اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
داز الوقت كانت شي 5 ديال العشية، الدقان فالباب، سمعو زين الدين و ناض بالشوية باش ميفيقش جوديا، لبس تيشورط ديالو ، فتح الباب. سعيدة: سيدي الحاجة والحاج كيتسناوكم باش تاكلو الترضيضة راه واجدة، راهم فالجردة، زين الدين: واخا هاحنا جايين. سد الباب و توجه عند جوديا، جلس جنبها فالسرير، كيداعب شعرها، بدات كتحرك بالشوية، حتا حلات عينيها، جوديا: زين، شحال الساعة؟ ياكما مشا عليا الحال. بغات تنوض و تكاها، دار يد تحت راسو و ضار كيشوف فيها وبدأ كيقرب من شفايفها باغي يبوسها. زين الدين: خليك مزال الحال، عيطو باش نديرو كسكروط، تبغي تهبطي ؟ جوديا:( حطات يديها على صدرو و دفعاتو بالشوية) زين الدين يالاه نهبطو فيا الجوع. و هربات من تحتو غير بالسلاكة. مشات للحمام قضات حاجتها و توضأت، صلات العصر حتا زين دين دخل موراها للحمام و خرج لقاها مزالة كتصلي، وقف فالقبلة وصلى صلاتو، سلاو و جلسات جوديا كدعي مور التشهد الاخير، سلات جمعات الصلاية، حيدات عليها العباية والشال و توجهات للدريسينغ، في حين زين الدين، كان جالس كيتسناها باش يهبطو بزوج، ختارت واحد العباية من الفوق دارتها عليها و هبطو. لقاو الحاجة دايرة كاس ديال دوليبران(دواء) فوق الطبلة، كان الحاج و هاجر والبنات اما عمر خارج، و صفاء مشات لدارها، لقاو السلام عليهم و جلسو. زين الدين: ما واش مريضة؟ داك دوا ديالاش؟ الحاجة(شافت بنص عين فجوديا اللي مفراسها ميتعاود بلي راس سخفات...) غير راسي كيضرني شوية، نطقات هاجر مقاطعاها: مسكينة خالتي راه لقيتها سخفانة فالصالون فاش مشات جوديا، يمكن مشافتهاش فاش سخفات حيت خرجات هي والحاجة لقيتها مغيبة. خرجات جوديا عينيها من اللي سمعات، هي خلاتها صحة سلام و كدعي فيها من الفوق، كيف طرا حتا غير خرجات و هي سخفات. مفهمات والو بقات غير كتشوف. زين الدين(نطق مخلوع): كيفاش سخفات وعلاش معيطتوليش، شنو كيضرك دبا؟ الحاجة:( بدات كتمسكن عليه و كتوجع بالعاني.) شوية ا ممي(ولدي). مسكينة جوديا مشافتنيش فاش سخفات اما راه متخلنيش (و ضارت عند جوديا اللي متبعة المسرحية) ياك ايْلِّي(بنتي). زين الدين: خليتي ما سخفانة وطلعتي؟ جوديا: (علات فيه حاجب و شافت ف الحاجة اللي مبسمة) علاه الحاجة فوقاش سخفتي يمكن حتا طلعت حيت فاش كنت خارجة من عندك كنت كنسمعك كتدعي عليا و كتعايريني هادشي فاش خليتك وطلعت بحالي اولا؟ ( وشافني فيها بتأكيد). نطق زين الدين مقاطعهم.تقاد فالجلسة و قال. زين الدين: كيفاش كدعي فيك و تعايرك، علاش شنو كاين شنو طرا باش تعايرك ولا تسبك، ( ضار شاف فمو كيتسناها تدوي و هضر مغزف و باينة تعصر ولكن كيهضر غير بالهداوة) شي وحدة تشرح ليا شنو طرا. يالاه بغات تنطق الحاجة قاطعاتها جوديا. جوديا: ماشي مهم شنو وقع اللي فات راه فات، دبا خلينا نديرو كاس كروك ونوضو نوجدو راسنا قرب الحال راه 6 دبا، زين الدين: بلاتي حتا نكمل هضرتي عاد نشوفو واش مزال غنمشيو لهاد العرس ولا بناقص، تأفأفات جوديا و تخبطات على الفتوي اللشي اللي خلا زين الدين ضار و خنزر فيها، تقادات فالجلسة، نطقات الحاجة و هي كتمسكن، الحاجة: اولدي فاش طلعتي شديت بنيتي جوديا وبقيت كنهضر معاها و كندير ليها عقلها. قاطعها زين الدين: كيفاش كديري ليها عقلها علاه مالها هي مشيرة؟؟ جوديا و هاجر حبسو الضحكة حتا ضار خنزر فيهم زين الدين بزوج عاد سكتو. زين الدين: كملي اما نشوفو حريرتكم، الحاجة: اوا اولدي قلت ليها نوضي تولدي و علاه مزالة حتا هاد الوقت و وربي راكم كتكبرو ماشي كتصغارو ونتا فوقاش غدير هاد الولاد حتا دير 50 راك 40 داخل فيها شنو بغيتي كتر، المهم، قلت ليها وقنعك تزوج، مبغاتش شديتها قلت ليها ابنتي و غير بالعقل و هادا و رانا كبرت و العمر كيسالي بغيت نشوف حفايدي، و قلت ليها نوضي نزوجو زين الدين ونتي راه غتبقاي مراتو الا بغيتي يجيب عليك الصورة مبغيتيش طلقي، ياك مثل عيب(شاف فيها زين الدين تابعها فهبالها) حتا نطق الحاج. الحاج: اييه مفيها عيب( حتا بغات تقوليهم شفتو راه عادي و قفزها الحاج بالغوتة اللي غوت عليها) وانوضي ديها فالجيهة اللي ضراتك، ياا هاد المرة تاقاي الله و هني راسك و هني هاد الولاد، مالك غير لاصقة الزواج الزواج المالكي ريحي راسك و سيري تصنتي لعظامك، ناض من حداهم مخليهم غير كيشوفو، نطقات الحاجة: سير سير كبرتي و جهلتي، ( شافت فيها جوديا وقالت لنفسها): امم مانعرف شكون اللي جهل ديال بصح). كملات الحاجة كلامها و قالت، و كون تشوف ياولدي شنو قاتلي، زين الدين: شنو قاتلك؟؟ الحاجة: قاتلي الي بغيتي تزوجي شي حد زوجي راجلك، انا حشمت بلاصتها و بقات عليا يا الشارفة دخلي سوق راسك و ديها فراسك، صدمةتني ياا ولدي بقيت غير كنشوف، اوا خلاتني منشورة كيف الهيضورة سخفانة وطلعات للبيت، شاف زين الدين: جوديا بصح هاد الهضرة اللي قالت ما؟ جوديا: نص صحيح حتال انني قلت ليها زوجي الحاج قلتها منكرش ولكن انني نوصل نعايرك اخالتي حشومة عليك والله، كتكدبي عليا فوجهي، خلاتهم جالسين و ناضت طالعة لبيتها، الحاجة: شفتي يا وليدي كيف ولات كدير، انا بعدا صدماتني، قاطعها زين الدين: ما صافي سمعت اللي كافي. ناض داخل للدار، بدات كتعيط ليه الحاجة. الحاجة: ولدي اولدي أجي تاكل شوي . زين الدين: ݣهمتوني غير بالصحة.
