقوني.
هتف ....والله ماعايز اروح قلبي مش جايبني.ابتسمت بخجل فهتف... هو ممكن اسالك سؤال.
نظرت اليه ليقول ....هو انا شكلي وحش.
نظرت اليه باستغراب لتهمس ....لا ليه
هتف .....اصلك مابتبصيش ليا حاسس اني جربان َوالا حاجه ماتقولي ابقي اخد غطس في البانيو قبل ماجي لتبتسم له بخجل فهتف طب بصيلي طيب قلبي شقق عيونك نفسي يبصولي اشوف سحرهم .
همست.... بطل كلامك ده مش معقول كده.
هتف.. مانا عارف انه مش معقول ولا عارف فيه ايه حصل بس اهوه حصل ومش قادر امسك لساني دانا لساني بياكلني ونفسي اقول بس كاتم وهفطس لتخافي مني.
همست ....ليه يعني اخاف منك انت هتخوفني.
مسك يدها.... ولا عمري همس شعره منك دانت تتشالي في العين والنني..(اسكت يا لساني ).
همس... طب يلا بقه والنبي اتاخرت.
تنهد وقاد بها العربه لتطلب منه ان يقف بعيدا عن الفيلا لتهم ان تنزل مسك يدها وقبلها واشار الي القلب وهمس بحب ....خلي بالك من يونس ماتبعدهوش عن قلبك ليتعب.
لتبتسم خجلا وتخرح مسرعه وهو ينظر في اثرها ومشاعره تطحن بعضها.. ايه اللي جرالك يا يونس البت لخبطتك انت في ايه والا في ايه.. قمر يا جمالو وهو محمر كده لا ماعرفش اسيبها دا حته بنبونايه متغلفه قلبه يا ناس اللي رقيق وقمر انا طبيت والا ايه يلا يلا امشي شوف حالك وكمل اللي ناوي عليه..
ذهب الي بيته واتصل بداليا تليفونيا لتسعد هيا بشده طلب منها ان يتقابلا ليبدا هو في رمي شباكه علي تلك الفتاه وهيا من الاساس لن تحتاج مجهودا لتقع في احباله .ذهب لمقابلتها واهداها هديه غاليه لتحس هيا بانها وقعت علي صيد سمين وبدات في الانجراف في الكلام و التباسط معه احس انها علي استعداد ان تفعل له مايشاء ..قرر ان يكمل في علاقته معها حتي تقع له تماما ويلقي بشباكه لتكون سكه من سكك انتقامه من ناظم .صفحه حكايات ميفو .
كانا معا بالخارج وذهب يوصلها الي بيتها لتحاول ان تجعله يدخل احس انه يريد ان يدخل لعله يري نوري فقلبه يهفو اليها دخل وسلم علي امها وابيها الذي احتفو به احتفاء غير عادي فهو صيد سمين َ.فناظم يمر بازمه ماليه جلس هو بدا في الحديث عن اعماله ليتلهف ناظم علي سماعها .
هتف يونس ....انا اعمالي وأصولي بره لسه ماتفكتش ليها ميعاد معين دلوقتي محتاج سيوله عشان اقدر اخلي مركز الشركه عالمي زي اللي بره اكيد تسمع عن مجموعه السليماني شهرتها نار علي علم.
اندفع ناظم.. ايوه يا ابني دانتو ناس ليكو اسمكو واتمني الصراحه نشتغل سوا ونبقي لينا شراكه.
نظر يونس بخبث الي داليا وهتف.... والله انا ناوي علي شراكه برضه نقول يا رب لتبتسم داليا وتبتهج امها .
فهتف ناظم .....والله انت محتاج سيوله اد ايه.
هتف... يعني في حدود العشره مليون بس هستني شويه مابحبش استعجل.
هتفت ليلي..... طب ماناظم يخش معاك شريك ايه المشكله.
هتف ....لا مابحبش الشراكه انا بحب ابقي بطولي ممكن استثمار.
هتف ناظم....... انا َمعاك في اي حاجه.
هتف يونس.... عموما هفكر وارد عليك ليقوم ويستاذن .
ذهبت معه داليا ليقترب منها ويمسك يدها ويقبلها ويهمس ....هتوحشيني .
ابتهجت هيا وهمست..... هكلمك بالليل اوك هز راسه وانصرف.
