💎قسوة القلوب💎. (بالدارجة المغربية✍🏻)

🎀الجزء الثالث{3}🎀

بعد دقائق، كانت قدام الكلينيك لقات الدنية عامرة بزاف الظاهر شي حاجة كاينة.
خلات الطنوبيل للعساس يديها الباركينغ. دخلات وسط الجوقة للداخل، مشات عند réception سولاتها.
جوديا: سلام شنو كاين هنا؟؟
الممرضة: سلام دكتور جاونا حالات مستعجلة حادثة سير فيها 2 شباب ف حالة حرجة.
جوديا: كاينين الاطباء ؟؟
رناد: الدكتورة ليلى فالطريق و الدكتور سمير راه قريب يوصل، ولكن كاين خصاص حيت الاطباء الرئيسين مكاينينش، راه الممرضين قايمين بالواجب دبا علاما يوصلو.
جوديا تعصبات حيت الحياة ديال الناس فخطر ة الاطباء مكاينينش ولكن غدير معاهم اللازم.
جوديا:فين هما دبا؟
الممرضة: فالمستعجلات.
خلاتها و مشات للبيرو حيدات الكسوة و لبسات uniforme ديال الخدمة و البلوزة من الفوق معاهم صناتات على عنقها.
توحهات للبيرو ديال زين الدين لقاتو مكينش. هبطات نيشان للمستعجلات لقات الدنيا مرونة كلشي كيجري. وقفات جنب المريض.
جوديا: حالة المريض ؟؟
الممرضة: المريض عندو 25 سنة دار حادثة سير خطيرة، الضغط مرتفع و ضربات القلب منخافضين.
جوديا: ديرو ليه الاسعافات الاولية و ديوه ديرو ليه الراديو شوفو واش عندو شي كسر، عاد ديرو خدمتكم كما يجب.
قلبات المريض لاخر تاهو و شافت ضربات قلبو و الضغط.. و داوه يديرو ليه نفس الشي. عاد تمات جاية ليلى و الدكتور سمير.
جوديا: تباركلاه على الاطباء ديالنا وصلو و عتقو الناس بكري.( كانت كتشوف فيهم بغضب حيت ديما كيتعطلو و غير مكتكونش هي كيهربو.) الدكتور ليلى سمير شنو هادشي؟؟ كنتسنا تبرير على هاد الموقف.
( كانت كتهضر بصوت مرتفع شوية الشي اللي خلا الممرضين و الاطباء اللي تما كيشوفو فيهم)( ليلى معجبهاش الحال من تصرف جوديا انها تغوت عليها قدام كلشي الشي اللي خلاها تجاوبها)
ليلى: دكتور راه كان عندي ظرف طارئ والا مغنخليش الكلينيك و غنمشي.
جوديا: هادا ماشي مبرر دكتور كنتمنا منكم تلتازمو بالقانون و انكم تكملو ساعات العمل ديالكم و ديك الساع تحد ميحبسكم. (دارت مخلياهم كياكلو راسهم من الشوهة اللي دارت ليهم)
ليلى: ( بصوت منخفض كتسمعو غير هي): وليتي كتغوتي عليا اجوديا قدام الممرضين واخا.
نصارفو بحالهم كل واحد لخدمتو عتقو المرضى و دارو اللازم.
جوديا فالبيرو ديالها كالسة و كتفكر كيفاش تعاملات مع ليلى و انها مكانش عليها تغوت عليها بديك الطريقة وسط الممرضين بحكم انها طيحات منها خصوصا انها صديقتها.
دق الباب اذنات جوديا بالدخول.
كانت ليلى الي هازة ورقة فيديها.
توجهات للمكتب هزات راسها فجوديا اللي لقاتنا كتشوف فيها.
ليلى: سلام دكتور، بغيت ندفع الاستقالة ديالي و بغيتك تقبليها سني عليها نمشي بحالي.
جوديا خرجات عينيها فالورقة اللي قدامها.
جوديا: اويلي اليلى شنو هادشي؟؟ واش حماقيتي؟؟
ليلى: محماقيتش غير هو صاحبتي لي تصبني قدام الناس و تشفيهم فيا و تخليهم يتفرجو فيا ماشي صاحبتي.
جوديا: ياك ا ليلى هادي هي نتي. و زيدون متعطيش لراسك الحق غير بسباب هادشي، كنعتارف غلطت و لكن تانتي كترتي ديما كنضرب بيني و بينك و تاحد مكيسمع ولكن راه اليوم مكنتيش و كانو ناس محتاجينك ونتي مكايناش، شنو كان ممكن ديري كون ماتو و هوما كيتسناو الطبيب اللي يجي يعاونهم؟
ليلى: حتا انا كنعتارف غلطت ولكن غير مديريش هاكداك قدام كلشي راه هادشي اللي زاد جرحني كتر و زايدون صيفت ليك ميساج علمتك بلي ماما طاحت و مشيت نشوف كيف بقات.