"بأسمه تعالى"
#فدك_فاطمة
#أرث_بالدم
الـحب فلاحتي وما بكتـة من فلاحح
ولهذا السبب خسران بس مرتاحح
مَيسر
وگفنة اباب المطبخ توسعت عيوني بصدمة اشوف برهان لازم غدير رافعها من رگبتها وجها ازرگ ترفس يمة امها تحاول تدفعة عنها
تحرك معاذ بسرعة سحبها من ايدة حجة عيونة مختلط بيها البياض وية الدم من عيونة المحتقنة
عاط بصوت عالي:اذبحجج وحق رب الكون غديرر اشرب دمج اذا سمعت بس اسمها بطرف لسانج اسويج عبرة لمن اعتبر
أسيل: وحق الله برهان ارجعك للزبالة الجابوك منها ايدك ماتمدها على اطفالي
برهان: انعل ابوج لابو اطفالج يا ..
صميت أذني من العياط و الحجي الوصخ الحجاه حشكت روحي يم الباب هو ثاير يردون يسكتونة ميگدرون
دفعة معاذ من جتفة ليبرة: اصحى شبيك مو هيج اهدئ خرب روحك برهاان
حجة يأشر على غدير:اذا شفتها گبالي ما ارحمها لاتراويني وجهة
أسيل: على شنو انتة شايط ما گالت غير الحق امك وحدة **** " هاي كلهة علمود وحدة فلس متسوة يمتة تموت واخلص منها
هي گالت هيج لو خبلتة بالزايد دفع الطاولة راجعلهن وگف معاذ گبالة دفعة من صدرة ليورة
رجع على الكاونتر شكو اماعين عليه كسرهن ميكسرهن بالگاع لا يشمرهن على أسيل اللي عاطت مبتعدة
تباوعلة بسخرية حجت تستفزة : عياطك مايغير حقيقة عارك يابن الزنـ.**
بدل ما برهان يرد ندار معاذ عليهن طردهن من المطبخ ادفع لو ما مرت عمة جان كتلهة ولزگها بالحايط
كلهم واكفين بالصالة اخوان برهان و البنات أنصاف يم الباب باوعلة مقهورة بس ما تحركت و اجت يمة تخاف
هو نحنى على الطاولة يلهث فتح دگم قميصة گطعهن من ما كدر يسيطر تحركت بصف الحايط
طخيت بمعاذ من دخل سحبني موخرني على الكزاز بعدهن برجلة حجة بهمس: لغرفتج لا تتدخلين
ميسر:طلعت عصبيتك لاشي يمة
معاذ:شالفايدة ثنينهن ما يخوفنج
گلبت عيوني الواحد يجي للبيت يرتاح ذولة يشنون حروب ليلة يگول زومبي دخلت لغرفة ماما كعدت يمها
أنت تقرأ
أرث بالدم|| باللهجة العراقية
Romanceالى ... بيـوت من السم و قصور من عرش القسوة و كوكب من التائهين و نصل أسمر يخترق خواصر الجميلات رواية أرث بالدم حيث تصور جشع النفوس
