وگف گبالي التعب واضح عليه و الحزن مرسوم على ملامحة تسلل الخوف و الخجل لداخلي
حجة بدون ما يباوع لعيني: الج كامل الاختيار ميسر ما اجبرج رجعي اذا تردين
: صدك ماعرف شلون طلع مني هيج ما جنت اقصد اهينك
: مو مهم هسة شما اسوي گلبج مرتبط بغيري ما اجبرج روحي لا تجبرين نفسج
دنگت راسي الحيرة متجسدة بأفكاري ماعرف المن اصير حسيت بي وگف بصفي اخذ حجابي من الگاع
خلاه على راسي رفعت عيوني دموعي سبقت كلامي نرسمت على خدي مسح على وجه
: لا تثقين بي ابد القتل اخوه بدم بارد يقتل الف روح مكانة
. .
مشهد
ميسر: شنو هذا الحجي تشك عندي علاقة وية شخص مثل نوح
رد برود :ما اهتم شنو نوع العلاقة ليهمني تبقين متمسكة بي حتى يصير عدنة سبب لطلاگ
ميسر: تريد تتهمة رجال شريف لا دخلة بهيج سالفة لا يمكن اسمحلك تطعن بشرفي و تأذي شخص بريء حتى حيلك تنجح
عاف اللي بيدة تقدم مني سحب وجهي عليه حجة بخبث: بريء يهمج لهدرجة برأيج هذا الشريف راح يضل هيج وياج ورة ما يكشف سرج هاي اديج الغرگانة بدم ابوج البنت الطيبة لقتلت ابوها
ميسر: اي لان مو شخص استغلالي مثلك
: طلعلج لسان بنت الافغاني
گلبي دگ بألم اكره هاي الكلمات لسمعتها من الكل ماتوقعت اسمعها منة ابتسم بسخرية رفعت ايدي اضربة
جان اقوة و اكثر جسارة و حقد لف ايدي ورة ظهري ضغط عليها حيل كزيت اسناني بغضب
: ميسر لا تجاوزين حدج وياي روحج بين ادية ادمرج مايرفلي جفن . .
مشهد
سحبت الحجاب اتجهت للباب فتحتة الة دخل بملامح التعب و الارهاق المرسومة عليه
رجلة لمأذيتة من اخر مواجهة وية ذاك الشيطان بعدهة ما ملتأمة حاولت ابعد حزني عن وجهي
حجيت ببتسامة : هلة الله يساعدك رد بنفس النبرة: هلة بيسر حياتي
اخذت الاغراض من ايدة رديت مدنگة راسي : ما خليت بيهة شي حياتك صعبتها عليك
خلة ايدة على راسي مبتسم دخلت وياه للبيت رفعت راسي الة :جوعان اخليلك عشة
رد لازم گصيبتي بإيدة يگلب بيهة : اي والله الجوع كافر و الايمان وجهك يبنت الاكابر
ضحكت امسح بدموعي احب هاي الكلمة منة الوحيد الما استنقص مني و شك بأصلي . . .
القصة الان تنتهي و أنا امسك خيطاً اخيرا ومن نهايتها نرجع الى ما خلف تلك السنين
الى ...
بيـوت من السم و قصور من عرش القسوة و كوكب من التائهين و نصل أسمر يخترق خواصر الجميلات اتفـاق كافر يرسم لها دنيا مليئة بالجمال و قصور و جدران و قلاع من الامان ليصبح الرطم اقوة الهدم اكبر و الحزن يتفشى بالقلب بدل الحب