خرج يونس من الفيلا وسلم علي ناظم تلفت حوله لمح نيران تقف في بيت صغير بجوار القصر تحاوطه اشجار عاليه تلفت حوله وذهب مسرعا كانت تقف تسند علي احد الاشجار ساهمه تفكر فيه وتتلمس سلسلتها بحنان ليرجف قلبه اقترب بهدوء وهمس بتفكري فيا ،،
شهقت واستدارت لتنظر اليه برعب ،،انت انت بتعمل ايه هنا نهار اسود انت عايز تفضحني ،،
هتف ،،اهدي اهدي بس ايه اللي هيحصل .
تلفتت حولها لتجد عاصم يخرج من الفيلا لتشده علي الفور لداخل البيت وتقفل برعب... انت انت ايه اللي جابك دول ممكن يبهدلوني
ابتسم واقترب.... ساعتها اخطفك وماخليش حد  يقرب منك .
هتفت ،،طب امشي والنبي وبطل تعمل كده والله هتاذي جامد ،
مسك يدها وقبلها وهتف ....ماكنتش عارف اني هقدر امشي من غير ماشوفك كنت جوا وقلبي متعلق بالقمر ،
تنهدت ....انت كنت معاهم جوا ،
هتف ،،شغل كان عندي شغل بس دماغي كت في حته تانيه ،
همست بخجل ،،حته اي ،،
مد يده للسلسه.... دماغي كانت عند قلبي اللي طار ونام جوا قلب القمر ،
همست بخجل ....علي فكره انت جريء فاكرني هبله هسمع كلامك ده انا مش عبيطه وبطل ماحدش بيقول كده علي طول .
ضحك ....اه ماحدش بس اهو حصل يونس سليمان وقع وطب .
همست ،،طب فين ،
اشار لقلبها ،،طب هنا وداخ وعايز .
همست بخجل ،،عايز عايز ايه.
هتف ،.....عايز يتهني الا حياته ناشفه وتوجع والقمر دخل حياته يلمس علي قلبه ،
نظرت اليه بحنان ،،انت كمان حياتك صعبه ،
هتف بمسكنه ،عالاخر شفت عذاب ماحدش شافه ،
ابتسمت بحنان وهتفت ،،انا كمان شفت معلش ربنا هيراضيك داده سعيده دايما بتقلي حطي ايدك علي قلبك وادعي انه يبعتلك اللي يراضيكي انت كمان اعمل كده .
اقترب ومسك يدها ووضعها علي قلبه وهمس بهيام رجف قلبها بشده.. ،،يا رب انت بعتلي احلي مراضيه  ونفسي يبقي ليا ،،
هتفت بخجل ،هو ايه .
همس بحنان.... اللي ربنا بعتهولي وشايفه خد قلبي من اول نظره ظلت تنظر اليه وقلبها يرجف من نظراته وهمساته لتنتفض فجاه ،انت انت بطل انا لسه شايفاك يوم هو عشان صغيره انا مش بلعب بطل ،
اقترب وحاوطها عالباب بصيلي ،
احمر وجهها واحست بالخرس فهتف بصيلي د
تنهدت ورفعت عيونها ،،،يونس سليمان طول عمره لوحده قلبه ناشف عينه علي حاجه واحده شغل وسكته ماليانه اوجاع من ساعه مادخلتي حضني وانا حبيت حياتي قلبي دق غصب عني وانت كمان متاكد ان قلبك دق ،،مسك يدها حسي بقلوبنا هتنسي كل الدنيا .
همست بلين ووجع ،،ماينفعش انا دي مش دنيتي بطل .
هتف بحب ...مين قال انت لوحدك دنيا بتقوليلي جرئ .انا عمري ماتعرضت لوحده ولا فكرت لوحده بس من ساعه ماشفت عيونك في الضلمه اتسحرت ربنا بعتك تحلي دنيتي .
همست برجفه ،،انا انا هحلي دنيتك .
