أرث بالدم|| باللهجة العراقية

Part 2

﷽

فـدك فاطمـة
"أرث بالـدم "

عليمن هالقلق جواك !
ضيع الرايدك يلگاك

مساء الخير
اتمنى تصوتون و تعلقون على الفقرات
اعرف النشر المتأخر يضوج و يفقد القارئ لذة القراءة

بس عذروني ماعندي وقت فراغ اكدر انشر بي اتمنى لكم قراءة ممتعة 🩷🩷

مَيسر

ماتعرف احبابك الة بوقت شدتك وما تعرف صديقك الى بوقت حاجتك اما الناس اللي اعرفهم

فسهل حيل اعرف وجوهم و شنو معدنها لو اذب فلس بالگاع يصير مكاتل عليه مو ورث و فلوس ما تاكلها النار

زوج ماما عدة املاك هواي نص وارثة من امة و نص من ابوه غير شغلة و تجارتة و علاقاتة

فشي طبيعي ولدة يترسهم الطمع و اكثر من ولدة احفادة التكون المودة بينهم و بينة كلش ضعيفة

گلتلي ماما اسكت مافك حلگي عن اي شي صار البارحة و من سألني كتلة مُعاذ و أيوب تعاركو خفت منهم

ما ردنا يضوج و ينقهر و علاجة بالدرجة الاولى يعتمد على نفسيتة ، مسحت الطاولة و شلت الاكل رجعتة للمطبخ

رجعت للغرفة وگفت بالباب : عمو اقلمك اضافرك

رد ببتسامة: يا عمو روحي اقري تعبتج وياي

ميسر: صدك جذب تدلل الف طلب مثل طلباتك

حجة ببتسامة: لسانج مثل لسان امج

اجيت اگلة امي جابت راسك بس عيب اخ من العيب سديت الباب نزلت كتبي گعدت بالصالة اقرة اسماء كتلته الشطارة

گابلتني گعدت تقرة تأففت بضوجة شلت كتبي و دخلت لغرفة عمو ادري بيها ما تجي هنا عيني تستنكف

مر الوقت احسب الساعات لجية ماما ماعرف وين راحت من الصبح لحد العشرة هي بعدها ما جاية

نفتح الباب دخل معاذ باوعتلة مكشمة بادلني النظرات مر مني سحك على كتابي راح يم عمو

سلم عليه گعد يمة يسولفون التفت عليه ساحبة شالي على شعري : ليش ما تستأذن قبل لا تدخل

تجاهلني دار وجه رجع يسولف عمو گالي اجيبلهم جاي خنگتني العبرة اني اسوي جاي لمنذر ماكدرت اگول لا

رحت سويت جاي رجعت قدمتة الهم زحفت كتبي لنهاية الغرفة گعدت اتسمع شدني حجيهم الغريب