💎قسوة القلوب💎. (بالدارجة المغربية✍🏻)

🎀الجزء الاول: {1}🎀

            ورجوتُ عيني ان تكُفَّ دموعهَا    
             يوم الوداعِ نشدتها لا تدمعيِ
اغمضتهَا كي لا تفيضَ فامطرت
ايقنت انِي لا املِك مدمعِي.

فواحد المنزل كبيير عبارة على ڤيلا و تحديدا فبيت من البيوت كانت واحد الشابة جامعة رجليها عندها و كتحاول تكتم شهقاتها من داكشي اللي سمعات قبل دقائق .

🌼فلاش باك 🌼

المرأة: علاش اولدي متزوج راه الشرع حلل 4 ونتا تالاين غتبقا صابر عليها اا هادي كتر من 5 سنين و هي مزال مولدات اذا العيب منها ولكن انا مغنسمحش بهادشي نتا راه خاصك ولاد اللي يهزو اسمك و يعمرو دارك تالاين غتبقا صابر صافي طلقها و تزوج اصلا مفالحة فوالو مقابلة غير ديك الخدمة كتخرج من الصباح حتا الليل بحال الراجل واش معليها حكام و تزيدها بالتنفاخ من لفوق بزاف هادشي
الرجل : الوليدة حتارمي راسك مباغيش نغلط فيك هاديك الي كتهضري عليها راها مراتي و حبي الاول والاخير و مغنطلقهاش غير حيت مكتولدش و مغنتزوجش عليها وخا على موتي غير رتاحي .و حيت نتي مي مباغيش ندي سخطك و نعصى الله خليني عليك اما و متزيديش علا مابيا.
الحاج :يهديك الله الحاجة نعلي الشيطان و فرقي عليك البنت و خليهم يعيشو حياتهم و الحفايد راهم عندنا ماشي عاد خاص راه عندك ولاد بنتك و ولاد ولدك اش خصك كتر ديري عقلك حسن ميخليك و ديك ساع شوفي شكون غيعيشك هادشي فين عايشة دبا.
المرأة: حتا نتا معاه ياكو تحاميتو بااينة موكلاكم و مشرباكم شي حاجة لا نتا لا ولدك اللي كيهترف غير بسميتها ، خليو جوديا لا متقدرش دير هادي لا عيانة لا بزاف عليها اوو مالها شكون تكون انا قدها كنت والدة 3 واحد فضهري و جوج قدامي و كنت منخلي مندير نخمل و نهز الدار كلها علا ضهري و دبا هي برهوشة ولا اشمن برهوشة راها شارفة راه فاتت 30 راه قدي واقيلا ( قاطعها صوت قوي من اللور ديال رجل )
الرجل: برهوشة ولا شارفة انا باغيها ديري اللي درتي امّا متفرقني معاها غير الموت و ديك البنت راها بحال بنتك راه كتدي ذنوبها الوليدة نعلي الشيطان و تاقي الله فيها و فيا ولا راه غنجرها و نخرجو من هاد الدار و عمرك تشوفينا مزال.( قبل ميجي طالع فالدروج، طلعات واحد الشابة كتجري فالدروج لبيتها و سدات الباب عليها باش ميتسمعوش شهقاتها )(دار طالع مع الدروج لبيتو و مخلي موراه مو واقفة مخرجة عينيها مصدومة من اللي سمعات حيت عمرو تحدا معاها الحدود ديما مكبر بيها و دايرها تاج فوق راسو ... ولكن دبا منين وصلات بيها انها تعاير مرتو اللي مواصلاها بوالو راه جعر)
الحاجة سعاد: اييه سمعتيه ا الحاج سمعتيه سمعتيه ا سي علي اش قالي ولديي اسعاد وتعذبي و قطعي كرشك و سهري الليالي باش فاللخر يجي ولدك كبدتك يفضل مراتو عليك و غير تكون شي مرا بعدا عااقرة شارفة...
قبل متكمل هدرتها قاطعها الحاج علي: يهديك الله اهاد المرا واش مغديريش عقلك متخلينيش ندير شي حاجة اللي تغضب ربي فيك خليني محتارم العشرة اللي بيناتنا و الولاد و بعدي من ولدك و خليه يعيش مع مراتو كيف باغي راه قهرتيه و مزال شاد ليك فهبالك ديري عقلك ولا والله لا زدت معاك دقيقة. ( ناض خارج مخليها بوحدها دايرة راسها كتسخف باش يحن فيها سعا راه عاار قوالبها راه مرتو عشرة 47سنة متخفاش عليه )