رفع يده ولمس خدها ..انت تحلي احلي دنيا انت اصلا الدنيا ظلت ساهمه تنظر اليه هائمه اقترب منها وعيونه تشع مشاعر لكنها انتفضت وانسلت من بين يده يلا والنبي هيموتوني والله امشي ،
تنهد بغلب وقبل يدها ،....عيوني للقمر واستدارت تفتح الباب بهدوء وتتلفت حولها ...مسك الباب وحاوطها.... هتوحشيني
همست ...يلا بقه والنبي ،،تنهد واستدار وهمت ان تقف الباب فهتف ...اة بس نسيت اهم حاجه واقترب وقبل خدها فشهقت ودفعته وقفلت الباب فهتف ....كان نفسي تبقي علي شفايفك بس انا مش طماع وانصرف يدندن وقلبها يرجف وتشعر بسعاده تغزوهاوهوسعيد انه رأي وردته الجميله خرج وسار لتقابله صديقه لداليا وكانت تعرفه من الحفل وجاءت تزور داليا فالتصقت به تدلل عليه وصدحت ضحكاتها ومسكت يديه فداليا تصاحب من علي شاكلتها  فراتهم نيران من بعيد ،،،احست بوجع ،،،ظلت تراقبهم والفتاه مبتذله وتلمس يونس بوقاحه ..احست نيران بالوجع ،،ابتعدت وقفلت الباب ..انت موجوعه ليه خليكي في حالك انت غلبانه اهو شابك مع واحده اهوه وزمانه بيقلها كلام برضه وانت هبله . ابعدي عن الدنيا ابوكي لو عرف انك عرفتي حد هيقتلك ..سالت دموعها ،،طب قلبي بيوجعني ليه انا ماعرفوش ،ماصدقتي حد يقلك كلام حنين ماصدقتي حد يحن عليكي .ليه يا رب كده قلبي بيوجعني قوي لمست سلسلتها فاجهشت بالبكاء ،،مكتوب عليكي يا نيران الوحده والعذاب ليه ليه طب كره ماما يكرهني ليه عملت ايه لا ليا اهل ولا حد قلبي ماعاد متحمل وده جاي يلعب ويعلق ،،انت طول عمرك لوحدك ابعدي مش ناقصه انت .لتقرر ان تكون في حالها ولا تقرب احدا  .
******
ذهب يونس الي بيته لتقابله عمته قبلها هتفت...كت فين انت اتاخرت اوي.
هتف.. كت في بيت التعبان.
هتفت... ايه كت عند ناظم بتعمل ايه.
حكي لها لتتنهد... وانت واثق قوي انه هيجي تحت درسك.
هتف ....بنته اللي هتجيبه تحت درسي ارمي الشبك وهيا تخليه ينخ كلها اسبوعين والصفقه التانيه تتقفش ويتخرب بيته يجري عليا يلملي فلوسه استثمرها له عشان سمعته في السوق هيبقي عليها شوشره.وماحدش هيشتغل معاه.. بس يا ستي ونلهف القرشين والبت اجيبها تحت رجلي تتزل شويه وعشان اسيبهاله يتنازل علي كل مايملك وخلصت القصه وخلص ناظم الجميل وساعتها ابويا يرتاح في تربته.
هتفت شكريه.. ايوه انا عايزه البت دي ازلها وامرط نفسها اعيش بنته زي ماعيشنا ونفسنا اتذلت سنين.. عايزه ابرد قلبي يا يونس.
هتف يونس بقوه ....هيحصل يا عمتي هخلعلك قلبها واخلع قلب ابوها وساعتها ابقي خدت حقي تالت ومتلت.
استمر يونس في التخطيط للايقاع بداليا حتي اصبحت طوع بنانه ورهن اشارته وتنتظر في اي وقت لتاخذ لقب حرم يونس سليمان ووالدها. ووالدتها لا تسعهم الفرحه لياتي يوم ويدخل عليه بدر صديقه وهتف.. جيم اوفر يا كبير العجل وقع والسكينه جابت رقبته.
هب يونس وهتف ....ايه قولي.
هتف.... الصفقه اللي ناظم الجميل حاطط فيها بقيت فلوسه خلاص بخ طارت واتعكشت من الحكومه واتصادرت واتخرب بيته وزمانه هيعدلوه عالقبله ومافاضلش الا شويه سيوله َملاليم دول بقه تؤشهم منه وبكده نقرا عليه الفتحه َنطلع القرافه.
جلس يونس منتفخا.. ياااه حاسس براحه غير عاديه زمانه بيصوت زي النسوان دلوقتي نفسي اشوف منظره.
ضحك بدر ليهتف.. عادي زياره لحماك المرتقب.
ضحك يونس ....حما ايه دانا هنتش قلبه من جوا خلاص بكره اخليه يبيع اللي حيلته ويخش استثمار معايا مكسب وخساره وهوب نخسر الفلوس ويشحت ناظم واخلع انا بقه بس بعد مالبت تكون اتمرمغت سمعتها في الارض وابوها باعلنا بقيت الاملاك اخوك مخطط كل حاجه.تنهد.... ناظم الجميل لازم ينذل صح ويشوف بنته مذلوله عن حق. الفلوس هتروح وسمعه البت هدعكها برجلي مستني اليوم ده بفارغ الصبر. يوم ماخلع قلب بنت ناظم وادعكه بجزمتي هيبقي يوم سعادتي وفرحي ..
😭😭😭😭😭انهي يوم يا حزين ...