﷽
فـدك فاطمـة
"أرث بالـدم "
من طال النظر بيه فرحت هواي
شمدريني جنت تختار !!
.
.
التصويت و التعليق لطفاً
اتمنى لكم قراءة ممتعة 🩷🩷
اعذروني على الاخطاء الاملائية اول اي خلل ممكن يخرب اندماجكم ✨🦋
.
.
.
ميسر
مـر أسبوع على السمعتة من برهان و معاذ القلق و الخوف اكل گلبي الف سالفة اجت ابالي حيل خايفة على ماما
هذا الاسبوع كلة اتوسل بيها احاول اقنعها شگد ما احاول ابينلها مدى خوفي تصدني رجعت من المدرسة مزاجي كلة معكر
حتى نوم ماكدر انام صار عندي أرق قبل لا أصعد لغرفتي سألت أنصاف عن ماما گالتلي طلعت قبل لا تجين
اخذت جهازي خابرت نبراس تصير صديقة ماما الوحيدة لتعرفها گالت ما اجتني اتصلت عليها مرتين ما ردت
شسوي ماتگعد راحة عفتها تاليتها تجي لفيت راسي و نمت كعدت العصر كلش غسلت و نزلت اشوفها لگيتها نايمة قافلة الباب عفتها
رحت للمطبخ خليت غدة كعدت اكل واجيب السالفة منا و ارجعها منا شلون اقنعها يربي الة احجي وية عمو يطلگها و يفضنة
خليت ادية على وجهي هيج احسن قرار و هاي الفترة هو صاير عزيز على ولدة يومية واحد جاي و الاهتمام بي صاعد عدهم
رفعت راسي لجهة الكامرة كشمت غميتها رجعت اكل خل يشوفني اني اريدة يشوفني حرگو گلبي ماعدهم غيرة گدرتهم علينة
رجعت للغرفة اقرة مر الوقت و ماما مالهة حس اخذت كتبي و نزلت كلهة نايمة خليتهن على طاولة بالصالة
رحت لغرفة ماما دگيت الباب انتظرت تفتحة مالهة صوت تنهدت بضوجة رجعت راسلتها همزين شافتهن
شوية و طلعت من الغرفة وجهة اصفر و واضح عليها تعبانة اجت يمي عيونها حمر و مورمات
ميسر:شكو ماما صاير شي وينج من الصبح ماشفتج
جيداء:ماكو شي حبيبتي فلاونزة ورحت للمستشفى رجعت انتِ نايمة
ميسر: هسة شلونج
جيداء: الحمدلله لايضل بالج بنيتي
حجيت بقلق حاضنتها: خفت عليج من الصبح ماسمعت صوتج
وخرتني عنها تحجي بهدوء و تشتت طمنتني عنها رجعت ما ارتاحيت لحالتها خليها الصبح هم ارجع اشوفها
أنت تقرأ
أرث بالدم|| باللهجة العراقية
عاطفيةالى ... بيـوت من السم و قصور من عرش القسوة و كوكب من التائهين و نصل أسمر يخترق خواصر الجميلات رواية أرث بالدم حيث تصور جشع النفوس
